《香港傭兵》: [Day 24－三合成立] PART 20
魂導兵升到空中...停留喺空中...由黑色皮甲裂甲效果之間嘅裂紋...閃亮住紅色光芒...
與此同時...在場所有大型玻璃容器都有紅色粒子由裡面飄出...
閃亮住紅光嘅紅色粒子就飄到上空中...飄到去魂導兵身上...
越嚟越多...好多好多...無數咁多閃亮住紅光嘅紅色粒子...飄到上去魂導兵身上...
懸浮喺半空中嘅魂導兵...黑色皮甲之間嘅裂紋越嚟越紅...越嚟越光...閃亮住刺眼嘅紅光...
而喺魂導兵身上...深深淺淺嘅紅光傷口都開以慢慢收窄...開始癒合...
不停吸...魂導兵懸浮喺半空中...不停吸收在場所有大型玻璃容器...浸喺裡面嘅赤裸裸小妹妹嘅靈魂...
突然...魂導兵前額出現一個...倒轉咗嘅...五角星...
五角星越嚟越紅...越嚟越光...閃亮住刺眼嘅紅光...
唔得...唔可以再俾魂導兵吸收靈魂...一定要阻止佢...
我踏前一步...立即向懸浮喺半空中嘅魂導兵一跳...
我以突刺姿勢...紅光刀尖對準魂導兵前額...閃亮住刺眼紅光嘅逆之五角星...
當我差唔多飛到去魂導兵面前...我用力一刺...
“嗡！吱！！！”紅光刀尖被紅光逆之五角星前嘅絕對領域擋住...
紅光刀尖與絕對領域擦出大量紅色粒子...喺空氣中飄散...消失...
唔得...刺唔入...刺唔穿絕對領域...
突然...魂導兵身上爆出大量紅色粒子...
『嗚...』我成個人就被強大嘅衝擊力推返落地面...
我一落地就碌咗一個圈再轉身企返起身...望住仲懸浮喺半空中嘅魂導兵...
魂導兵身上嘅紅光傷口已經癒合晒...
而喺魂導兵身上...除咗裂甲之中嘅裂紋閃亮住刺眼嘅紅光...身體都被紅色粒子包圍...
唔止...仲有背脊...
喺魂導兵背脊...仲有光之翼...
大量紅色粒子喺魂導兵背後噴出...噴出一條條紅光...紅線...好似有十二隻紅色嘅光之翼...飄動...飄動...
好似...好似上次...異常生命體Boss...
而家眼前...懸浮喺半空中嘅魂導兵...就好似上次...異常生命體Boss...
突然...魂導兵向住我飛埋嚟...
速度之快...就好似化成一條紅光線一閃...就差唔多嚟到我面前...
今次弊...當我有反應之時...魂導兵已經用極刺眼嘅紅光手刀向我一刺...
“嗡！吱！！！”魂導兵半隻紅光手刀就刺入我胸口...
『嗚...』我立即揮刀斬向魂導兵隻紅光手刀...
但喺紅光刀刃都未斬到紅光手刀之前...
魂導兵抽返隻紅光手刀...同時後空翻再向我伸一腳...
『嗚...』我成個人就俾魂導兵伸到退後幾步...
站穩陣腳後...我單手撳住胸口上嘅傷口...
好深...雖然話算好彩插唔中要害...但傷口好深...大量紅色粒子由紅光傷口之中噴出...撳都撳唔住...
唔得...除咗話會流失大量精神能量...仲會影響到反應同速度...
點好...而家應該點做好...
望住魂導兵並冇停落嚟...已經轉攻綽姿...同綽姿交戰緊...
喺紅光刀刃同紅色粒子閃過不停之間...眼見魂導兵左一手刀...右一手刀...再連環轉身迴旋踢腳...
綽姿就只有用紅光刀刃擋擋擋...避避...擋擋擋擋擋擋...
完全被壓制住...綽姿就只有捱打...
唔得...再痛...精神能量再流失...都要幫拖...唔可以要綽姿一個人面對...應付...
我立即以忍步極速衝向背住我嘅魂導兵...
就喺我睇準魂導兵攻擊綽姿嘅一瞬間...我擺出居合拔合一閃姿勢...準備好從後偷襲之時...
魂導兵背後嗰十二支光之翼輕輕一揮...一條條紅光線就噴向我...
我立即揮刀擋擋擋擋擋擋...
“嗡！吱！吱吱！吱吱吱吱吱吱！！！”紅光刀刃與紅光線擦出無數紅色粒子...
好強大嘅精神能量...好強大嘅攻擊力...
魂導兵一邊以雙紅光手刀攻擊綽姿...同時以背後嗰十二支光之翼向我作出攻擊...
光之翼揮出一條條紅光線...喺我面前...身邊亂Fing...
“嗡嗡！吱！嗡！吱吱！吱吱吱吱吱吱！！！”我就只可以揮動手上嘅精神刀...以紅光刀刃招架...
我一邊招架...一邊嘗試再接近...
但光之翼嘅攻擊力之大...要招架都好勉強...
越嚟越多...越嚟越密...無數咁多條刺眼嘅紅光線閃過不停...
“嗡！吱！吱吱！嗡！吱吱吱！！！”話口未完...我嘅肩膀...雙臂...前臂..腰間...大髀...小腿都好似中刀咁...
全身上上下下都被刺眼嘅紅光線劃出一條條紅光痕...少量紅色粒子喺紅光痕之中飄出...
唔得...唔好話想再接近啲...對魂導兵造成傷害...就連要招架光之翼嘅攻擊都好勉強...越嚟越勉強...
就喺我同綽姿各自招架多魂導兵幾十連攻擊之時...
魂導兵左手手刀向綽姿一斬...同時背後嘅光之翼向我一揮...
『嗚...』我同綽姿就同時被魂導兵擊飛幾十米之遠....
我同綽姿喺地上碌兩個圈再企起身後退幾步...喺仲未站穩陣腳之時...突然感覺到...有股氣息...
有股...有股有啲熟悉...但又陌生...仲帶住啲啲溫暖嘅氣息...由天上...
我抬頭一望...望上魂導兵頭頂上空...有一個黑色身影...身上有一點點...一點點綠光嘅身影...
望住身上被一點點綠色粒子包圍住嘅身影...由空中...雙手亮出...綠光刀刃...
係...係揸雙刀嘅...
喺地面上嘅魂導兵好似比我更早感知綠光身影嘅存在...早就抬頭望上空中...身上嘅紅色粒子亦同時向頭頂凝聚...凝聚出紅色嘅...極厚嘅絕對領域...
而家喺魂導兵頭頂嘅絕對領域...相比起頭先...比起之前嘅異常生命體Boss嘅絕對領域更紅...更光...更刺眼...厚極多...
綠光身影以交叉斬姿態...由空中直擊落地面上嘅魂導兵...
當兩把刺眼嘅綠光刀刃擊中紅光絕對領域之時...
“嗡！吱！！！”綠光刀刃與絕對領域之間擦出極刺眼嘅紅綠強光...同時噴出大量紅綠粒子...
喺佢哋衝撞嘅同時...產生出極強大嘅衝擊波...
本身已經受咗唔少傷嘅我...唔係好企得穩...被衝擊波嘅衝力推後咗兩步...
當衝擊波減弱後...綠光身影一個後空翻落地再彈後兩步...雙手手持兩把綠光刀刃...向住魂導兵擺出防禦姿態...
我、綽姿同綠光身影...就以三角形圍住企喺中心嘅魂導兵...
而家...我哋四個都企定定後...我感覺到呢個雙手手持兩把刺眼綠光刀刃嘅...逆行者...佢嘅氣息...係...
就喺頭先...剛剛感覺到空中...有一股有啲熟悉...但又陌生...仲帶住點點溫暖嘅氣息之時...我認得...應該係屬於...
唔會有錯...好難會有錯...氣息呢種感覺...比起嗅覺更敏感...
點會...點會係...
之但係點解...有少少唔同...同之前感覺到嘅氣息...既帶陌生...又帶住點點溫暖...
而最大問題都係...佢唔係已經...死咗咩？
佢唔係俾偶然解決咗？
而家...仲要帶住綠色粒子...用上綠光刀刃...係...逆行者...
被我哋以三角形三點包圍嘅魂導兵...擰個頭望向身上閃著綠色粒子...雙手手持兩把刺眼綠光刀刃嘅逆行者...
魂導兵背後十二支光之翼向住我輕輕擺動...擺動...
雖然我仲未可以肯定...肯定呢個逆行者係唔係自己人...之但係...佢向得魂導兵攻擊...又同我哋圍住魂導兵...應該可以唔使提防佢...
而家...而家都係專心對付魂導兵...
望實魂導兵背後...十二支光之翼輕輕擺動...擺動...
突然...魂導兵轉身一Fing...十二支光之翼Fing出多條紅光線...向住我同綽姿身處嘅方向飛埋嚟嘅同時...魂導兵衝向逆行者...
“嗡嗡！吱！嗡！吱吱！”我同綽姿都立即揮動精神刀...以紅光刀刃擋住紅光線...
一條條紅光線雖然幼...但能量超強...
當紅光刀刃接觸到紅光線嘅一瞬間...紅光線化成大量紅色粒子...喺空氣中飄散...消失...
而喺我同綽姿招架緊光之翼所產生嘅紅光線嘅同時...魂導兵已經衝到去逆行者面前...雙紅光手刀一揮...
逆行者亦以綠光雙刀招架...
我哋四個嘅攻防可以話係同時發生...因為速度快得驚人...
好快...真係極快...快到個空間好似停頓咗...就只有我哋四個喺度郁動...
“嗡！嗡！吱！嗡嗡！吱！”我同綽姿各自化解晒光之翼嘅攻擊之後...立即衝向魂導兵...
我同綽姿一左一右...向住魂導兵嘅後方....以忍步衝過去...
魂導兵一邊同逆行者你攻我擋...我攻你閃...一邊輕輕揮動背後十二支光之翼...
我同綽姿一邊以忍步接近...一邊巧妙咁閃...避...以紅光刀刃招架...
“嗡嗡！吱！嗡！吱！嗡嗡！吱！”一邊招架魂導兵嘅光之翼攻擊...一邊拉近與魂導兵嘅距離...
當我同綽姿都進入攻擊範圍之內...
“嗡！吱！！！”我以紅光刀刃幫綽姿擋住光之翼嘅攻擊...綽姿就一刀刺向魂導兵背脊...
魂導兵身上嘅紅色粒子立即向背後一聚...聚集出極厚極紅極刺眼嘅絕對領域...
紅光刀尖被厚厚嘅絕對領域擋住...擦出大量紅色粒子...
唔得...插唔入...
唔係綽姿唔夠勁...係魂導兵嘅能量太大...
魂導兵身上所散發出嘅精神能量...好大...極強大...
之但係綽姿呢一下攻擊為逆行者帶嚟機會...
逆行者趁住魂導兵將能量聚集喺背後...產生非一般絕對領域...擋住綽姿嘅突刺之時...逆行者立即一刀擋開魂導兵隻紅光手刀...再緊接住用另一把綠光刀刃斬向魂導兵胸口...
魂導兵胸口上瞬間閃出絕對領域...但亦同時瞬間被綠光刀刃斬破...
一閃即逝嘅瞬間...我立即轉身邊擋住光之翼...邊繞到去魂導兵側邊...順勢轉身橫斬...
“嗡！嗡！吱！”紅光刀刃就喺絕對領域嘅裂口之間劃過...喺魂導兵嘅胸口深深咁斬咗一刀...
魂導兵被我斬到退後幾步...胸口上有一條深深嘅紅光傷口...
而我喺頭先繞過光之翼嘅一剎那...都中咗幾下光之翼嘅攻擊...上胸同雙臂又多咗幾條紅光傷口...
而家我、綽姿同逆行者就企埋一企...向住魂導兵擺出防禦姿態...
而喺魂導兵身邊...又有紅色粒子飄緊埋去...
又...又吸收緊靈魂...