《香港傭兵》: [Day 24－三合成立] PART 21
額頭閃亮住紅光逆之五角星嘅魂導兵...身邊嘅大型玻璃容器一直有紅色粒子飄出...被魂導兵吸收...
而喺魂導兵胸口上...深深嘅紅光傷口又開始癒合...
魂導兵背後十二支光之翼輕輕擺動...擺動...
當魂導兵胸口嘅紅光傷口完全癒合...喺身邊嘅大型玻璃容器仲Keep住有紅色粒子被佢吸收嘅同時...佢向住我哋三個輕輕揮一揮爪...
“嗡！”五道紅光爪氣就向住我哋三個飛埋嚟...
綽姿同逆行者都冇打算要避開...
我都企定...同佢哋一齊迎接五道紅光爪氣嘅來臨...
當五道紅光爪氣來勢洶洶咁飛到埋嚟我哋面前...我哋三個同時揮動精神刀...
“嗡嗡！嗡！吱！嗡嗡嗡！吱！”紅光同綠光刀刃都將五道紅光爪氣一一化解...
逆行者嘅氣息好強...不過又係...一閃...一閃...息氣近住佢身上嘅光芒一閃...一閃...時強...時弱...
呢種情況...足以打贏眼前嘅魂導兵嘛？
眼前嘅魂導兵...越吸...身上嘅息氣就越強...
冇錯...而家魂導兵仲繼續Keep住吸收緊身邊嘅大型玻璃容器...吸收緊靈魂...
紅色粒子由魂導兵身邊多個大型玻璃容器飄出...飄向魂導兵身上...
越吸...越強...喺唔破壞大型玻璃容器之下...唔阻止魂導兵吸收靈魂...我哋三個...真係打得贏佢？
魂導兵輕輕擺動背後十二支光之翼...踏前一步...瞬間就跑到嚟我哋面前...
逆行者立即轉身揮刀...
“嗡嗡！吱！”綠光刀影圍住逆行者一轉...兩把綠光刀刃就與紅光利爪碰撞咗兩下...擦出大量紅綠粒子...
我同綽姿立即一左一右夾擊魂導兵...
“嗡！嗡！吱！”兩把紅光刀刃一左一右咁橫斬向魂導兵身上...
魂導兵兩邊身同時閃出絕對領域...同時有六支光之翼向我揮埋嚟...
我立即以紅光刀刃一擋...再擋...
綽姿亦同我一樣...有六支光之翼向佢攻擊...
咁嘅情況...根本冇可能繞到去魂導兵背後...
就算俾我同綽姿繞到...俾十二支光之翼攻擊都唔好受...
究竟有冇弱點...
我哋三個以極高速圍住魂導兵攻擊...
“嗡嗡！吱！嗡！吱！嗡嗡！”
魂導兵向逆行者爪兩爪...
逆行者喺氣息最弱嘅時候一避...再喺氣息變強嘅時候用一把綠光刀刃一擋...接住另一把綠光刀刃向魂導兵一斬...
魂導兵用其中一支光之翼擋住...再轉半身...一腳踢向綽姿...
綽姿以紅光刀刃擋住魂導兵嘅紅光腳刀...彈後一步後...立即跳起斬魂導兵兩刀...
魂導兵再用兩支光之翼擋住綽姿嘅空中二連斬...同時轉身向我一爪...
我以紅光刀刃擋住魂導兵嘅紅光利爪...喺紅光刀刃與紅光利爪相格之時...我雙手舉起刀柄...刀背緊貼手臂...以刃引之形化解魂導兵對我施以嘅爪擊...
當魂導兵嘅紅光利爪沿住我手上嘅紅光刀刃向斜下滑落...我立即順勢快速揮刀一斬...
魂導兵極速轉身...一腳踢向我把紅光刀刃...
我就俾魂導兵踢到震後兩步...
逆行者立即轉身三百六十度揮刀...
“嗡嗡！”兩把綠光刀刃一轉...斬向魂導兵腰間...
魂導兵身上嘅紅色粒子立即向腰間聚集...聚集出厚厚嘅絕對領域一擋...
“吱！！！”大量紅綠粒子就由綠光刀刃與絕對領域之間飄出...
逆行者趁住自己能量仲係最強之時...再轉多一圈...雙刀由下而上一斬...再斬...
魂導兵立即被斬到飛上空中...
我同綽姿立即向住魂導兵一跳...
魂導兵立即揮動背後十二支光支翼...隨即有幾十條紅光線飛落我哋面前...
我同綽姿立即揮動精神刀...
“嗡嗡！吱！嗡嗡嗡！吱！嗡！”一邊以紅光刀刃化解紅光線...一邊向住魂導兵直飛埋去...
當我同綽姿將紅光線一一化解...嚟到魂導兵面前...魂導兵立即用背後十二支光之翼向我哋攻擊...
十二支光之翼嘅攻速極快...我同綽姿一邊以紅光刀刃招架...一邊搵機會...搵空檔...
紅光刀影同十二支光之翼嘅紅光影喺空中閃過不停...擦出大量紅色粒子...
我同綽姿就圍住魂導兵邊斬邊打轉...
轉咗好幾十個圈...都仲係搵唔到魂導兵嘅破綻...
唔得...再係咁落去...唔係辦法...
唯有再...博一博...
喺三支光之翼正要插向我...
我只係輕輕咁側一側身...
“嗡！吱！！！”三支光之翼就直插入我右邊膊頭...
入晒...三支光之翼完全入晒....仲要穿埋出嚟...
就喺魂導兵趁機想向我施以致命爪擊之時...綽姿睇準時機...全力喺魂導兵側身使出空中袈裟斬...
“嗡！吱！！！”紅光刀刃向魂導兵鎖骨位一斬...絕對領域展開嘅一剎那隨即被瞬間斬破...直斬入肉...
魂導兵被斬到一轉身...
『嗚...』我就俾魂導兵嗰三支光之翼Fing返落地...
魂導兵亦俾綽姿斬到直飛落地...
當我同魂導兵都墜落地面之後...綽姿亦跳到落嚟我身邊...同逆行者一齊扶起我...
我哋三個都望住魂導兵...望住佢慢慢咁企返起身...
鎖骨位嘅紅光傷口深到差唔多到胸口...噴出大量紅色粒子...
可惜嘅係...魂導兵嘅紅光傷口正慢慢癒合...
好可惜...傷口雖然深...但仲差少少先致命...
而更可惜嘅係...吸收緊靈魂嘅魂導兵癒合速度驚人...
一轉眼...魂導兵嘅紅光傷口...由上胸開始癒合...癒合到去肩膀...
合返埋...連黑色皮甲都合返埋...裂甲之下嘅裂紋無縫連接...閃亮住紅光...
有癒合能力嘅魂導兵...點打吖？
魂導兵受幾多傷都好...只要唔係致命...就可以癒合...
同樣受傷嘅我就...
我望一望...逆行者扶住我嘅右邊膊頭...三個被光之翼刺穿...飄出紅色粒子嘅紅光窿窿...正慢慢咁...合返埋...
慢慢咁...慢慢咁...合返埋...合返埋...變返肉色嘅皮膚...再冇紅色粒子飄出...
雖然話身上件緊身衣同行者長袍冇復原到...之但係...我嘅身體...傷口真係癒合...
冇咗痛嘅感覺...
唔止膊頭...肚...背脊...全身上上下下多處紅光傷口都開始癒合...慢慢咁癒合...
點會咁...我嘅身體...唔使進入深層睡眠...都可以癒合...好似魂導兵咁...
除咗冇晒痛嘅感覺...仲靈活返...好似真係冇受過傷咁...
點解...點解突然會...
唔好理喇...而家冇時間理點解...總之對我方有利...就要繼續進攻...
我立即以忍步衝向魂導兵...
好快...比起頭先...甚至我嘅預計...更快跑到嚟魂導兵面前...
我好自然咁以居合拔刀一閃...斬向魂導兵...
“嗡！吱！！！”魂導兵及時將身上嘅紅色粒子聚集到腰間...展開厚厚嘅絕對領域...擋住我把紅光刀刃...
好快...出刀之快...快到我意識都跟唔上...
雖然魂導兵及時以厚厚絕對領域擋住我嘅攻擊...但都被我嘅紅光刀刃震開...退後幾步...
唔止快...力量仲好似...大咗好多...
逆行者亦趁住魂導兵仲未站穩陣腳...就左右手各拎住綠光刀刃...以忍步衝向魂導兵...
“嗡嗡！吱！嗡！”當逆行者衝到去魂導兵面前...逆行者左上斬一刀...右下斬一刀...再轉身斬兩刀...
魂導兵立即以紅光手刀一擋...一避...再用腳擋兩刀...
綽姿亦以忍步跑到去魂導兵身邊...向住魂導兵下半身使出居合拔刀一閃...
“嗡！吱！”魂導兵以紅光手刀擋住綽姿嘅居合拔刀一閃後...立即將逆行者同綽姿同時震開...
就喺逆行者同綽姿都後退兩步...我就已經再以忍步跑到去魂導兵面前拔刀一閃...
“嗡！”魂導兵勉強避開之後...我再斬...
“吱！”我嘅攻擊速度之快...魂導兵只可以勉強用紅光利爪格開...
我就一手捉住魂導兵後腦把秀髮...再向住佢胸口一刺...
“吱！！！”成把紅光刀刃就刺穿絕對領域...刺入魂導兵胸口...由背後穿出...
「嗚呀...」魂導兵口吐紅色粒子...同時左腳向我個肚一伸...
我被魂導兵伸到後退兩步...
逆行者同綽姿就一左一右咁夾擊魂導兵...
魂導兵胸口上嘅紅光傷口噴出大量紅色粒子...同時招架逆行者同綽姿嘅連環攻勢...
綽姿左斬一刀...逆行者右斬兩刀...綽姿再迴身半月斬一刀...逆行者再迴旋斬兩刀...
紅綠光刀影閃過不停...圍住魂導兵嚟轉...
我就趁住魂導兵以紅光利爪擋住逆行者嘅雙刀斬...同時用腳擋住綽姿嘅迴身半月斬之時...從後向魂導兵再使出居合拔刀一閃...
“嗡！吱！！！”魂導兵勉強以背後十二支光之翼擋住...
但只係擋住一瞬間...十二支光之翼嘅能量同時被我嘅紅光刀刃截斷...
魂導兵背脊上嘅絕對領域及時展開...但能量唔足以抵擋我手上嘅紅光刀刃...瞬間被斬破...
紅光刀影喺魂導兵背脊一劃...劃出深深嘅紅光傷口...
魂導兵俾我斬到轉咗幾個圈...同時向住我哋三個亂揮三爪...
“嗡嗡嗡！吱！”我哋三個都同時揮動手中嘅精神刀...將三道紅光爪氣化解後...
魂導兵退後兩步...想同我哋三個拉返開個距離...
我並冇打算俾魂導兵有喘息嘅機會...立即以忍步衝向魂導兵...
就喺魂導兵想擺出防禦姿勢之時...我立即以居合拔刀抽刀一斬...
“嗡！吱！”魂導兵將身上嘅紅色粒子聚集到腰間...以厚厚嘅絕對領域一擋...擋我抽刀一斬嘅同時...亦被我抽到去半空中...
逆行者同時已經飛到上半空中...向住魂導兵身上連環揮動雙刀...
兩把綠光刀影喺魂導兵身上閃過不停...然後逆行者再雙刀一砍...將魂導兵砍落地面...
魂導兵由空中直墜落地...
可惜嘅係頭先逆行者喺空中嘅一連串攻擊...都係處於氣息最弱嘅水平...大部份嘅攻擊都被魂導兵嘅絕對領域擋住...
魂導兵好似冇乜事咁...左右搖一搖...企返起身...
與此同時...綽姿已經衝到去魂導兵面前...向住魂導兵額頭...閃亮住紅光嘅逆之五角星一刀插埋去...
魂導兵勉強將身上嘅紅色粒子聚集到額頭前...以厚厚嘅絕對領域一擋...擋住綽姿嘅突刺...
咁都仲...仲擋得住？