林雪擔住飛煙...行前幾步...望望仁慈...羅羅同梓翹佢哋:「嘩...乜搞閪到咁鳩大撚鑊吖...」

雖然林雪講到好似好大鑊...之但係...我睇佢個樣...又唔係真係咁驚訝咁...

應該話...應該要覺得更加驚訝先係...

對一個普通人嚟講...就算睇唔到精神能量...紅綠粒子由佢哋嘅手臂斷口飄出...淨係見到手臂斷口冇血流出都夠晒驚訝啦...

「哦?」宋伯伯打量住林雪,「連唯一一個能夠買回自由嘅行者都嚟埋~真係熱鬧~」



唯一一個...

『咩話?!林雪就係唯一一個能夠買回自由嘅行者?!』唔撚係呀化?!

林雪擔住飛煙睥鳩住我:「乜閪嘢林雪呀屌你老味臭閪...你條碌撚...仲未鳩死得嘅你?」

我真係唔敢相信...唔敢相信林雪咁嘅外型...會係唯一一個能夠買回自由嘅行者...

講仲未死...我會覺得林雪死早過我好多囉...



宋伯伯帶住慈祥嘅微笑...打量住林雪...輝哥同雨姐:「又真係估唔到...係由晨光同白霧帶你嚟喎~」

晨光...白霧...係輝哥同雨姐...

「嗱!」林雪拎住飛煙指指宋伯伯,「你又咪鳩誤閪會!我只係收閪咗佢哋錢...幫鳩佢哋做司機㗎姐!其他嘢我唔閪撚理嘅!」

收咗佢哋錢...雨姐同輝哥...要林雪做司機?

雨姐行到去梓翹身邊:「你都係叫返我哋做小雨同輝輝好啲...」



小雨...輝輝...

宋伯伯帶住慈祥嘅微笑點點頭:「都係一句姐~」

輝哥都行到去子茵面前:「唔同㗎~我哋一早就講明㗎喇嘛~我哋唔理㗎喇嘛~」

一早講明...唔理...

「係係係~」宋伯伯帶住慈祥嘅微笑再點點頭,「小雨~輝輝~係杜王土個老土怪叫你哋嚟㗎呢~」

雨姐單膝半跪跪喺梓翹面前:「嗯...Owner叫我哋嚟接你哋入去屯門...話時間都差唔多。」

係Owner...咪住先...Owner又會...連而家呢個情況都知?

「哈哈~」宋伯伯笑兩聲,「果然...最清楚嘅...都係杜王土~」



「係唔係都好啦~」輝哥左邊扶起子茵...右邊扶起日倫,「總之就快啲上返去先啦...你部𨋢好鬼慢吖...哎吖哎吖...隻手...隻手...」

子茵輕輕掙扎:「我唔使你理...你睇你隻手...又復發...咁多事做乜...」

輝哥扶實子茵:「你都仲係咁嘅...一日為師...終身為父!你曾經係我嘅隨行者...就算我隻手斷咗吖...我都有責任照顧你!」

咩...咩話?子茵曾經係...曾經係輝哥嘅隨行者?!

雨姐都扶起梓翹同羅羅:「你兩個OK嘛?」

梓翹同羅羅勉強咁點點頭...

而羅羅一直都凝視住梓翹...



雨姐打量住梓翹:「真係仲未諗得通...當初搵你做隨行者係啱定錯...」

「哈哈...」梓翹勉勉強強咁笑一笑,「呢啲唔係一早安排好咩?」

雨姐無奈咁擰擰頭:「就係唔知呢個一早安排係唔係好...」

咩...咩話?當初...係雨姐搵梓翹做隨行者?!

咁講法...子茵係輝哥嘅隨行者...梓翹係雨姐嘅隨行...呢個就係佢哋嘅關係?!

林雪吸一口煙...再彈走飛煙...雙手就喺自己身上抹一抹...再一面老尷咁行到去仁慈面前:「嗱!我唔撚係想抽鳩你水...我唔係話你唔閪夠靚唔閪夠索...你係好閪靚又好閪索...係男人都忍唔住想抽鳩你水...但我絕對絕對絕對絕對絕對唔撚係賤男人渣...我係好人嚟㗎...絕對係一個君子嚟㗎...」

仁慈冇林雪咁好氣:「得喇得喇...」

「咁我唔客氣喇...」林雪一個公主抱就抱起仁慈...



要人扶嘅抱嘅要幫手嘅都有人幫...

宋伯伯就擰轉頭:「你哋上去先~我仲有說話...同佢哋兩個講~」

有說話同...我同綽姿講?

「咁你都好唔太耐...」

「盡可能快啲啦!你部𨋢真係好鬼慢!」

「我...我唔撚...唔等咁耐㗎!過嘟咗十五分鐘加嘟你錢㗎!」

望住佢哋幾個行入鐵籠...



“咔咔咔咔啪!咔...咔咔...咔...咔咔...咔...”閂好鐵閘後...佢哋幾個就隨住地板向上升...

宋伯伯就向住...空空如也嘅大型玻璃容器行過去...

呢個...頭先仲浸住...阿月嘅大型玻璃容器...

宋伯伯行到去大型嘅玻璃容器前:「果然...果然都係杜王土個老土怪最清楚...死海文書...」

『我唔理你哋啲乜嘢死海文書...』我走上前,捉住宋伯伯件袍,『你對阿月做過啲乜?做乜要浸佢喺裡面?』

宋伯伯帶住慈祥嘅微笑:「呢樣對而家嘅情況仲重要咩?」

而家嘅情況...

宋伯伯搭一搭住我對手:「況且...我都係為佢好姐~」

我鬆返開對手...

為...為阿月好?

浸住佢喺大型嘅玻璃容器入面...又有乜咁好?

宋伯伯整一整理件長袍:「而家...你係想救返佢嘅話...就要去SPIRIT嘅基地~」

想救返阿月...就要去SPIRIT嘅基地?

宋伯伯繼續檢視住大型嘅玻璃容器:「恐怖帶咗佢去基地~」

『點...點解恐怖要捉阿月去基地?』想對阿月做啲乜?

宋伯伯踎一踎低,摸摸大型嘅玻璃容器:「你去到問吓佢咪知囉~」

我去到...問恐怖?

問佢就會答㗎喇?!

綽姿終於開聲:「我哋要點樣先去到基地?」

冇錯...我哋根本就唔知...基地喺邊...

之但係...宋伯伯就一定會...

宋伯伯企返起身...拍拍雙手:「喺黃金海岸嘅沙灘~」

係喺...黃金海岸嘅沙灘?

宋伯伯帶住慈祥嘅微笑...打量住我同綽姿:「趁住解放軍仲未攻到入嚟...去黃金海岸嘅沙灘...沙灘上有恐怖之前用ADAM整落嘅黑洞通道~」

『黑...黑洞...』通道...

宋伯伯帶住慈祥嘅微笑點點頭:「係一種...空間接疊嘅科技...算啦~講你都唔明~」

就係唔明先要你講咋嘛...

綽姿接住質問:「但單憑我哋兩個...點入去基地?先唔好講冇許可情況之下進入基地...恐怖一定已經視我哋為叛徒...喺基地裡面嘅行者會殺死我哋。」

「唔...」宋伯伯諗一諗,「呢點你大可以放心~基地裡面嘅行者都派晒去屯門...準備好迎戰解放軍同逆行者...基地裡面基本上係冇人㗎喇~」

準備迎戰...基地裡面...冇人...

我同綽姿都凝視住宋伯伯...

宋伯伯帶住慈祥嘅微笑點點頭:「呢啲都係死海文書所記載~唔會有錯~再加上...你哋用上杜王土所製造嘅精神液...應該冇問題~真係估唔到...喺資源咁缺乏嘅情況之下...竟然可以製造出咁高濃度同純度嘅精神液...係點做到?睇嚟佢嗰部份...真係幾關鍵~」

真係冇問題?

基地裡面仲有咩人我真係唔知...

我淨係知...淨係恐怖一個都夠晒恐怖...

就喺啱啱...頭先佢可以輕易咁...就連梓翹同子茵嘅手臂都只係一刀...就斬斷...

EVE能量嘅逆行者...偶然同必然...

咁多人喺度...同恐怖都過唔多兩三招...得我同綽姿...點打?

「對自己有信心啲~」宋伯伯拍一拍我膊頭...向住鐵籠方向行...

對自己有...信心啲?

已經唔係有冇信心問題啦...

係能力以外嘅問題吖...

宋伯伯行到去鐵籠前...撳一撳掣:「你咪想知ADAM嘅事嘅?去到就知㗎喇~」

去到...基地...就會知ADAM嘅事?

基地...ADAM...冇錯...短白髮男話ADAM被我哋SPIRIT搶走...

一定係俾恐怖收埋喺基地入面...

到時...喺基地裡面搵返阿月...再去搵出ADAM...就可以同阿月返翻去過去...

講就好似好容易...做起上嚟呢?

綽姿都行到去宋伯伯身邊:「究竟...乜嘢係死海文書?」

「死海文書吖?」宋伯伯諗一諗,「係劇本~」

係...係劇本?

“咔...咔咔...咔...咔咔...咔...”鐵籠裡面嘅地板再次喺頭頂出現...

當鐵籠裡面嘅地板下降到落地面...

“咔咔咔咔啪!”宋伯伯一手拉開鐵閘:「快啲上去啦~唔好要人等吖~」

我同綽姿都跟住宋伯伯行入鐵閘...

“咔...咔咔...咔...咔咔...咔...”我將鐵閘閂好後...地板隨即向上升...

劇本...假如死海文書真係劇本...

『劇本有冇講到...結果會係點?』我望住...再冇綠光嘅牆身...

四面牆...都再冇發出綠光嘅照明系統...

「有掛...」宋伯伯諗一諗,「我諗有掛~但我嗰部份冇記載...而且...我都探究唔到~」

『嗯?』咁即係...

「有時候...」宋伯伯再諗一諗,「有啲嘢都係要自己去...親身經歷過先知嘅~少年~」

親身經歷過...

“咔咔...咔...咔...咔咔...咔...”升降機一直向上升...

過咗一段時間...好似比起之前落去嘅時間短...比落去快...快咗啲就上到嚟...

“咔...咔...咔咔...咔...咔咔...咔咔咔咔啪!”上到嚟地面後...宋伯伯又一手拉開鐵閘:「唉...老人家拉拉個鐵閘都冇乜力...真係唔應該逞強~」

我同綽姿都冇理咁多...繼續跟住宋伯伯身後行...一直行...

“咯 咯 沙 啪 沙 啪 咯”踩過地上嘅碎石碎瓦...行返出廢棄嘅建築物...

我哋就見到...林雪架紅Van...

林雪擔住飛煙...挨喺紅Van車身:「快鳩啲啦仆街...等閪咗你哋咁柒耐...」

宋伯伯陰陰嘴笑:「車~我使你車我?我夠有車咯~」

林雪大大啖扯飛煙:「吖~我屌你個嘴吖咁鳩串柒柒?早閪啲講咪鳩嘥閪我時間呀!」

宋伯伯行去自己架黑色Benz:「係你自己蠢姐~太耐冇做行者吖?」

林雪再大大啖扯飛煙:「食閪咗屎嚟呀?把口咁鳩臭嘅?食閪埋飛煙開車!理鳩你~」

宋伯伯就望一望自己架黑色Benz:「唔...」

當宋伯伯一上車...撻一撻...

“依...依依...依...依...依依依...依...”撻唔著...

「嘩搞咩吖?」宋伯伯摸摸個軚盤,又望兩望,「咪話咗錫住我部車嚟揸囉!唔係踩到爆咗偈吖化?嘩大佬...古董車嚟㗎...」

你都知係古董車...就唔好要仁慈揸嚟救我哋啦...

「喂唔掂唔掂!」宋伯伯立即落車跑去紅Van,「等埋等埋!」

林雪再深深一扯...彈走飛煙:「頭先唔係好鳩串㗎咩?自己有車大閪晒㗎嘛...」

宋伯伯立即衝上紅Van:「大家咁熟講呢啲~」

林雪都行上紅Van:「熟你老味呀...」

咁我同綽姿...

我同綽姿互相對望一眼...

『喂等埋...』