CNA000試作型支精神砲嘅裂甲合返埋...收返喺背脊...

我冇再等...唔使再觀察...唔使再分析...立即以忍步姿勢衝過CNA000試作型...向佢腰間使出一閃...

“吱!!!”CNA000腰間立即展開絕對領域...與我嘅紅光刀刃擦出大量紅色粒子...

CNA000試作型立即由右邊背後嘅銀色長方體...拔出日本刀順勢向我砍一刀...

“嗡!吱!嗡嗡!吱!”我立即用精神刀一擋...再向佢揮兩刀後再抽刀一斬...



CNA000試作型用實體刀刃擋住我嘅紅光刀刃之後...又轉身擋住綽姿嘅攻擊...然後再順勢轉身兜頭砍向我...

我立即側身一避...單腳踩住CNA000試作型把實體刀刃落地...再一刀刺向佢胸口...

“吱!!!”CNA000試作型立即單手捉實我把紅光刀刃...大量紅色粒子由佢嘅掌心飄出...

綽姿趁住CNA000試作型有空檔...立即一刀砍埋去...

“嗡!吱!”CNA000試作型立即將我嘅紅光刀刃拎嚟擋住綽姿嘅紅光刀刃...



我同綽姿同時向CNA000試作型一踢...

CNA000試作型被我哋踢到退後兩步...站穩陣腳...

我同綽姿再乘勝追擊...

之但係實情都唔可以話有勝...最多都只可以話係追擊...

“嗡!吱!嗡 嗡!吱!!!嗡!吱!”我同綽姿一左一右...一前一後...圍住咁狂攻CNA000試作型...



但CNA000試作型都可以一一化解我哋對佢嘅攻勢...

“嗡!吱!!!”最大問題都係...絕對領域...

我同綽姿大大話話都命中CNA000試作型身上過百刀...

每當擊中CNA000試作型身上任何一個部位...絕對領域都會展開...

而且感覺唔到CNA000試作型身上嘅精神能量有大幅減弱...就只有平均輕微減弱...

點會咁...唔通係我哋嘅攻擊力唔夠高?

如果真係...我哋冇可能打得低佢...

“嗡嗡!吱!”我同綽姿一左一右一人一刀攔腰橫斬向CNA000試作型...



CNA000試作型展開絕對領域擋住兩把紅光刀刃...一邊向後彈後幾步...一邊將把差唔多耗盡能量嘅日本刀...收返入背後嘅右邊銀色長方體...

CNA000試作型再邊退後...左邊支精神砲由背後伸向腰間...同時裂甲...

CNA000試作型一紮穩馬步...左手手持精神砲...砲身嘅裂紋仲有多條紅光線好似流水咁流動...流動...流向砲口...砲口對住我哋...對到正一正...

“吱!!!轟!!!”極刺眼嘅紅光巨柱就向住我哋直射埋嚟...

我拉開綽姿...輕輕側一側身...避開...

極刺眼嘅紅光巨柱就喺我嘅胸前擦過...

“吱!!!”大量嘅紅色粒子就喺紅光巨柱同我胸前擦出...飄出...



“轟隆!!!”精神砲直擊牆身後產生大爆炸...大量嘅紅色粒子喺空氣中飄散...

第三幅牆...仲有...一幅...同天花...

綽姿冇等到CNA000試作型將精神砲收起...就以忍步接近...

CNA000試作型一邊收回精神砲...一邊急住拔刀...

“嗡!嗡!吱!”綽姿同CNA000試作型又再次埋身肉搏戰...

要快啲...再咁落去...我都唔知自己嘅精神能量仲可以捱幾耐...

我立即支援綽姿...夾擊CNA000試作型...

“嗡嗡!吱!嗡!吱!嗡嗡!吱!!!”整個空間越嚟越紅...



越嚟越多紅色粒子喺空間之中飄散...

CNA000試作型一腳踢開綽姿...我立即趁空檔向CNA000試作型施展一閃...

“嗡!吱!!!”CNA000試作型一刀擋住我嘅一閃攻擊...再向後彈飛十幾米...將把日本刀收返入背後嘅右邊銀色長方體...同時左邊支精神砲由背後伸向腰間...同時裂甲...

CNA000試作型一落地紮穩馬步...左手手持精神砲...砲身嘅裂紋仲有多條紅光線好似流水咁流動...流動...流向砲口...砲口對住我...對到正一正...

“吱!!!轟!!!”極刺眼嘅紅光巨柱就向住我直射埋嚟...

我立即向左一個小彈跳...避開...

極刺眼嘅紅光巨柱就喺我嘅肩膀擦過...



“吱!!!”少量嘅紅色粒子就喺紅光巨柱同我肩膀前擦出...飄出...

“轟隆!!!”精神砲直擊牆身後產生大爆炸...大量嘅紅色粒子喺空氣中飄散...

四幅牆嘅精神能量都極低...仲未回復到能量...仲差天花...

我立即以忍步拉近與CNA000試作型嘅距離...

今次CNA000試作型並冇將精神砲收返喺背後...而係繼續左手手持精神砲...砲身嘅裂紋仲有多條紅光線好似流水咁流動...流動...流向砲口...砲口瞄住我...

二連嘛?原來可以咁...

我立即向上一跳...

CNA000試作型舉起精神砲...瞄住喺空中嘅我...

我由上而下...以拔刀姿勢飛向CNA000試作型...

嚟喇...嚟喇...嚟喇...

“吱!!!轟!!!”極刺眼嘅紅光巨柱就向住空中嘅我...迎面直射埋嚟...

我立即以紅光刀刃擦向紅光巨柱...擦住紅光巨柱咁向下滑落...

“吱!!!”大量嘅紅色粒子就喺紅光巨柱同紅光刀刃擦出...飄出...

“轟隆!!!”精神砲直擊天花後產生大爆炸...大量嘅紅色粒子喺空氣中飄散...

我就一刀斬落CNA000試作型支砲身...

“吱!嗡!吱!!!”絕對領域由砲身展開後...我再大大力橫斬一刀...

CNA000試作型立即向後飛開廿幾米遠...

當我一企穩陣腳...就指住自己腰間...望住綽姿:『你估...你頂唔頂得住吖喇?』

綽姿望一望我腰間嘅...SB1:「我怕你頂唔住。」

『哈...咁就要試過先...知...』我左手手持精神刀...立即一邊以忍步接近CNA000試作型...一邊單手拔出全條SB1...

CNA000試作型立即拔刀向我擺出防禦姿勢...

“嗡!吱!”我向CNA000試作型使出一閃...就喺佢以實體刀刃擋住我嘅紅光刀刃之時...我立即向佢身後一跳...同時將成排SB1貼喺佢背脊...

我喺地上碌咗幾個圈...拉開距離後:『瓦解...』

“轟隆!!!”一聲巨響...身後有巨大嘅爆風撲埋嚟...

我喺地上被爆風推咗幾個圈...再推碌多幾個圈...

大量...極大量...無法形容咁大量嘅精神能量撲埋嚟...

好熱...極熱...熱到刺骨嘅精神能量衝埋我身上...就算趴喺地上嘅我...想盡量減低衝擊...都減唔到幾多...

可以好清楚咁感覺到...自己身上嘅精神能量正被成條SB1所做成嘅爆炸削弱...消耗...

行者長袍不停咁消耗精神能量去提升防禦力...

除咗自己嘅精神能量...成個空間都係雜亂嘅精神能量...被爆炸產生出嚟嘅精神能量所衝擊...

要頂住...一定要頂住...一定頂得住...

頂咗一陣...頂咗一段時間...

“轟隆隆隆!!!”SB1爆炸所帶嚟嘅衝擊開始減弱...越嚟越弱...

慢慢...慢慢...衝擊力越嚟越弱...弱到再感覺唔到刺熱...感覺唔到衝擊...只係感覺到...雜亂嘅精神能量...

我慢慢企返起身...左右搖擺...企一企穩...

望一望...紅色粒子...全部都係紅色粒子...被濃濃厚厚嘅紅色粒子...包圍...

氣息好雜亂...四周都係雜亂嘅氣息...

紅色嘅粒子...精神能量...好似一時之間散唔開...散唔走...只可以慢慢...慢慢咁...極緩慢咁飄散...

綽姿...綽姿呢?係唔係已經炸到化成無數咁多紅色粒子喇?

我嘗試提升感應力...感應綽姿嘅氣息...

大貨倉嘅四幅牆同天花都被炸到消失咗...削弱咗精神能量嘅防禦力後...果然頂唔住成條SB1嘅爆炸威力...

咁綽姿呢?我...感覺到...

包圍身邊嘅紅色粒子開始向廣闊嘅空間飄散...我開始感覺到綽姿嘅氣息...

唔止...唔單止綽姿嘅氣息...仲有...CNA000試作型...

我感覺到...喺我同綽姿中間...仲有CNA000試作型嘅氣息...

咁都炸你唔散...

唔止炸唔散...仲好似...一啲減弱都冇...

成條SB1貼住咁爆...都減弱唔到佢...

不過好彩嘅係...綽姿嘅精神能量都只係減弱咗少少...就只係少少...

只係呢少少...應該影響唔大...

就喺我哋三個都被紅色粒子包圍...企喺度之時...

日倫就好似喺我耳邊講:「委託任務更新...毀滅CNA000試作型...」

嗯?竟然...會更新委託任務...

而且仲要...毀滅CNA000試作型...

「了解...」我同綽姿異口同聲回答...

咁就麻煩...

等我仲諗住借CNA000試作型嘅精神砲削弱大貨倉牆身同天花嘅精神能量...以SB1炸毀...萬一真係唔夠打...都可以趁機逃走...

但而家竟然...更新咗委託任務...

要毀滅CNA000試作型...想逃走都唔得...

偷偷望一望四周...除咗紅色粒子...仲有火海一片...

唔少建築物殘骸都散喺地上...堆喺地上...著火...焚燒...

啲貨倉全部都唔見晒...本來幾棟大樓就變成瓦礫...著火焚燒...塵土飛揚...

綽姿係連同佢頭先Set好嘅SB1一齊引爆...

啱吖...我都預咗係咁...一次過...唔使煩...

而家要煩嘅...係煩在點樣毀滅CNA000試作型...

“嗡!”我同綽姿都單手手持精神刀...亮出紅光刀刃...圍住CNA000試作型...轉...轉圈...

而家嘅空間...比起頭先更大...更廣闊...

應該點樣利用?

而家空間嘅大細仲對我哋有冇影響?

我同綽姿圍住CNA000試作型轉咗半個圈之後...就同一時間一左一右以忍步向CNA000試作型突擊...

“嗡!吱吱!”CNA000試作型立即以實體刀刃擋住我嘅直砍...同時用另一隻手擋住綽姿嘅橫刀一閃...

我同綽姿繼續邊圍住CNA000試作型轉...邊橫斬直砍迴身半月斬再駁袈裟斬...

“嗡!吱!嗡嗡!吱吱!嗡!吱!!!”CNA000試作型一邊自轉...同時一邊招架我同綽姿嘅攻擊...向我哋反擊...

刀光劍影...紅銀光閃過不停...

空間比之前大...之但係對我哋有利嘅...係埋身肉搏...

唔需要再靠CNA000試作型支精神砲破壞四周...就唔好再俾佢有機會用...要埋身肉搏...打到佢把日本刀冇晒精神能量...

“嗡嗡!吱!嗡!吱!嗡!吱!!!”瞄住CNA000試作型把日本刀嚟斬...砍...每一刀都要佢用日本刀嚟招架...

唔使幾耐...已經感覺到CNA000試作型手中把日本刀上嘅精神能量減弱...減弱到差唔多冇...

CNA000試作型將把差唔多耗盡能量嘅日本刀...收返入背後嘅右邊銀色長方體...然後...今次冇再用精神砲...而係...

CNA000試作型身上嘅裝甲...閃著紅光...好似流水一樣...閃爍...閃爍嘅紅光線...

突然...CNA000試作型身上嘅裝甲好似“裂甲”一樣...

“吱!!!”大量嘅精神能量就由CNA000試作型裝甲底下層紅光甲片噴出...

我同綽姿同時被由CNA000試作型身上所噴出嘅強大精神能量推開...向後飛開幾米遠...

做...做咩吖?進入第二階段?