《香港傭兵》: [Day 23－殺戮特區] PART 02
當我再次有意識之時...再次睜開眼之時...
『綽...綽...陌...陌生嘅...』天花板？
呢度...呢度係...
喺我都仲未回過神之時...就有一個...身影飛撲埋嚟！
「飛揚哥哥！」係...羅羅把聲...羅羅飛撲埋我身上！攬實瞓喺床上嘅我！
『點...點會...』我攬一攬住羅羅...望一望上...深灰色嘅...天花板...
呢度...呢度係...
然後...我聽日倫喺床尾講：「你醒喇？」
『嗯...』呢度...呢度係日倫嘅屋企...葵芳嘅屋企...
「太好喇！太好喇！」羅羅攬得我好實！壓住我喺床上！「終於醒返喇！我幾驚你又唔知要瞓幾耐！」
『發...發生咗咩事？點解我...我會...』我攬住羅羅...諗一諗...
我...我好似...唔記得咗啲乜...唔記得咗...點解我會喺度...
日倫繼續喺床尾講：「尋晚完成委託之後...我同羅羅就帶你同綽姿返嚟。」
尋...尋晚...完成委託？
『尋晚個委託...完成咗？！』我攬住羅羅坐返起身！
尋晚...尋晚個委託...明明...明明就未完成...
我記得...我記得...我記得綽姿Set好SB1之後...仲有一個大貨倉未Set...
「嗯...」羅羅同坐喺床尾嘅日倫都點點頭。
『冇可能...應該唔會係咁...綽姿呢？綽姿喺邊吖？』我左望右望...望望日倫整間房...都唔見綽姿...
羅羅谷起塊面豬登：「一醒返淨係掛住綽姿...綽姿...」
『呃...』咁...咁都好正常姐...
日倫指一指木門：「佢喺另一間房深層睡眠緊。」
『係吖...喺另一間房...』點會...綽姿佢...『點會仲深層睡眠緊㗎？』
冇理由㗎...冇理由仲深層睡眠緊㗎...
我都醒咗啦...冇理由綽姿會耐過我㗎...
羅羅再谷到塊面紅一紅：「你睇你吖...幾咁緊張嗰個梁綽姿吖！都唔知我為你擔心咗幾耐吖！」
『呃...』咁...咁...
日倫接住講：「你同綽姿都深層睡眠接近十個鐘...你嘅話就唔出奇...但綽姿嘅話...就唔尋常...」
『係咯！綽姿唔會深層睡眠咁耐㗎喎！究竟...究竟發生咗咩事？』咁多日以嚟...精神化後...每次醒先嘅都係綽姿...
點會...今次...
羅羅同日倫都諗一諗，然後日倫就開聲講：「呢啲都係等到綽姿醒返先講。」
『嗯...』等埋綽姿先...呢個係規矩...要等到所有有份參與嘅人一齊先開始討論...
之前...佢哋都有等埋我...
今次...我都有份一齊等綽姿...
「而家出面...」日倫開著部電視，「好麻煩。」
而家出面...好麻煩？
連日倫都話...麻煩...
我望住部電視...正正就係報導緊新聞...
而新聞報導緊嘅內容係...
一個女新聞報導員讀出：「荃灣工廠遭受恐怖襲擊。」
吓？荃灣工廠...恐怖襲擊？
畫面所見...一間被銀色圍牆包圍住嘅工廠...拉上封鎖線...
呢間工廠...係解放軍嘅兵工廠...係我哋尋晚要破壞嗰間...
女新聞報導員繼續讀出：「現場消息指，遭受恐襲嘅工廠係屬於一間中資公司。用以生產高科技產品。」
中資公司？高科技產品？
明明就係解放軍嘅兵工廠...專門生產軍事武器...
不過都啱嘅...解放軍都算係中資吖...所生產嘅軍事武器都好高科技...
而畫面所見...外面都...
女新聞報導員繼續讀出：「解放軍已經接受警方嘅反恐隊要求，接手封鎖一帶...」
冇錯...畫面所見...已經有唔少解放軍包圍住間工廠...
又有裝甲車...又有full Gear手持長槍嘅解放軍士兵...
雖然佢哋嘅裝備...唔係尋晚喺工廠裡面嗰啲...用上我哋SPIRIT嘅黑物質所製造...
之但係...都係比之前先進...
女新聞報導員繼續讀出：「除咗封鎖咗荃灣工業區一帶之外，葵青區都實施咗緊急措施...市民除咗唔可以進出荃灣區之外，喺葵青區出入都有機會被解放軍截查。政府都呼籲市民盡量留喺家中。如冇必要唔好外出。」
『佢哋係想...搵我哋？』我就覺得奇怪...
「嗯...」日倫點點頭，「應該就係。」
奇怪在點解解放軍要搞到咁大壇嘢...
研發生產神秘武器裝備嘅神秘工廠被人拆咗...應該盡量保密...滅聲...當咩事都冇生發過先係...（支共一貫手法...）
原來係想名正言順咁喺市區出兵...搵我哋出嚟...
真係辛苦晒喇...
咁講法...即係已經同我哋全面開戰？
話唔定...都真係...
尋晚俾我哋搞到咁大鑊...
日倫熄返部電視：「尋晚嘅事就等綽姿醒返先再討論...但而家...我哋必須要出去睇睇。」
出去睇睇...咩環境...
日倫繼續講：「飛揚你梳洗完就跟我一齊落去睇睇...羅羅...你就留喺度睇住綽姿。」
『嗯...』我同日倫...一齊落去...
羅羅帶住陰險嘅笑容：「嘿嘿...你唔驚我會殺咗佢咩？」
羅羅...殺綽姿...
日倫擰擰頭：「你先唔會咁做。」
羅羅谷一谷塊面豬登：「哼...都唔好玩嘅...」
的確...我都唔覺得羅羅會咁做...
其實羅羅...並唔係咁陰險...
『咁我去梳洗先...』我就行去開門...
日倫提一提我：「浴室喺左手邊。」
『嗯...』我就向住左手邊...浴室方向行。
“灑...”好快手咁梳洗...
唔知點解...突然感覺到羅羅身上...並唔係真係咁陰險...
唔知點解...總係有種感覺...喺羅羅身上...
唔止羅羅身上...仲有日倫身上...
我可以感覺到...喺佢哋身上...散發出...感覺...
我唔識形容呢種係咩感覺...似氣息...但唔係氣息...總之就係有種感覺...
感覺嘅嘢...就係最難形容...
“咔...”好快手咁梳洗完出嚟...
日倫同羅羅都坐喺廳等緊我。
日倫企起身望住我：「使唔使食啲嘢？」
『唔使...唔餓...』完全冇餓嘅感覺...
日倫喺凳上拎返件黑色大褸俾我：「唔使帶裝備...帶裝備反而唔方便...著返件褸，帶返基本嘢就出發。」
『嗯...』我都著返件大褸...喺茶几面拎返鎖匙銀包同電話...
日倫都著返件黑色大褸後，望一望羅羅：「我哋出去喇...綽姿就交俾你。」
羅羅又古古惑惑咁打量住我同日倫：「真係唔怕我會殺咗佢？」
日倫冇羅羅咁好氣咁擰擰頭：「你算罷啦。」
「哼！就等我去畫花佢塊面先～」羅羅就谷住塊面豬登起身，跳跳彈彈咁入房～
「唔使理佢...」日倫行去著返對鞋，「我哋出發。」
『嗯...』我都著返對鞋之後，就跟日倫出門口。
同日倫搭𨋢落樓...
“咔！”一出到條街...望望四周...都仲係有唔少人...
而家呢個鐘數...仲算早...應該係啱啱返工返學嘅時間...
仲見到有唔少男男女女趕住返工咁...又有唔少學生趕住返學咁...
仲有唔少商舖都開咗門...做緊生意...
都係同平時差唔多...正常咁生活...
唯一有啲唔同嘅係...街上多咗唔少解放軍...
行咗冇幾耐...只係同日倫行過咗兩條馬路...就已經見到有幾個手持長槍...Full Gear嘅解放軍士兵喺街上...
大街大巷有荷槍實彈解放軍士兵...仲有幾架印有解放軍軍徽嘅裝甲車停泊喺路邊...
咁唔尋常嘅情況之下都仲有咁多人返工返學...睇嚟真係冇嘢可以阻止到香港人返工返學...
再行多幾步...就已經見到有個OL被解放軍士兵截停咗...
解放軍士兵好大聲咁問個OL：「去那兒？」
OL驚驚地咁：「上...上班...」
又有兩個解放軍士兵行埋去OL身邊...圍住佢...
「上班？」其中一個解放軍士兵一手就捉實OL手臂！拉住佢！
OL勁驚咁掙扎：「做...做咩呀？！帶我去邊呀？！」
「來！不許亂動！進去搜查！」
幾個解放軍士兵就圍住個OL...夾佢去後巷...
「放開我！救...救命呀！救...唔...唔...唔！」
我同日倫就繼續行...留意住四周...
我又望到有班著住校服嘅學生...一字排開面壁思過...
當中有男有女...中小學都有...
又有成十幾個手持長槍...Full Gear嘅解放軍士兵看守住佢哋...搜緊佢哋個書包...大袋...
然後...就有幾個學生妹被十幾個解放軍士兵捉上裝甲車...
當中仲有兩三個係著住小學校服...睇起上嚟都係五六年級...
見佢哋都好似好驚...又完全唔敢反抗咁...被捉上裝甲車...閂埋門...
我同日倫繼續行...行到嚟地鐵站...站內都有唔少手持長槍...Full Gear嘅解放軍士兵駐守...
唔單止喺街上巡邏...就連地鐵站都有士兵駐守...
我同日倫一行入地鐵站...
「喂！」我就聽到身邊有人好大聲又好粗魯咁大喝！
我冷眼一望...就望到有兩個手持長槍...Full Gear嘅解放軍士兵指住我哋咁行緊埋嚟...
其中一個解放軍士兵行到嚟我面前，勁大聲咁用普通話問：「站著！你們要去那兒？！」
另外一個解放軍士兵都行到去日倫身邊，打量住日倫。
日倫立即笑笑口，用普通話回答：「我們要去荃灣～」
企喺我面前嘅解放軍士兵睥實我：「我在問你！你們要去那兒！回答我！」
『我唔知你講乜柒...講廣東話...』我冷眼望實面前嘅解放軍士兵...
面前嘅解放軍士兵怒視住我！對手托吓托吓支長槍！
夠膽你就用槍指住我...我一手就捉實你支槍再一手捏斷你條頸...
只係區區解放軍士兵...一個又好...兩個又好...就算係成隊...只要我一個...唔使精神化...唔使武器...赤手空拳都可以殲滅你哋...
日倫立即笑笑口揮揮手：「兵大哥兵大哥...我朋友不太懂普通話...不好意思不好意思...我們要去荃灣上班呢～」
面前嘅解放軍士兵一邊睥住我，一邊問：「荃灣上班？那處封鎖了！」
日倫摸摸頭：「知道知道...但我們公司在工業區以外...那處並沒有封鎖...老闆要我們趕回去上班...沒辦法吧...沒辦法吧...」
另一個解放軍士兵拍拍我面前個解放軍士兵膊頭：「嗯！快去快去！不要添我們麻煩！」
日倫笑笑口，點點頭：「知道知道～辛苦兵大哥了～」
兩個解放軍士兵轉身慢慢行：「不要理會男的...去抓些女孩...」
望住兩個手持長槍...Full Gear嘅解放軍士兵背影越行越遠...又左望右望...望望有冇獵物咁...
走遲兩步...頭都捏爆你...