《香港傭兵》: [Day 24－三合成立] PART 26
兩個身上各有大量紅光傷口嘅魂導兵...喺火海中...濃煙中...慢慢步出...
魂導兵嘅傷口開始慢慢癒合...但身上仲係帶住唔少火光...
突然...兩個魂導兵由火海之中衝出...向住我同綽姿衝埋嚟...
我同綽姿立即以短時間...居合拔刀儲力...
當兩個魂導兵跑到嚟我哋面前...正要向住我哋橫手刀一斬...
我同綽姿都同時使出儲力拔刀一閃...
“嗡！吱！！！”喺紅光刀刃與紅光手刀互撞嘅一瞬間...我同綽姿都再用力揮刀...扭腰轉身...
兩個身上仲有唔少火光嘅魂導兵被紅光刀刃揮到轉咗一百八十度...再彈開...
兩個魂導兵彈到落地上...碌咗幾個圈...
我同綽姿乘勝追擊...立即以忍步衝向嗰兩個啱啱喺地上碌完...企返起身嘅魂導兵...
“嗡嗡！吱！嗡！”我向住魂導兵B揮幾刀...
“嗡！吱！嗡嗡！”綽姿又向住魂導兵A揮幾刀...
兩個魂導兵邊退邊擋...
我同綽姿就步步進迫...再交換位置...
“嗡嗡！吱！嗡！”我向住魂導兵A轉身斬一刀...再接交叉斬斬向魂導兵B...
“吱！嗡嗡！嗡！吱！”魂導兵B避開我嘅抽刀...再向啱啱半月斬完魂導兵A嘅綽姿爪兩爪...
紅光刀影就喺隧道裡面閃過不停...我同綽姿都向住兩個魂導兵迫埋去...
魂導兵A被綽姿迫到跳上隧道牆身...綽姿立即跟上...喺牆身上追住魂導兵A嚟斬...
我就迫到魂導兵B一邊以紅光利爪招架...一邊後退...
“嗡嗡！吱！嗡！”當魂導兵B以紅光利爪擋咗我兩刀之後...我立即極短時間居合拔刀儲力...一閃...
“嗡！吱！！！”魂導兵B雙爪一擋...就成個向後飛上空中...
就喺魂導兵B仲喺空中之時...我立即一跳...向住魂導兵B身上揮幾刀...
魂導兵B一邊向後飛...一邊以紅光雙爪格擋...再向我施展凌空迴旋踢...
當我擋住魂導兵B嘅凌空迴旋踢之時...我再用力橫斬...魂導兵B成個就向後一飛...跌喺巨型運油車車頂上...
我立即追上...跳到落巨型運油車車頂...向住魂導兵B揮兩刀...
“嗡嗡！吱吱！”巨型運油車車頂俾我嘅紅光刀尖劃咗兩刀...
魂導兵B一個後空翻...同時向我踢出兩道紅光刀氣...
我立即揮動手中嘅精神刀...當我以紅光刀刃化解兩道紅光刀氣之時...綽姿同魂導兵A就由隧道天花打到去另一道牆身...
而我望到喺魂導兵B背後...兩架黑色Chevrolet再追撞咗我哋架黑色Benz兩下...
黑色Benz失失地控...仁慈勉強扭返正再加速...
再係咁落去唔係辦法...一定要快啲解決...
綽姿橫刀一斬...魂導兵A單爪一擋...成個人就飛埋去巨型運油車車身...
綽姿再一個飛踢踢向魂導兵A...魂導兵A一爬...爬到上嚟車頂...
魂導兵A一上到嚟車頂嘅同時...魂導兵B同魂導兵A就一前一後...向我轉身一踢...
“嗡嗡！吱！！！”我立即一個轉身...反手持刀...用紅光刀刃擋住兩個魂導兵嘅轉身踢腳...
與此同時...綽姿由巨型運油車車身一跳...跳過去隧道牆身...再立即由隧道牆身一跳...跳上嚟車頂...向住兩魂導兵各揮一刀...
“嗡！嗡！吱！”兩個魂導兵以紅光利爪一擋...再各自彈後兩步...
我同綽姿就背對背咁...向住一前一後...夾住我哋嘅兩個魂導兵擺出防禦姿勢...
巨型運油車繼續向前衝...而魂導兵攻勢亦冇停落嚟...
兩個身上仲帶住少量火光嘅魂導兵...就一前一後向住我同綽姿衝埋嚟...
兩個魂導兵睇嚟相當有默契...喺極短促嘅一瞬之間...行動一致...已經衝到埋嚟我同綽姿面前...同時向我哋展開攻擊...
我同綽姿都唔弱...背對背咁抵擋住魂導兵嘅攻擊...
不過淨係抵擋係唔夠...一定要反攻...一定要消滅佢哋...喺出隧道之前...
“嗡！吱！嗡嗡！嗡！吱！”就喺我擋完魂導兵A二連爪...正要凌空迴旋踢落我頭上之時...
我立即轉身儲力...向魂導兵A使出迴身半月斬...
“嗡！吱！！！”喺紅光刀刃與紅光腳刀互撞之時...魂導兵A被擊飛...
魂導兵A立即後空翻倒轉踩住隧道天花...
與此同時...我立即順勢轉身...
就喺綽姿一刀砍落魂導兵B嘅叉交爪...喺紅光刀刃與紅光雙爪互撞嘅一瞬間...綽姿用力一壓...同時一跳...一個前空翻轉體一百八十度跳上隧道天花...倒轉喺天花上以忍步極速跑向前...
而喺天花上嘅魂導兵A立即用力一跳...向住我身處嘅方向衝落嚟...
而喺身後嘅魂導兵B亦立即亮住紅光雙爪...衝向我背脊...
我立即轉身以紅光刀刃一擋...
“嗡！吱！”當紅光刀刃格住紅光雙爪嘅一瞬間...我立即轉身...引導住隻紅光爪一轉...
我再順勢一腳踢落魂導兵B個肚...
魂導兵B就成個人飛向魂導兵A...
魂導兵A及時接住魂導兵B...兩個就喺巨型運油車車頂碌咗兩個圈...
我就趁住佢兩個仲未企返起身之時...立即向住天花一跳...轉體一百八十度倒轉喺天花上以忍步向前極速跑兩步...再凌空轉身...以居合拔刀儲力...
就喺兩架黑色Chevrolet追住架黑色Benz...快要追到出去隧道口之時...
處於凌空嘅我就向住巨型運油車大刀一揮...
“嗡！！！”紅光刀氣就由紅光刀刃揮出...向住巨型運油車直飛埋去...
當紅光刀氣打橫劃過巨型運油車之時...
“轟隆！！！”巨型運油車隨即發生大爆炸...
黑色Benz衝出隧道...兩架黑色Chevrolet緊追其後...
巨型火球同爆風迎面而來...
綽姿亦跑出隧道...跳返落路面...
仲喺半空之中嘅我就被爆風一推...
『嗚...』我就隨住爆炸所產生嘅巨大火球衝出城門隧道...
巨大嘅火球將我轟出城門隧道外...
我撻落地上...碌咗幾個圈之後...單膝半跪咁跪喺公路上...望住火光熊熊...濃煙滿佈嘅城門隧道...
火海一片嘅城門隧道湧出一團又一團濃煙...已經睇唔到裡面...
我再回頭一望...綽姿以忍步追上兩架黑色Chevrolet...兩架黑色Chevrolet追住架黑色Benz車尾撞兩撞...
只係淨返兩架黑色Chevrolet...
我立即以忍步追上綽姿...
一路以忍步喺公路上極速前進...一路望住三架黑色車嘅追逐戰...
仁慈已經好努力咁扭軚...左穿...加速爬過的士頭...再扭軚右插...加速爬過七人車頭...
之但係後面兩架黑色Chevrolet窮追不捨...係咁咬住Benz尾唔放...
我已經追到上嚟綽姿身邊...
仲差少少...仲差少少就追上...
我同綽姿肩並肩...以忍步極速狂奔...
跳上私家車車頂...再跳上的士車頂...再跳上七人車車頂...再跳返落公路上加速...
差唔多...差唔多追到...差唔多追到兩架黑色Chevrolet...
就喺我同綽姿與兩架黑色Chevrolet大約仲有五架巴士遠嘅距離...
喺大直路上...兩架黑色Chevrolet同時急速調頭...
“依！吱！！！”兩架黑色Chevrolet一俾油...同時向住我同綽姿衝過嚟...
想撞到我哋化成紅色粒子？天真...
我同綽姿立即擺出居合拔刀姿勢...迎頭衝向兩架黑色Chevrolet...
就喺我哋兩個同兩架黑色Chevrolet迎頭相撞之時...
“嗡！吱！！！”我同綽姿各自向住黑色Chevrolet使出一閃...
紅光刀刃打橫劃破黑色車身...
兩個黑色身影各自由司機位置衝破黑色車頂...
兩架黑色Chevrolet被我同綽姿打橫斬開後...失控向後衝...
“咇咇！！！依！轟隆！”後面嘅車輛閃避唔切...撞向兩架黑色Chevrolet殘骸...發生爆炸...
兩個魂導兵即從天而降...分別向我同綽姿使出Rider Kick...
我同綽姿立即一左一右咁避開...
“轟！”兩個魂導兵就一腳踩到落地...路面上隨即爆出一個大窿...
兩個魂導兵立即各自向我同綽姿一跳...
魂導兵C已經好快咁跳到嚟我面前...向我揮紅光手刀...
“嗡嗡！吱！嗡！”我用紅光刀刃一擋...再擋...喺近距離用精神刀柄底部鑿...鑿向魂導兵C下巴...
魂導兵C俾我鑿到抬頭向後退咗兩步...我就立即乘勝追擊...追貼魂導兵C連揮三刀...
“嗡嗡嗡！”魂導兵C極速向後退三步...避開我三連刀攻擊後...再轉身踢兩腳...
“嗡嗡！”兩道由紅光腳刀踢出嘅紅光刀氣直飛埋嚟...
我立即向上一跳...跳到上半空中避開...
兩度紅光刀氣就直飛去對面線架巴士度...
“吱！吱！”兩度紅光刀氣劃過巴士車身...劃過兩個後輪...
“依！！！轟！吱！！！轟！”巴士失控...左搖右擺咁行駛咗一小段距離後...打橫瞓喺公路上...再滑行一段距離撞埋石壆...
我由半空向住企喺公路上...向我擺出防禦姿勢嘅魂導兵C飛落去...
我由上而下...從天而降咁向魂導兵C使出袈裟斬...
“嗡！吱！！！”魂導兵C單爪一格...紅光刀刃與紅光利爪擦出大量紅色粒子...
我順住個勢...將魂導兵C嘅紅光利爪格開...
就喺紅光利爪被紅光刀刃格開嘅一瞬間...魂導兵C用另一隻紅光手刀向我一刺...
反射動作之下...我快速揮刀...以紅光刀刃格開紅光手刀之時...我一手就捉實魂導兵C後腦把秀髮...再向住佢胸口一刺...
“吱！！！”成把紅光刀刃直刺入魂導兵C胸口...由背後穿出...
「嗚呀...」魂導兵C口吐紅色粒子...同時左腳向我個肚一伸...
我被魂導兵C伸到後退兩步...
當我企穩陣腳之時...魂導兵C單手撳住自己胸口...大量紅色粒子就由魂導兵C嘅指罅中飄出...
我並冇俾魂導兵C有喘息嘅機會...立即貼近...向住魂導兵C身上揮幾刀...
“嗡嗡！嗡！吱！嗡嗡！吱！”魂導兵C以紅光利爪擋...再用紅光手刀一擋再擋...
我可以好清楚咁睇到...魂導兵C胸口上嘅紅光傷口正慢慢癒合...癒合...
我再加快揮刀速度...喺魂導兵C嘅紅光傷口未完全癒合之前...再製造多啲傷口...再喺魂導兵C身上斬多幾刀...
“嗡！吱！嗡嗡！吱！嗡嗡嗡！吱！！！”魂導兵C已經擋唔切...身上多處被我斬出傷光傷口...飄出大量紅色粒子...
我一個轉身抽刀斬...再接一個袈裟斬...
就喺刺眼嘅紅光刀刃由上至下...由左至右砍向魂導兵C身上之時...佢嘅絕對領域突然展開...
“嗡！吱！！！”紅光刀刃將絕對領域斬破...直砍落魂導兵C身上...將佢一分為二...
“啪！啪！”魂導兵C嘅殘骸跌到落路面上...我亦見到綽姿迫近魂導兵D...
綽姿向住魂導兵D再揮幾刀...
“嗡！吱！嗡！吱！！！”魂導兵D被綽姿斬中幾刀...身上多處紅光傷口飄出紅色粒子之時...絕對領域突然展開...擋住綽姿嘅迴身半月斬...
我立即衝到去魂導兵D背後...從後單手撳住佢個嘴...使出背刺...
“嗡！吱！！！”紅光刀刃由魂導兵D背後刺入...由胸口穿出...
我再抽返把紅光刀刃出嚟...喺魂導兵D背後快速揮刀...
“嗡嗡嗡！吱！嗡！吱！嗡嗡！吱！！！”紅光刀影不停喺魂導兵D背脊劃過...劃過全身...
當我停止揮刀後...魂導兵D嘅身體碎開一件件...
“啪啪...啪...啪啪啪...”魂導兵D嘅殘骸就散喺路面上...
我同綽姿互相對望...
『終於...』
「解決晒...」