《香港傭兵》: [Day 22－現在未來] PART 19
我同綽姿雙手手持精神刀...擺出防禦姿態...望實被大量紅色粒子包圍嘅CNA000試作型...
包圍住...好似一個保護罩咁包圍住CNA000試作型...
好強...好雜亂...又強又雜亂嘅精神能量...尤其係裝甲底下層...好多片...一片片...散發出刺眼紅光嘅甲片...
估唔到...估唔到只係試作型...都有第二形態...
或者就係因為試作型...先要有第二形態...
咁先可以試到...做到更多測試...
呢種裂甲方式...進入第二形態...會有幾大分別...
能力同力量...又會強幾多...
究竟可唔可以毀滅...以我同綽姿...兩個人...
「要毀滅...」綽姿立即以忍步衝向CNA000試作型...
只見綽姿只衝到去紅色粒子範圍外...揮兩刀...
“嗡！吱！嗡！吱！”連紅色粒子都斬唔開...
太密喇...精神能量太密...太濃...綽姿把精神刀嘅精神能量唔夠強...都係斬唔入...
呢種能量護盾...比起絕對領域...邊個強啲？
CNA000試作型將紅色粒子保護罩爆開...綽姿立即失去重心...CNA000試作型立即想一手捉住綽姿...
弊...綽姿嚟唔切避...
我立即衝埋去...一手推開綽姿...再向CNA000試作型隻前臂斬一刀...
“嗡！吱！”唔單止完全斬唔入...仲阻唔到佢隻手向住我塊面一伸...
『嗚...』我就被CNA000試作型一手捉實塊面...
CNA000試作型捉實我塊面...極快速咁一手就舉起我...
我感覺到...我塊面...喺CNA000試作型掌心...有股極強大...極強大嘅精神量能...
好熱...我塊面...感覺到超級熱...
突然...
“轟隆！”我塊面產生大爆炸...
『嗚...』我成個人就向後飛開...撻落地...再碌咗幾圈...
係...係God Finger？
係引爆精神能量嘅God Finger...
竟然有...竟然可以...
好痛...成塊面...好似俾人用Shotgun兜口兜面顏射咁撚痛...
大量紅色粒子由我塊面飄出...精神能量流失緊...由塊面...不停咁流失...流失大量精神能量...
真係好強...呢種近戰武器...解放軍竟然可以...
當我想企返起身之時...CNA000試作型已經衝緊埋嚟...
好快...比起頭先更快...一瞬之間就已經...衝到埋嚟...
我都未企穩...綽姿立即衝去我面前...嘗試橫刀斬向CNA000試作型...
但綽姿把紅光刀刃都未揮到一半...CNA000試作型就一個橫邊鎚車落綽姿塊面...
綽姿隨即被車到飛開...
CNA000試作型立即一手捉住我個頭...我就立即一刀刺向佢胸口...
“嗡！吱！”CNA000試作型胸口立即展開絕對領域...擋住我嘅紅光刀尖...
刺唔入...絕對領域嘅精神能量太大...防禦力太強...
CNA000試作型立即一拳打落我個肚...
『嗚...』我口噴紅色粒子...成個人向後飛開幾米...撻落地碌咗兩個圈再立即一刀插落地...企返起身...
好快...好重...CNA000試作型嘅動作又快...出拳又重...
而家裂甲狀態之下嘅CNA000試作型...相比起頭先...真係勁咗好多...
究竟裡面嘅人...頂唔頂得住吖...
冇錯喇...裡面嘅人...穿著CNA000試作型嘅人...
假如...我嘅推斷係正確...CNA000試作型會因應穿著者嘅動作作出協助...而家佢嘅速度快成咁...一個普通人又點頂得住？
動作快成咁...唔好話身上嘅肌肉承唔承受得住...所產生嘅G力唔係令著喺裡面嘅人死咗...都暈咗啦...仲點可以...
究竟喺裡面嘅...係唔係人嚟㗎？！
說時遲...那時快...CNA000試作型跑到嚟我面前...一腳踢起我...
『嗚...』我成個人就飛到去半空中...
CNA000試作型一跳...閃爍住刺眼嘅紅光一閃...就跳到嚟我面前...向我極速亂揮拳...
喺半空中...我就被CNA000試作型亂拳揮擊...
全個上半身...連埋個頭...就被CNA000試作型連環亂拳重擊咗百幾下...幾百下...
短短幾秒之間...或更短時間...
然後CNA000試作型再以一個轉身三百六腳踭鋤...我就成個人直飛落地...
“轟隆！”地面被我撞擊之下，凹陷咗一個大窿...
『嗚...』好痛...成個上半身...成身都好似...好似散晒咁...
大量紅色粒子就由我身上飄出...飛散...
流失...流失大量精神能量...
我已...我已經...
唔通...呢個就係我嘅極限？
我嘅力量...我嘅能力...
面對住機械...裝甲...
人型穿著機械裝甲...
冇可能...我冇可能會輸...
人嘅能力係潛藏住...
只要不停出入生死...喺生死之間徘徊...最接近死亡...但又死唔去...一直生存...生還...倖存落去...就會突破...突破...再突破...
對比起機械裝甲...機械裝甲嘅能力被定死...係咁多就咁多...最盡之時就無法突破...
我嘅潛能...係無限...冇極限...只要突破...再突破...我係唔會輸...我係唔會輸俾機械！
我雙手手持精神刀：『喝！』
大量嘅紅色粒子由我身上爆出...向四周飄散...
手上嘅紅光刀刃瞬間變得極刺眼...
我踏前一步...隨即極速衝向CNA000試作型...
我嘅身影快到好似化成極刺眼嘅紅光線...瞬間閃到去CNA000試作型面前...
CNA000試作型立即雙手打交叉...擺出防禦姿勢...
“嗡！吱！”我以一閃橫斬CNA000試作型雙手嘅一瞬間...立即順勢翹到去佢背後...向住CNA000試作型背後使出連環斬...
“嗡嗡嗡！吱吱！嗡！吱！嗡嗡嗡！吱吱！嗡！“極刺眼嘅紅光刀影閃過不停...與CNA000試作型背後嘅絕對領域擦出大量紅色粒子...
斬唔入...仲係斬唔入...紅色嘅絕對領域仲係擋住我把極刺眼紅光刀刃...
我再極高速連環亂斬多幾十刀...就喺CNA000試作型想轉身之時...我立即翹到面前...順勢轉身抽刀一斬...橫斬落CNA000試作型腰間...
“嗡！吱！！！”就喺CNA000試作型腰間嘅絕對領域擋住我把極刺眼紅光刀刃嘅一瞬間...我隨即用力一抽...將CNA000試作型抽到上空中...
我立即用力一跳...化成極刺眼紅光線般...向住CNA000試作型跳上去...
CNA000試作型喺空中雙手打交叉...擺出防禦姿勢...
我就衝到埋去CNA000試作型...隨即連環揮動精神刀...
“嗡嗡嗡！吱吱！嗡！吱！嗡嗡嗡！吱吱！嗡！”極刺眼嘅紅光刀影閃過不停...與CNA000試作型雙臂前嘅絕對領域擦出大量紅色粒子...
仲係斬唔入...仲要再快速...再大力量...再大能量...
我不停加速...加大力度...連環亂斬向CNA000試作型...
極刺眼嘅紅光刀影閃過不停...與CNA000試作型雙臂前嘅絕對領域擦出大量紅色粒子...
差唔多喇...我感覺到...CNA000試作型嘅絕對領域...開始減弱...
“嗡嗡嗡！吱！嗡嗡！吱吱！嗡！”越嚟越弱...俾我斬砍到...越嚟越弱...
弱到已經...出現...絕對領域出現裂紋...
CNA000試作型左前臂一手擋開我把極刺眼紅光刀刃...再一個右直拳向住我塊面車埋嚟...
我立即揮刀格開CNA000試作型嘅右直拳...再順勢直砍落佢身上...
就係呢一下...
CNA000試作型胸前嘅絕對領域擋住我把極刺眼紅光刀刃...快要擋唔住...要俾我斬開之時...我再用力一壓...將CNA000試作型直揮落地...
“轟隆！！！”CNA000試作型一落地...踩到地面凹陷一個大窿...
係機會...
我就由上而下...從天而降...化成紅光閃電咁向CNA000試作型直砍落去...
就喺我手上把極刺眼紅光刀刃快要砍落CNA000試作型頭上之時...
“嗡！吱！！！”CNA000試作型左手一手捉實我把極刺眼紅光刀刃...
竟...然...
CNA000試作型右手手掌向我胸口一推...隨即有極強大嘅能量衝向我胸口...
“轟隆！！！”我隨即被極強大嘅能量炸到飛開幾米遠再鏟落地碌幾個圈...
我一刀插落地...單膝半跪咁撳住自己胸口...
胸口...我嘅胸口...好似被炸開咗咁...飄出大量紅色粒子...
我嘅...我嘅精神能量...
CNA000試作型一跳...跳到半空中...由半空中向我使出Rider Kick...
仆街喇...呢次...
正當CNA000試作型嘅Rider Kick快要飛到埋嚟我身上之時...
“嗡！吱！”綽姿及時趕得切以一閃將CNA000試作型嘅Rider Kick擋格開...
綽姿立即貼近CNA000試作型...橫斬直砍轉身半月斬接袈裟斬...
綽姿身上嘅精神能量...
CNA000試作型完唔使唔刻意擋...硬食住綽姿嘅攻擊作出反擊...
綽姿身上嘅精神能量...明顯減弱咗...
綽姿中咗CNA000試作型兩拳後...被打到退後兩步...
綽姿身上嘅精神能量唔止明顯減弱...仲越嚟越弱...
CNA000試作型立即拔刀向綽姿揮兩刀...
“嗡！嗡！吱！！！”綽姿避一刀再以精神刀刃擋一刀...
不過CNA000試作型手上把實體刀身上嘅紅光明顯比裂甲前更光更亮更刺眼...而且精神能量亦明顯強大得多...
精神能量越嚟越弱嘅綽姿手上把紅光刀刃快要擋唔住...能量快要被切斷...
綽姿立即推開CNA000試作型...自己再退後兩步...
唔得...綽姿就快頂唔住...
我立即幫綽姿補位...擋住CNA000試作型嘅斬砍...
“嗡！嗡！吱！嗡！吱！！！”一避一擋再擋再擋...
身後嘅綽姿...身上嘅精神能量越嚟越弱...
唔得喇...可能就快耗盡精神能量...要進入深層睡眠...
唔得喇...咁我呢？我又...我又頂到...幾耐？
就喺我再擋多CNA000試作型兩刀...
“嗡！吱！！！”CNA000試作型一刀刺入我個肚...將我舉起...
『嗚...呀...』我被CNA000試作型舉起到雙腳離地...
CNA000試作型再一嘢就掉我落地...
我喺地面碌咗兩個圈...趴喺地上...
極大量紅色粒子由我個肚噴出...
弊...弊喇...我...我...綽姿呢？
突然...感覺唔到綽姿嘅...氣息...
綽姿嘅氣息...完全消失...
我趴喺地上望...望望四周...望望火海一片嘅四周...尋找綽姿嘅位置...
綽姿...綽姿...企咗喺...火海之中？
我望到...綽姿嘅身影企喺火海之中...身上並冇任何紅色粒子...只有黑...黑...藍...藍...
突然...綽姿嘅黑色身影上...有一點點...一粒粒...藍色...藍色粒子...
藍色粒子...越嚟越多...喺綽姿身上...全身上上下下...越嚟越多藍色粒子...飄浮...飄浮...
包圍住綽姿嘅火焰...慢慢減弱...慢慢熄滅...可以再睇得清楚啲...綽姿身上...藍色...藍色嘅...粒子...
突然...大量藍色粒子由綽姿身上爆出...佢手上嘅精神刀柄隨即亮出...藍光刀刃？！
然後...突然...覺得好攰…
『藍...』
好眼瞓…
『光...』
四肢乏力…
『刀...刀刃...』
…
..
.
TO BE CONTINUED