《香港傭兵》: [Day 24－三合成立] PART 28
喺火堆之中...濃煙之間...我聽到有普通話嗌嘅救命聲...
「救...救命...救...救命呀...」
我一步一步...行入火堆之中...向住聲音嘅來源...穿過濃煙...
「嗄...嗄...救...救...嗄...嗄...」
行多幾步...我就見到有個身影...趴喺地上...
我再行近多兩步...睇清楚...呢個被火海包圍住嘅身影...係解放軍士兵...
我一步一步...行近呢個...右手被斬斷...雙腳亦被斬斷...只能靠左手...單手喺地上爬...爬唔郁嘅解放軍士兵...
“咯...咯...”當我行到嚟垂死掙扎嘅解放軍士兵面前...佢左手捉住我隻腳：「救...救命...嗄...救...嗄...救救我...嗄...」
解放軍士兵用盡全身氣力...手震震咁...捉實我隻腳...
而當解放軍士兵勉強抬起頭...由我對腳...望上我件長袍...勉強望到我陰暗嘅面容之中...兩點紅光盯實佢之時...
「嗄！嗄...怪...怪物呀...怪物呀！！！」解放軍士兵立即鬆開手...奮力咁以單手喺地上爬...爬...拼命嘗試逃離...
但只淨返一隻左手嘅解放軍士兵點爬都爬得唔遠...
不過就算俾佢爬得遠...都爬唔出火海...
就好似被地獄之火包圍住...就只有...等死...
「救...救命！嗄...嗄...怪...怪物...不...不要...呀...怪物！」解放軍士兵繼續以單手爬...回頭望我一眼...奮力咁爬...
“嗡！”我亮出紅光刀刃...一步...一步行近解放軍士兵...
到我再次行到去解放軍士兵身邊...我一腳踩住佢隻左手...
「呀！呀！嗚呀！！！」解放軍士兵發出慘叫聲...
我用紅光刀尖...指住解放軍士兵個頭：『你唔係...嗌救命...想人救㗎咩？』
「求求你...放過我...放過我...」喺破爛嘅頭盔之間...我望到解放軍士兵流出眼淚...
『就等我幫你...解脫...』我舉起發出刺眼紅光嘅精神刀...
「不要...不要...求求你...求求你放過...」
“嗡！”就喺紅光刀刃快要砍到落解放軍士兵個頭之時...我停咗落嚟...
刺眼嘅紅光刀刃定住喺解放軍士兵個頭上...
我一手秤起解放軍士兵...拖住嚟行...
「求求你...不要...不要...放過我...求求你放過我...」解放軍士兵拼命掙扎...
我一邊拖住解放軍士兵行去火海...一邊揮動手中嘅精神刀...
“嗡嗡！嗡！”幾道紅光刀氣就將火海斬開...斬出一個缺口...
我就拖住解放軍士兵行出火海...行到去馬路旁邊...一手就掉佢上小巴站...
「嗚呀...」解放軍士兵挨喺大石旁邊...
我就頭也不回轉身...唔係喎...
我回頭望住一面驚恐嘅解放軍士兵：『你哋嘅屠總司令死咗去邊？』
解放軍士兵口震震：「屠...屠總司令...應該應該...基地...」
仲喺基地...
今次我真係頭也不回咁行去繼續幫手清理...
屠總司令仲喺基地...
真係失望...
仲諗住佢會喺呢度戰死沙場...搵佢條屍嚟鞭...
唉...都估到㗎喇...
啲位高權重嘅...都只會匿喺安全嘅地方指指點點點人去死㗎姐...
尤其係屠總司令...喺神秘工廠都只係敢用全息影像示人...垃撚圾...
我哋三個繼續清理...
盡量清空路面上嘅障礙物...
除咗裝甲車同軍車等大型殘骸外...仲有解放軍士兵嘅屍骸...人體殘骸...
全部掉埋一二邊...
“嗡嗡！嗡嗡嗡！”仲有用紅光刀氣斬開地上嘅火堆...
差唔多清空晒條路之後...
「好喇～都差唔多喇～上車～」仁慈就帶住我同綽姿上返車。
“依...依...依依...依依依...依......吼！”仁慈撳咗好幾次Engine Start先開得著部車...
慢慢駛離戰火紛飛嘅深井...
仁慈慢慢揸...眼尾望一望倒後鏡中嘅我：「我仲以為...你會殺咗佢添～」
『嗯？你指...嗰個解放軍士兵？』我望出車外...過咗深井之後...好似同平時冇乜分別...
「嗯～」仁慈點點頭，留意住路面情況。
『殺咗佢太便宜佢...要佢喺地獄生不如死先夠折磨...』解放軍冇追入去...應該話...淨係喺深井已經全軍覆沒...
「哦？係吖？」仁慈又眼尾望一望倒後鏡中嘅我，「我以為你仲有一顆仁慈嘅心添～」
『你估我係你咩...仁慈...』咁解放軍佢哋...又幾時會重整旗鼓？
仁慈笑笑口～擰擰頭：「睇嚟都有唔少SPIRIT嘅行者入咗去呢～」
綽姿點點頭：「由頭先深井嘅情況...再加上而家路面上...半塊樹葉都見唔到...」
「嗯～」仁慈點點頭，「佢哋都係徒步跑入去呢～仲要係勁大批人～係呢～你哋有冇收到指示？」
有冇收到指示...
講起上嚟...
我同綽姿都拎部電話出嚟睇睇...然後一齊擰擰頭...
冇...冇咩指示...
個任務都仲係殲滅Today Coffee...
仁慈留意返路面：「咁大批人...話唔埋...差唔多喺呢區...香港區嘅行者...都入晒去...」
『真係想喺屯門決戰嘛？』我袋返好部電話...
仁慈好奇咁問：「何出此言？」
『屠總司令都仲喺解放軍基地...我相信啱啱深井嗰班都係啲死士...只係用嚟俾解放軍有藉口大隊進攻特殊區...我相信好快...』我仲未將想講嘅說話講完...
綽姿接住講：「好快解放軍就會用上最強嘅裝備...大隊進攻特殊區...」
最強嘅裝備...用上...SPIRIT物質製造嘅裝備...
「或者...」仁慈諗一諗，「或者啦...」
『或者？點解會係或者呢？你好似知啲嘢喎...』我打量住倒後鏡中嘅仁慈...
「我？」仁慈睜大對大眼仔，「我唔知㗎～我都係...估估吓㗎咋～」
估估吓？
「宋本木講啲唔講啲...」仁慈嘴藐藐，「又話忍唔住講咗出口...又話唔應該講得太多...你又唔應該知得咁多...但又已經知得太多...嗰個死老鬼成日都係咁...就係咁鍾意故弄玄虛...」
唔...咁都好合乎宋伯伯嘅人物性格...
上次喺元朗...佢請我飲茶...都係咁...
『咁...你又做逆行者？』同SPIRIT一樣...都係有咁多嘢唔明唔知唔清楚...
「唔係點？」仁慈帶住無奈嘅微笑擰擰頭，「返去SPIRIT吖？佢哋係話冇所謂～任得我～但我又唔想～而最關鍵嘅係...當我越接近EVE嘅時候...佢嘅吸引力...」
『強大力量嘅吸引力？』EVE...三原核之一...
「唔係～唔係～」仁慈帶住微笑擰擰頭，「係有一種熟悉嘅...親切感...就好似身體所遺失嘅一部份...」
熟悉...親切...身體遺失嘅...一部份...
仁慈雙眼發出綠光：「呢種感覺越接近...就越強烈...就好似而家...就好似回到母親嘅懷抱...」
回到母親嘅...懷抱...
我感覺到...仁慈身上嘅氣息越嚟越強...而且仲...越嚟越溫暖...
其實...都唔係而家先察覺到...
早喺駛到差唔多到火炭就已經感覺到...仁慈身上嘅氣息...越嚟越強...
同魂導兵喺公路上大戰完...上返車之後就更明顯...
明顯強咗好多...仲帶住溫暖...
點解會...咁奇怪...
吸收咗EVE能量之後嘅仁慈...有住以往第一次感受到嘅氣息感覺之外...仲帶住一點點...即熟悉...又溫暖嘅感覺...
仁慈帶住微笑，望住倒後鏡中嘅我同綽姿：「或者你哋接觸到EVE之時...都會有好似我咁嘅感覺呢～」
接觸到EVE...都會有好似...
“吼...吼...咔...咔...吼...”黑色嘅Benz繼續喺樹影之間穿插...喺青山公路上行駛...
路面上都冇障礙物...但係架車就好似...唔係好順...
“咔...吼...吼...咔...吼！咔...吼...”個引擎好似...發出怪聲...
雖然機械工程我唔太識...之不過...聽啲聲都好似唔係好妥...
仁慈唔多理會...繼續踩一踩油...
“吼！咔...吼...吼！咔...咔...吼...”之但係俾極油都好似唔多去咁...
真係開得好慢...點踩油都係得啲聲又唔係好去咁...慢慢行...
而我哋嘅目的地...又係邊呢？
向住屯門方向駛入去...而家裡面聚集咗咁多SPIRIT嘅行者...咁我哋點樣去搵EVE？
咁樣真係同自投羅莽冇分別㗎喎...
『仁慈...你打算點樣避開SPIRIT嘅耳目？』既然有疑問...都係開聲問...
仁慈望一望倒後鏡中嘅我：「避開SPIRIT嘅耳目？」
『嗯...你都識講而家屯門應該已經聚集咗大批SPIRIT嘅行者...佢哋感覺到你嘅氣息...斷估唔會俾我哋掂行掂過掛？』直頭會溶咗我哋添啦...
「哦！」仁慈點一點頭，「呢層唔使擔心啦～」
『吓？』唔使擔心？仲要講得咁輕鬆？
仁慈帶住微笑點點頭：「好快你就知㗎喇～」
好快...就知...
我望綽姿一眼...綽姿只係點一點頭...
綽姿覺得冇問題...
係唔係得我覺得有問題？
“吼！咔...吼...咔...吼！咔...咔...吼...”架車俾極油都唔去咁...慢慢咁喺青山公路上行駛...
我都一直留意住車外...冇乜特別...同平時差唔多...只係路面上冇晒樹枝同枯葉...
而四周都冇氣息...
即係附近冇SPIRIT嘅行者...亦冇逆行者...就只有我哋三個...
又係一種...暴風雨前夕嘅感覺...
“咔...吼！吼！咔...吼...咔...吼...”一直Keep住暴風雨前夕嘅感覺...駛到嚟...小欖...
仁慈將架車慢慢駛向西貢獻命喺小欖所設置嘅路障...停低...
西貢獻命嘅路障當然唔會有西貢獻命嘅光頭佬啦...
因為...佢哋早就喺尋日俾我哋殺清光...
係喎...差啲都唔記得呢度嘅西貢獻命...唔知邊個會特意走過嚟解決佢哋呢？
之但係...講返轉頭...點解仁慈會將㗎車...停喺度？
突然...有幾個身影由草叢同斜坡走出...走到我哋架車旁邊...
喺剎那之間...我同綽姿立即提高警覺...
一共...二三...四...六八個...總共八個...八個著住黑色長袍...笠起頂帽...一面陰暗嘅身影...包圍住我哋...
係咩人？喺佢哋身上...感覺唔到...感覺唔到氣息...就只有...生命...
係冇...精神化？
呢種衣著...究竟係SPIRIT...定係逆行者？
是敵是友...我已經分唔到...
我同綽姿Keep住戒備狀態...之但係仁慈好似若無其事...好似一早...預咗...
而其中一個黑色身影走到嚟仁慈旁邊...
仁慈撳低車窗...
個黑色身影就揭開頂帽...拉低衫領...探一探頭...
我就可以好清楚咁望到...呢個黑色身影...係一個...光頭佬？