《香港傭兵》: [Day 23－殺戮特區] PART 13
「呀！呀！嗚...嗚呀...呀！呀！！！」不斷慘叫...不斷想掙扎...被我從後用紅光刀刃刺穿...舉起嘅西貢獻命光頭佬...就只有不斷放聲慘叫...
叫啦...大聲啲...大聲啲慘叫啦...
只要你大聲咁慘叫...俾你哋同伴聽到...知道...就唔會走過嚟呢邊...
「呀！呀！嗚！嗚...嗚...嗄...嗚...」嗌到聲嘶力竭...差唔多氣絕嘅西貢獻命光頭佬...
喺佢仲未氣絕身亡之前...我用紅光刀刃拋一拋起佢...
「嗚呀！」當成個西貢獻命光頭佬拋喺空中之時...
“嗡嗡！嗡嗡嗡！”我向住有如停留喺空中嘅西貢獻命光頭佬快斬幾刀...
紅光刀影劃過西貢獻命光頭佬嘅身體...隨即四分五裂...
“啪啪...啪啪啪啪...”人體殘骸就散到一地都係...
我感一下四周...生命...生命跡象...生命嘅氣息...唔係呢邊...都唔係向住呢邊...
唔少生命嘅氣息...都朝向反方向...四散...
啱喇...就係咁...佢哋已經唔敢過呢嚟邊...
雖然話醫院四通八達...有唔少出口...但至少...呢邊嘅出口...佢哋唔敢...唔敢由呢邊嘅出口逃走...
而我...要繼續...繼續獵殺西貢獻命...
我立即以忍步向住最近...唔少生命氣息聚集嘅方向跑過去...
穿過大堂...跑入走廊踩住牆身側身跑...
越嚟越近...越嚟越近...生命嘅氣息...
當我一轉彎...就已經見到有幾個西貢獻命光頭佬喺我面前...
五個...六個...九個...十三個...有十三個西貢獻命嘅光頭佬喺我視線範圍...
再後啲...仲有唔少...仲有好幾個...十幾個生命嘅氣息...
我就首先向視線範圍內呢十三個西貢獻命郁手...
“嗡嗡！嗡嗡嗡！嗡！”喺呢十三個西貢獻命都未嚟得切反應...就已經被紅光刀影劃過身體...分屍...
喺人體殘骸仲未散落地上之前...我繼續跑前...跑入轉角...將三個西貢獻命光頭佬對小腿斬斷...
「嘩！嗚呀！！！」
三個被斬斷小腿嘅西貢獻命都趴喺地上...
我手持住紅光刀刃...企正喺嗰三個趴喺地嘅西貢獻命身邊...其餘十個立即停低...帶住驚恐嘅神色...碌大對眼...腳都震埋咁：「SP...SPIRIT...SPIRIT呀！！！」
正當呢十個西貢獻命想轉身逃跑之時...我立即追上...
“嗡！嗡嗡！嗡嗡嗡！”向住最近我嗰五個西貢獻命嘅背後斬...砍...斬砍斬砍...
“啪啪...啪啪啪...”人體殘骸散到一地都係...
「救命呀！係SPIRIT呀！救命呀！」其餘五個西貢獻命光頭佬就頭也不回...拔足狂奔...
我轉身望住仲趴喺地上嗰三個斷咗對小腿嘅西貢獻命光頭佬...
「呀！救...救命呀！放...放過我呀！」
三個都一邊望住我...一邊後向爬...好努力咁爬...想盡最大努力逃離死亡...
我就行到嚟最近嗰個西貢獻命光頭佬身邊...
“嗡！”一刀就斬斷佢隻手...
「嗚呀！求求...你...求求你放...」我冇等佢講完...
“嗡！”再一刀斬斷埋佢另一隻手...
「嗚呀！！！」斷晒雙手雙腳嘅西貢獻命光頭佬就喺地上扭吓扭吓...大聲慘叫...
其餘兩個被斬斷小腿嘅西貢獻命光頭佬見到佢嘅慘況...都一邊努力向後爬...一邊大聲嗌：「唔好！唔好呀！救命呀！救命呀！！！」
我一步一步...行近...
嗌啦...再嗌得大聲啲啦...大大聲咁將你哋嘅恐懼嗌出嚟...傳遍整間醫院啦...
「唔好呀！唔好呀！唔好殺我呀！呀！救命...救命呀！呀！」
“嗡嗡！”我揮兩刀...紅光刀影就劃過佢哋兩個隻左手...
「嗚呀！呀！救命...救命呀！」
兩個西貢獻命光頭佬淨係得返隻右手...爬...努力但爬得唔遠咁向後爬...
「救命...求求...求求你...放過...放過...」其中一個嗌到冇聲冇氣咁...
我就用紅光刀刃指住佢...胸口...
“嗡！”一刀插入佢胸口...
「嗚呀！！！呀！呀...」被一刀刺入胸口嘅西貢獻命光頭佬面容相當痛苦...
另外兩個仲趴喺地上扭吓扭吓嘅西貢獻命光頭佬望住我把紅光刀刃...插住喺仲有生命嘅人體之中...
「救...救命呀！！！救命呀！！！」再嗌得大聲啲...驚恐啲...
差唔多喇...應該都差唔多喇...生命嘅跡象...氣息...都唔再向住呢邊...
我就抽返把紅光刀刃...向住個仲有一隻右手嘅西貢獻命光頭佬身上...揮幾刀...
“嗡嗡！嗡嗡嗡！”紅光刀影劃過身體...隨即分屍...
然後...我就回頭望住最早被斬斷四肢嘅西貢獻命光頭佬...轉身行過去佢面前...
「唔好...唔好...求吓你...求吓你放過...放過我...」被斬斷四肢嘅西貢獻命光頭佬望住地上嘅人體殘骸...雙眼流出淚水...
我行到去佢面前...用紅光刀刃指住佢個頭...
「唔好...唔好殺我...求吓你...唔好殺...」我冇等到佢再講落去...
“嗡！”一刀插入西貢獻命光頭佬個頭顱...
望住紅光刀刃...直插入額頭天庭...望住仲睜開雙眼...死唔眼閉...仲有淚水流出...
差唔多...差唔多要繼續...狩獵...
向住生命跡象嘅方向行...
我感覺到...有唔少生命...正向緊三...四個方向...
已經唔敢...過嚟呢邊...
頭先兩次...慘叫聲...仲有放部份人逃走...已經足夠...足夠俾佢哋傳遞訊息...
俾其他仲喺醫院嘅西貢獻命成員知道...呢兩邊都唔安全...
佢哋唔知道...我哋有幾多人...唔知道...淨係得我同綽姿兩個人...淨係得我殺人...
之但係我嘅移動速度之快...佢哋會誤以為有好多...好多人...包圍佢哋...
冇錯...我就係俾佢哋有呢個錯覺...有好多...好多人...包圍緊佢哋...
引唔到獵物過嚟...就要趕獵物去同一個地方...
我以忍步極速向住大量生命氣息聚集嘅方向跑過去...
一見到西貢獻命光頭佬就即斬...殺...斬...殺...
“嗡！嗡嗡嗡！嗡嗡！”紅光刀影閃過不停...
然後...幾個手持長槍嘅西貢獻命光頭佬驚覺我喺身後...立即轉身...帶住驚恐嘅神色向我開槍...
“砰砰！砰！砰！砰！砰！”十幾粒子彈隨即向住我嘅方向飛埋嚟...
我一邊揮動手中嘅紅光刀刃...一邊極速接近...
“嗡嗡嗡！嗡嗡！嗡！”一邊以紅光刀刃擋住子彈...一邊跑到去西貢獻命光頭佬面前...喺佢身上斬兩刀...
斬完一個...再斬另外一個...
“嗡嗡！砰！嗡嗡嗡！砰砰！嗡！”槍聲之中夾雜住揮動精神刀嘅聲響...
當然唔少得...
「嗚...呀！呀！嗚呀！」慘叫聲...
一瞬之間...十幾個被我分屍...人體殘骸都散滿地上...
「呀！呀！唔好殺我...呀！」兩個被我斬斷手腳嘅西貢獻命光頭佬就趴喺地上求饒...
「救命呀！救命呀！係SPIRIT呀！快啲走呀！」仲有幾個邊擰轉頭望住我...邊拔足狂奔...
啱喇...繼續啦...繼續逃跑...繼續求饒...繼續迎接死亡帶嚟嘅恐懼...
「唔好...唔好殺我...求求你...我仲...」我冇等到斷晒四肢...趴喺地上嘅西貢獻命光頭佬繼續求饒落去...
“嗡！”我一嘢插把紅光刀刃落佢背脊...
「我...呃...吖...」西貢獻命光頭佬就死唔眼閉咁...斷氣...
仲有一個亦都係斷晒四肢...趴喺地上嘅西貢獻命光頭佬見住佢同伴嘅慘痛遭遇...雙眼流晒眼淚...喊晒口咁大嗌：「唔好呀！求吓你！放過我...放過我...我唔想死...我唔想死呀！」
我一步一步...行近佢身邊...
「唔好...唔好呀...我真係唔想死...求吓你...求吓你呀！唔好...唔好！唔好呀！！！」
“嗡！”紅光刀刃直插入佢頭上...
差唔多...又要繼續...狩獵...
我再以忍步極速向住大量生命氣息聚集嘅方向跑過去...
好大堆...一大堆向住同一個方向...
越嚟越集中...集中向住同一邊...
除咗生命氣息...我仲感覺到綽姿嘅氣息...正正喺我之前殺過人嘅路線上行...停留...
綽姿都好快手...好快手咁剝皮...收集人肉紋身...
我要...再殺得快啲...再殺多啲...
唔可以俾機會佢哋走甩...一個都唔可以走甩...
“嗡！嗡嗡嗡！”我將十幾個分屍...
「嗚呀！唔好...唔好殺我...」
斬斷兩三個手腳...留喺度大聲求饒...
「走呀！快走呀！SPIRIT嚟到喇！！！」
又故意放走幾個...
等到差唔多...差唔多又係時候...
「唔好殺我...唔好！放過我！放過...」
“嗡！嗡！”就向住趴喺地上求饒嘅西貢獻命光頭佬...一刀插落佢哋個頭...
我再次以忍步極速向住大量生命氣息聚集嘅方向跑過去...
越嚟越集中...集中向住同一個方向...
除咗集中之外...亦都越嚟越少人...
喺地面...仲喺地面嘅生命氣息...唔算多...
除咗話已經俾我殺咗唔少...仲有嘅係...上面嗰啲...
留喺樓上嗰啲...好似唔敢落嚟...
我感應得唔係太高...但就感應到...五六層樓之中...有唔少生命氣息...停留...
就係咁喇...我就係想咁喇...
引唔到獵物過嚟...就要趕獵物去同一個地方...
真正想趕去嘅地方...就係要佢哋留喺...上面...
“嗡！嗡嗡嗡！嗡嗡！”我再將幾個西貢獻命光頭佬分屍...
「唔好殺我...我唔想死呀！」
再斬斷兩三個嘅手手腳腳...
“砰砰！嗡嗡！嗡！砰砰砰！嗡嗡！嗡！”再同幾個交戰...
「走呀！快啲走呀！殺到嚟喇！」
又放走幾個....
「唔好...唔好唔好...唔好殺我...求吓你...放過我...唔好！放過我！放...」
“嗡！嗡！嗡！”一刀...一刀...一刀...插入斷晒四肢...滿面淚痕...趴喺地上求饒嘅西貢獻命光頭佬個頭顱上...
仲有少部份...淨返一少部份喺地面...
我又再以忍步極速追上喺地面上...最後一少部份生命氣息...
“嗡！嗡嗡！嗡嗡嗡！”追住喺佢哋背脊嚟斬...砍...分屍...
“砰砰！嗡！砰！嗡！嗡！砰砰砰！嗡嗡嗡！”
殺...一路殺...殺晒佢哋...將所有西貢獻命...殺晒...殺晒呢班...罪有應得嘅惡人...
「唔好...唔好...」殺淨最後一個...手上支長槍...冇晒子彈嘅西貢獻命光頭佬...
我手持紅光刀刃...一步一步...行近...
「唔好...唔好殺我呀...」西貢命光頭佬掉低手上支長槍...舉起雙手...擰擰頭...向後退...
我繼續行近...一步一步行近...
「唔好...求吓你...放過我啦！」西貢命光頭佬擰擰頭...向後退...向後退多一步...
我就喺佢想喺背後拔出手槍之前...
“嗡嗡！嗡！”兩刀斬斷西貢命光頭佬雙臂...再一刀插入佢胸口...紅光刀刃由背脊穿出...
我將佢舉起...舉到雙腳離地...
「嗚！呀...嗚呀！！！」失去雙臂嘅西貢獻命光頭佬就好似成條蛆蟲咁...扭嚟扭去...
生命...生命係何等...脆弱...