「呀!呀!好痛...好痛呀!呀...嗚呀!」失去雙臂嘅西貢獻命光頭佬被我手上嘅紅光刀刃插住...舉起...想掙扎...但掙扎唔到...

越係掙扎...就越係痛苦...

生命...

喺失去法治嘅世界當中...仲有啲乜嘢...可以保障你嘅生命...

冇...乜都冇...



保障生命嘅法治已經消失...生命都應該隨之而消失...

呢個世界冇神...就只有...自己...

要保護自己...要生存落去...就要有更強大嘅力量...

比任何人...都要強大...

物競天擇...適者生存...廢話...但事實...



當中並唔涉及宗教...理念...主義...思想...

單純只為...生存...

聚集...集結...凝聚力量都唔適合...

因為...世人都係信唔過...到最後必有異心...

所以...只要力量夠強大...大於一切...一切...就可以繼續生存...活下去...



「好...痛...呀!好痛呀!我...唔想...死呀!」望住失去雙臂嘅西貢獻命光頭佬痛苦嘅面容...掙扎...掙扎...只係好似反射動作咁掙扎...

生命...快將消失...

我就趁住佢仲有一點點生命...仲未完全消失之前...

“嗡!”揮刀拋起成條蛆蟲咁嘅西貢獻命光頭佬...

“嗡!嗡嗡!”向住停留喺空嘅佢揮起刀...

紅光刀影劃過成條蛆蟲咁嘅西貢獻命光頭佬身體...隨即分成幾舊碎件...散落地上...

親手...瞬間將生命消失...呢種感覺...真係好爽...

生命...生命嘅氣息...喺地面...已經失消晒...



只係...只係淨返綽姿嘅氣息...沿住我殺戮過嘅路...收集...戰利品...

全部...生命嘅氣息...都留喺上面...頭頂之上...

呢種感覺...好熟悉...獵物都係...頭頂之上...天上...

係時候....係時候...

我感覺到...有少量嘅生命氣息...落緊嚟...

我行出少少...行返出走廊...回頭一望...望向生命氣息由上而下...遠遠...遠遠嘅遠處...大堂...升降機嘅位置...

係有人...落嚟視察?



等到𨋢門打開...有兩三個手持長槍嘅西貢獻命光頭佬由𨋢裡面行出嚟...

三個都戰戰兢兢...行出一步...望一望地上...

「成地...成地都係...」

「成地都係屍骸...」

「好恐怖吖...斬到一舊舊...散晒...」

「係SPIRIT...究竟有幾多人...」

「佢哋去咗邊...走...走晒未吖?!」

望住佢哋三個...帶住驚恐嘅神色...打量住地上嘅人體殘骸...再左望望...右望望...



仲係未察覺到我...未察覺到喺遠遠嘅遠處嘅我...正一步...一步...逐步行近...

死亡...正逐漸接近...靠近...迫近...

當我差唔多...差唔多行到出走廊...三個持槍嘅西貢獻命光頭佬先驚覺我嘅存在...

三個持槍嘅西貢獻命光頭佬面上都戴住驚恐...驚慌...眼都凸埋咁望住我...

然後...然後三個都同時向後退:「係...係SPIRIT...係SPIRIT呀!走呀!走呀!!!」

三個持槍嘅西貢獻命光頭佬立即退入升降機...喪撳閂門掣...

我再行近...一步一步...向住升降機...向住喺升降機入面...驚到腳都震埋...三個持槍嘅西貢獻命光頭佬行過去...



其中兩個西貢獻命光頭佬就喺升降機入面...用長槍指住我...

“砰砰!砰!砰!砰!”子彈隨即向住我面前飛埋嚟...

“嗡嗡!嗡嗡嗡!”我立即揮動精神刀...紅光刀影閃過不停...

子彈一接觸到紅光刀刃...立即化成輕煙...

邊擋...邊接近...接近開始要閂埋嘅𨋢門...

“嗡嗡嗡!嗡嗡!”再用紅光刀刃擋多幾粒子彈後...喺𨋢門仲未閂埋...我立即以忍步極速衝入升降機...

“嗡嗡!嗡嗡嗡!”我將兩支向我開緊槍嘅長槍斬開兩截...再順勢斬上去...斬斷兩對前臂...

「嗚呀!」兩個被我斬斷前臂嘅西貢獻命光頭佬同時發出慘叫...𨋢門亦同時關上...回音響遍全架𨋢...

「嘩呀!」啱啱撳緊閂門掣嗰個西貢獻命光頭佬驚見我已經閃咗入嚟...立即閃去兩個斷咗前臂嘅西貢獻命光頭佬背後...用力一推...

喺兩個斷咗前臂嘅西貢獻命光頭佬仲未推到埋嚟我面前之前...我就揮幾刀...

“嗡嗡!嗡嗡嗡!”幾件人體殘骸隨即散喺地上...

喺𨋢裡面最後一個西貢獻命光頭佬仲未舉得切支長槍...指住我之前...

“嗡!吱!依!!!”我一刀就插入佢胸口...由背後穿出...再插穿𨋢身...插入𨋢槽牆身...

部𨋢只係升咗上差唔多一層...就成部被我插停...

「呀!!!呀!!!嗚呀!!!」被紅光刀刃插住喺𨋢身嘅西貢獻命光頭佬拎住支長槍...但又舉唔得太起...對唔正我...

“砰砰!砰!砰!砰!砰!”亂開槍...

子彈都喺我身邊彈嚟彈去...又有十幾粒射中散喺地上嘅人體殘骸...

「呀!呀!嗚呀!!!」一直被紅光刀刃插住喺𨋢身嘅西貢獻命光頭佬再嗌得大聲啲...痛苦啲...

“砰!砰!砰!!!”慘叫聲夾雜住槍聲...喺𨋢裡面徘徊...徘徊...

當所有子彈都射晒出嚟...冇晒槍聲...

「呀!嗚呀!嗚呀!!!」

就只淨返慘叫聲...

“嗡!嗡嗡!”我抽返把紅光刀刃出嚟...再喺西貢獻命光頭佬身上斬兩刀...

紅光刀影劃過西貢獻命光頭佬身體後...

“啪啪...啪啪啪...”人體殘骸散落地上...

靜晒...成個世界...清靜晒...

望一望喺地上幾件人體殘骸...再抬頭望上天花...

“嗡嗡!嗡!”向住天花揮幾刀...

“啪!砰砰啪!”紅光刀刃劃過天花...天花嘅鐵塊就跌落嚟...斬開咗一個大窿...

我向住個大窿一跳...跳上𨋢頂...

“嗡嗡!嗡嗡嗡!”向住二樓嘅𨋢門揮幾刀...

“啪!砰啪!”紅光刀刃劃過𨋢門...成道𨋢門斬開一塊塊...散落地上...跌落𨋢頂...

我一跳...就跳出𨋢槽...

生命...生命嘅氣息...

好多...有好多生命嘅氣息...遍佈喺呢一層...唔同嘅地方...

佢哋都好似...冇乜點移動...係想...死守喺一個地方?

啱吖...都應該係咁...

已經唔知道...出面有幾危險...

只知道...被恐懼包圍...

我就向住氣息最強烈...聚集得最多嘅方向行...

沿住走廊行...行多幾步...就見到有三個手持長槍嘅西貢獻命光頭佬啱啱轉角...慌慌張張咁行出嚟...

我喺佢哋都仲未擰個頭...仲未望過嚟之前...以忍步極速接近...

“嗡!嗡嗡嗡!”揮刀斬斷佢哋手上嘅長槍...再喺佢哋身上揮幾刀...

紅光刀影喺佢哋三個身上劃過...喺身體分散成幾件碎件之時...喺罅隙之間...我望到喺佢哋背後...遠處...大堂...企咗幾個...又坐咗幾個...手持長槍嘅西貢獻命光頭佬...

我就喺佢哋仲未察覺到...立即以忍步極速接近...

我嘅速度之快...就好似化成一條紅光線一樣...閃到去大堂...

“嗡嗡!嗡嗡嗡!嗡嗡!”紅光刀影喺一個又一個光頭佬嘅身體上劃幾刀...

瞬間就將喺大堂裡面...十幾個西貢獻命光頭佬分屍...

“啪啪...咚...啪啪啪...”人體殘骸...上半個死人頭就散到一地都係...

三個喺登記處入面嘅西貢獻命光頭佬一見到出面嘅慘況...立即舉起手上嘅長槍指向我...

“砰砰砰!砰砰!”子彈射碎登記處嘅玻璃窗...直飛埋嚟我面前...

“嗡嗡!嗡嗡嗡!”我揮動手中嘅精神刀...用紅光刀刃擋幾粒子彈後...立即以忍步跑向登記處一跳...

跳入登記處嘅同時...我向住三個西貢獻命光頭佬身上揮幾刀...

“嗡嗡!嗡嗡嗡!嗡嗡!”紅光刀影喺光頭佬嘅身體上劃幾刀...

“啪啪...咚...啪啪啪...”人體殘骸就散喺地上...

繼續...唔好停...有槍聲之後...佢哋就會提高警覺...

我就要喺佢哋提高警覺...但又未諗到應該點做...仲係得個驚字...企定定等死之時...殺晒佢哋...

我立即以忍步...向住生命氣息嘅方向極速跑過去...

“嗡嗡!”殺...

“嗡嗡嗡!”見一個...

“嗡嗡嗡嗡!”殺一個...

紅光刀影閃過不停...

只要一見到西貢獻命光頭佬...就喺佢哋身上揮幾刀...

“嗡!嗡嗡嗡!”紅光刀影喺一個又一個西貢獻命光頭佬身上劃幾刀...

“啪啪...啪啪啪...”人體殘骸散到一地都係...

喺佢哋都仲未察覺到...未嚟得切反應...就將佢哋分屍...分屍...

當然...

「係SPIRIT呀!」 總會有太多人嘅時候...

“砰砰!砰!砰!”總有機會俾佢哋開槍...

槍...古老嘅科技...

子彈根本就傷我唔到...

不過...我係唔會俾子彈擊中...

“嗡嗡!嗡嗡嗡!”我一直都會以紅光刀刃擋...擋住飛埋嚟嘅子彈...將所有子彈一一化成輕煙...

殺...殺晒...將二樓全層嘅生命氣息都熄滅...

一個不留...半點生命氣息都不留...

然後...然後趕上三樓...

唔可以俾佢哋有機會...唔可以俾佢哋冷靜落嚟...

要佢哋一直活喺恐懼之中...直到死神嚟到佢哋面前...

沿住樓層衝上三樓...

“嗡嗡!”一斬開道門...就見到有兩個手㭙長槍嘅西貢獻命光頭佬指住我...

我就喺佢哋兩個都未嚟得切開槍...

“嗡嗡!嗡嗡嗡!”就斬斷佢哋手上支長槍...再將佢哋分屍...

繼續殺...Keep住殺人...Keep住呢種感覺...殺人嘅感覺...

好舒服...久違嘅感覺...

“嗡嗡!嗡!嗡嗡嗡!”電光火石之間...將一個又一西貢獻命光頭佬分屍...

「嗚呀!」慘叫聲...

“砰砰砰!砰砰!”亂槍掃射聲...

“嗡嗡!吱!嗡嗡!”紅光刀刃劃過西貢獻命光頭佬嘅身體...劃過牆身...柱身...留下一條又一條刀痕...

人體殘骸...子彈窿...刀痕...戰火洗禮嘅痕跡...

係殺戮...殺戮...

當我殺紅了眼之時...

「唔好呀!救命吖!救命吖!」我面前係一個...著住白色長袍...踎喺地上嘅...醫生?

我行前兩步...望清楚...

「嘩呀!唔好呀!唔關我事㗎!唔好殺我呀!」一個短黑髮嘅男醫生一見到我...就舉晒手咁...一面驚恐咁望住我...

除咗佢之外...

「唔好呀...唔好殺我吖...」佢身後仲有幾個同樣著住白色長袍嘅醫護人員...

我一手就扯住短黑髮男醫生把頭髮...

「嗚呀!唔好...救吓你唔好殺我呀!」短黑髮男醫生全身震震...腳都軟埋...

踎喺後面嗰幾個醫護人員一邊縮...一邊慘叫:「唔好呀!嗚嗚...唔好殺我哋呀...」

我再望清楚...扯住短黑髮男醫生把頭髮再望清楚...佢左頸後方...

冇...冇紋身...冇西貢獻命嘅紋身...