《香港傭兵》: [Day 24－三合成立] PART 32
點會...點會...
眼前呢個...赤裸裸...喺大型玻璃容器行出嚟嘅...係阿月...點會...點會係阿月？
我唔相信自己對眼...我唔相信...眼前...一啲都冇變過嘅阿月...眼前嘅...一切...一切...
阿月都同我一樣...穿...越...
我腳步浮浮...行前兩步...再行多兩步...
「可惜相見係短暫...」阿月莞爾一笑...
可惜...相見係...短暫？
突然...我感覺到背後...背後有...
我擰轉頭一望...就望到...喺“升降機”嘅鐵籠裡面...
大家都好似感覺得到...一齊擰轉頭...
好強大...而且極霸道...比起片翼更霸道...更強大得多...好多...好多...好幾百倍嘅氣息...就喺鐵籠裡面嘅身影...散發出嚟...
身影嘅黑色長袍上...被極刺眼嘅紅色粒子包圍...
係...係咩人...
喺陰暗嘅面容之中...一點紅光一閃...
帶住極強大霸道氣息嘅身影以拔刀姿勢衝過嚟...
喺最近嘅仁慈立即拔出雙刀...
但黑色身影速度之快...喺仁慈都未亮出綠光刀刃之前...
“嗡嗡！吱！！！”仁慈嘅雙臂就被極刺眼嘅紅光刀刃斬斷...
仁慈嘅雙臂喺空中化為無數嘅綠色粒子...飄散...
黑色身影與斷咗雙臂嘅仁慈極速擦身而過...
梓翹都已經拔出精神刀...亮出綠光刀刃...
黑色身影極速跑到梓翹面前...快刀一斬...
“嗡！吱！！！”極刺眼嘅紅光刀刃能量之大...將梓翹格開...
梓翹失重心咁後退一步...黑色身影乘勝追擊...
就喺黑色身影向梓翹施以致命一擊之時...羅羅立即補位...
“嗡！吱！！！”羅羅橫刀一格...幫梓翹格住致命一擊...
但黑色身影嘅極刺眼紅光刀刃能量之大...一下子就將羅羅格開...同時向住羅羅同梓翹持刀嘅左手一斬...
“嗡嗡！吱！！！”梓翹同羅羅嘅左手同時被斬斷...
仲握實紅光刀刃同綠光刀刃嘅左手斷臂就飛到上空中...刀刃慢慢消失...斷臂亦喺空中化為無數嘅紅綠色粒子...飄散...
黑色身影喺羅羅同梓翹之間穿過...極速跑到去日倫面前...
日倫都未嚟得切拔刀...黑色身影已經嚟到佢面前...揮刀一砍...
就喺極刺眼嘅紅光刀刃要砍落日倫個頭...
“嗡！吱！！！”子茵以綠光刀刃幫日倫一擋...
但亦都同頭先一樣...極刺眼嘅紅光刀刃能量之大...子茵都擋唔住...被震開...
日倫拔出精神刀向黑色身影橫刀一斬...
“嗡！吱！嗡嗡！吱！！！”紅光刀刃與極刺眼紅光刀刃相格嘅一瞬間...黑色身體巧妙咁揮刀...將日倫同子茵嘅左手同時斬斷...
仲握實紅光刀刃同綠光刀刃嘅左手斷臂就飛到上空中...刀刃慢慢消失...斷臂亦喺空中化為無數嘅紅綠色粒子...飄散...
與此同時...黑色身影已經喺日倫同子茵之間穿過...剎那之間已經跑到嚟我同綽姿面前...
我同綽姿一左一右...拔刀一閃...
“嗡！嗡！吱！！！”兩把紅光刀刃就格住極刺眼嘅紅光刀刃...擦出大量紅色粒子...
好強...好強大嘅...能量...
「哼...」黑色身影嘅陰暗面容之中...一點紅光一亮...用力一推...
我同綽姿同時被震開...
與此同時...黑色身影就由我同綽姿之間穿過...再同氣定神閒咁企喺度嘅宋伯伯擦身而過...跑到去...阿月身後...
黑色身影從後捉住阿月...用極刺眼嘅紅光刀刃降住阿月條頸...
『唔好！』我一穩住陣腳，『唔好傷害佢...』
我...綽姿同宋伯伯就望實黑色身影...望住赤裸裸嘅阿月被黑色身影從後挾持...
而被斬斷雙臂嘅仁慈...斬斷左臂嘅梓翹...羅羅...日倫同子茵都跪咗喺地上...
而家又係咩情況...點解會...突然殺出一個...極...極強大嘅...行者...
真係極強大...就只係一瞬間...真係一瞬之間...
宋伯伯帶住慈祥嘅微笑：「連藤原龍都嚟埋～做咩唔通知聲先吖？等我嚟接你吖嘛～使乜要你由咁高～～～跳落嚟？吖～定係我應該叫返你做...恐怖？」
恐...恐怖？
係...唯一嘅預行者...恐怖？
恐怖單手揭開頂帽...拉低衫領：「你少嚟呢套啦...夜幕...」
夜...夜幕...係宋伯伯嘅稱號？
話說...話說呢個睇起上嚟...四十幾歲...左眼帶眼罩...梳咗個黑色All Back髮型嘅男人...就係唯一嘅預行者...恐怖？！
恐怖...又點會...點會走落嚟挾持...挾持阿月？
「哈...」宋伯伯笑笑口...擰擰頭...
而被挾持住嘅阿月...仲係帶住...莞爾一笑...
恐怖望望四周：「我應該一早就估到...係收埋喺呢度...點解一直都查唔到？果然世人都信唔過...」
果然世人都信唔過？
唔係...呢點唔重要...
我比較在意...收埋...收埋喺呢度...
宋伯伯帶住慈祥嘅微笑，望實恐怖：「咁睇嚟...你對死海文書都唔係好解～真係慘～枉你費盡心思取得咁多部份～」
咁...咁多部份？
恐怖一隻冷眼望住宋伯伯：「咁又點？知道結果就足夠...」
結果...結果又係乜？
宋伯伯仲係帶住慈祥嘅微笑望實恐怖：「咁結果又有冇講你聽...以EVE能量精神化嘅我...有幾強大？」
以EVE能量...精神化嘅...宋伯伯？
宋伯伯帶住慈祥嘅微笑望實恐怖...
而恐怖就用發出極刺眼紅光嘅精神刀降住赤裸裸嘅阿月條頸...
赤裸裸嘅阿月...仲係莞爾一笑咁望住我...
究竟...究竟我可以點做...
係唔係要等宋伯伯...精神化...
「哼...」恐怖“哼”一聲...捉實阿月...
一瞬間...就捉實阿月跑...與宋伯伯擦身而過...喺我同綽姿之間穿過...
好快...太快...
當我回頭一望...一道極刺眼嘅紅光就已經衝到過去鐵籠入面...向上一閃...閃走咗...
好快...完全...消失...消失得無影無蹤咁...
恐怖...捉走咗阿月...捉走...阿月...
我走上前...捉住宋伯伯件衫：『你做乜唔阻止佢吖？！』
宋伯伯揮晒手咁：「我點阻止佢吖？」
『精神化！你頭先咪話以EVE能量精神化嘅！』啱啱先講完！
宋伯伯帶住慈祥嘅笑容：「我拋佢咋嘛～」
『拋...』拋佢...
宋伯伯拍一拍我對手：「嘩...以我呢副老骨頭注入EVE能量？點頂得住吖？散都似啦～你冷靜啲先～冷靜啲先～少年～」
我鬆返開對手...
咁...咁即係點...
宋伯伯整理好返自己件長袍：「不過我呢一拋...恐怖都唔係知得好多...果然呢...死海文書...佢所缺少...亦都探究唔到...咁講法...應該可以繼續...」
『我唔知你講乜...我而家淨係知佢捉走咗阿月！』好辛苦...好難得先可以見返阿月！
但相見太過短暫...
就只係見咗一面...
點解...點解恐怖要捉走阿月...
「又唔使擔心咁多嘅～」宋伯伯行去睇睇子茵...日倫，「點吖？有冇事吖？」
子茵同日倫都撳住自己嘅左臂斷口...喺指罅之間飄出大量紅色...綠色粒子...
日倫冇氣冇力咁：「精神力量...流失得...好快...」
「好正常～」宋伯伯行近日倫，「就算用上高濃度精神液...成隻手臂被斬斷...一樣流失得好快...仲快～又真係估唔到...個老土怪可以製造出咁高濃度嘅精神液...」
估唔到...連宋伯伯都...估唔到...
宋伯伯撥一撥由日倫左臂斷口飄出嘅紅色粒子：「係點樣做到㗎呢？有器材咩？喺資源缺乏嘅情況之下...都可以製造出咁高濃度嘅精神液...呢個老土怪...果然知道啲我唔知道嘅事～」
宋伯伯都唔知道...嘅事...
除咗子茵同日倫...仲有羅羅同梓翹都單手撳住自己左臂斷口...坐喺地上...
而最傷應該都係仁慈...
仁慈雙臂斷口噴出大量綠色粒子...跪喺地上...
宋伯伯行到去仁慈面前...單膝半跪：「點吖你？」
「嗄...點？嗄...」仁慈抖住氣，又攰又辛苦咁，「咪又就嚟進入地獄囉...嗄...」
「哈哈～」宋伯伯帶住慈祥嘅笑容，「深層睡眠姐～冇嘢嘅～」
「嗄...嗄！」仁慈吸一口大氣，「冇嘢？嗄...你就講得輕鬆...嗄...嗄...EVE能量精神化吖...嗄！冇事冇幹好人好者吖...都夠折磨啦...嗄！嗄...而家仲要...仲要...嗄...斷咗兩隻手...慘過去死吖！嗄...嗄...」
宋伯伯帶住慈祥嘅笑容摸摸頭：「習慣就好～習慣就好～」
「習慣就好...嗄...」仁慈怒視住宋伯伯，「你就講得輕鬆...明明你就係知...嗄...知恐怖會搶...嗄！」
宋伯伯一面無辜：「你又唔好講到我咁衰～我都係為大局著想姐～」
「又係咁...嗄！」仁慈雙眼發出綠光，怒視住宋伯伯，「又係明知都唔知會聲...嗄...」
宋伯伯又帶住慈祥嘅微笑：「知會咗你...你咪有準備～有準備咪有機會改寫囉～唔得唔得～」
「你...你個...嗄...嗄！」仁慈吸一啖大氣，「你個死老鬼！」
「唔好咁勞氣～唔好咁勞氣～」宋伯伯拍一拍仁慈左臂斷口，「抖陣先～抖陣先～」
「喂痛呀！」仁慈大嗌一聲！
宋伯伯企返起身...望住遠處嘅...鐵籠：「唔...應該...差唔多...」
應該...差唔多？
在場已經斷臂嘅各人都坐嘅坐...跪嘅跪...盡量冷靜...平靜...處於不動狀態...盡量將精神能量流失嘅速度減慢...
我同綽姿...就行到去宋伯伯身邊...一齊望...望住鐵籠...
宋伯伯摸摸自己下巴：「唔...冇由理㗎...應該冇錯吖...係差唔多...差唔呢個時候...」
『差唔多？』又差唔多啲乜？可唔可以唔好再講啲唔講啲...
「唔...」宋伯伯又諗一諗，「應該冇錯㗎喇喎...唔會有錯㗎...跟住落嚟...接住落嚟...應該...應該...唔...」
我哋三個就望住個鐵籠...等咗一陣...又一陣...
究竟又會有乜嘢...又...
就喺呢個時候...
“咔！吱...咔咔...”鐵籠裡面嘅地板就向上升...
「呵呵～」宋伯伯帶住慈祥嘅微笑點點頭，「果然冇計錯～」
計...計啲咩？
望住鐵籠裡面嘅地板升到上頂...
“咔咔...咔咔...咔...”一直向上升...
唔知升咗幾耐...又唔知係唔係已經升到上頂...又唔知係唔係落緊返嚟...又由幾時開始落...
然後...然後再過咗一陣...
“咔...咔咔...咔...咔咔...咔...”鐵籠裡面嘅地板再次出現...
而與此同時出現嘅...係...係三個...身影...
地板載住三個身影...降緊落嚟...
睇清楚啲...呢三個身影分別係...雨姐...輝哥...仲有...仲有係...林雪？！