《香港傭兵》: [Day 24－三合成立] PART 35
.
..
...
當我再次睜開雙眼...我望到嘅係...夜空...明月...
我瞓咗喺...地上...望住黑色嘅夜空...雪亮嘅明月...
「吞噬...」綽姿行到嚟我面前...擋住明月，「你OK嘛？」
『我...我OK...』我企返起身...望一望...
望望兩旁...殘舊嘅唐樓...我同綽姿就企喺瀝青嘅馬路上...左右兩旁商舖嘅中間...
呢度係...
『旺角...』我疑惑咁再望清楚四周...
呢度...的確係旺角嘅西洋菜南街...行人專用區...
「係訓練場。」綽姿同我一齊望望四周。
『訓...訓練場？』呢度明明就係...平日人山人海嘅...旺角行人專用區...
只係...有幾架爛車擺放喺路邊...又有幾架著緊火...
唔止啲爛車...仲有兩旁嘅百老匯啲櫥窗都係爛晒...一地都係玻璃碎...裡面啲貨都被人搶走晒咁...而且有啲舖頭仲著晒火...
「呢度係喺基地裡面...模擬香港旺角嘅訓練場。」綽姿行前兩步。
『原來...真係好真...真係好似...旺角...只係多帶戰爭味...』我都跟住綽姿行前多兩步...望清楚兩邊舖頭...
好真...超真...
不論係...一地都係嘅玻璃碎...倒冧晒嘅貨架...燃燒緊嘅貨物...都唔係道具...
「嗯...所有都係真材實料...依照住真實嘅旺角建造出嚟嘅訓練場。唔止旺角...其他地方都係。」綽姿繼續向前行多兩步。
『但點解...我哋會嚟咗呢個旺角訓練場？』我哋穿過黑洞隧道之後...就嚟到呢度...
「睇嚟係...刻意安排。」綽姿再向前行多幾步。
『刻意...安排...』行多兩步...我就感覺到前方...
我同綽姿都停下腳步...望住前方...
我感覺到前方...有兩股氣息...
兩股都係超強大且霸道嘅氣息...就喺前方...遠處...熊熊烈火之中...
喺熊熊烈火之中...有兩個黑影...由熊熊烈火之中...行出...
一左...一右...由熊熊烈火之中...向住我哋...行出嚟...
一個左手手持長長嘅...發出極刺眼紅光刀刃...
另一個右手手持更刺眼嘅紅光刀刃...
一左一右咁穿過熊熊烈火...一步一步...行過嚟...
呢兩個黑色身影...呢兩股超強大且霸道嘅氣息...係片翼同一尾...
竟然係佢哋兩個...迎接我哋？
「片翼交俾你...我應付一尾。」綽姿望實步步迫急嘅一尾同片翼...
『吓？片翼...』要我...對付片翼？
「定係你想同先行者Number 1嘅一尾交手？」綽姿聚精會神...望實一尾...
『我係怕你應付唔嚟咋...』要我同片翼交手...求之不得啦...
由我第一眼見到片翼...我就有想同佢交手嘅衝動...
縱使我嘅能量...唔好話不及...直頭連車尾燈都見唔到...
但我內心...總係好想同佢交手...
或者因為佢真係...太型...係我一直崇拜...
就算係死喺佢手上...都令我興奮不已...
「你顧掂你自己先啦...」綽姿已經準備好...
就喺一尾同片翼行前多兩步...突然...
兩道紅光一閃...一尾已經閃到埋綽姿面前...同時...片翼亦向我使出居合拔刀一閃...
“嗡！吱！！！”我同綽姿都立即拔出精神刀...以紅光刀刃...各自擋住一尾同片翼嘅居合拔刀一閃...
好快...快得好誇張...我已經一直都提升五官六感...之但係當我有意識之時...片翼已經嚟到我面前...
唔單止快...能量仲好大...
“吱！！！”大量紅色粒子就由紅光刀刃與極刺眼紅光刀刃之間擦出...
“吱！！！嗡！”我立即用力抽刀...同時向右後方一跳...拉開同片翼嘅距離嘅同時...亦與綽姿同一尾嘅戰圈拉開距離...
片翼立即衝住埋我面前揮刀...
“嗡嗡！吱！嗡！吱！嗡嗡！”我立即以紅光刀刃邊擋邊後退...跳入爛櫥窗...退入火光熊熊嘅百老匯店舖裡...
雖然片翼把刀好長...好長...但仲係相當靈活...
一揮刀...一斬...一砍...又快速...力度又強勁...
真係唔係講笑...諗住跳入嚟室內...睇吓會唔會有優勢...但我有咁嘅想法實在太過天真...
片翼完全無視四周嘅貨架...散喺地上嘅雜物...
“嗡！吱嗡嗡！嗡！吱！嗡嗡！吱！”一刀一刀咁斬爛...砍爛貨架同雜物...同時斬向我...砍向我...
我就只可以邊用紅光刀刃格擋...邊後退...
片翼...先行者Number 2...真係一個...一個好好嘅對手...
“嗡！吱！嗡！”我一擋住片翼嘅迴身半月斬後...立即退後一步收刀儲力...
片翼立即踏前一步...向我使出袈裟斬...
我就趁住片翼手上把極刺眼紅光刀刃由上而下咁砍落嚟之時...立即使出居合拔刀一閃...
“嗡！吱！！！”紅光刀刃與極刺眼嘅紅光刀刃相格...擦出大量紅色粒子嘅同時...亦揮出大量紅光刀氣...
“飃！飃飃！吱！飃！吱！啪！”大量紅光刀氣將四周嘅貨架...雜物...連同火焰都斬開...
與此同時...我同片翼都被對方嘅衝擊震開...
我同片翼後退幾步...企穩陣腳...
片翼手持極刺眼嘅紅光刀刃企定定對住我...我亦向住片擺出防禦姿態...
呢個就係...期待已久嘅...對戰...
片翼塊陰暗嘅面容之中...兩點紅光望住我...
好強大...且霸道嘅氣息...一直由片翼身上散發出嚟...
而喺片翼身後...遠處...馬路對面嘅百老匯裡面...紅光閃過不停...
係綽姿同一尾...大戰連場...
我而家喺呢個位置...都感覺到佢哋兩個嘅氣息...相碰...碰撞...
好激烈...不過我都唔理得佢哋有幾激烈...
我要應付...面前強大...霸道...皇者風範嘅...片翼...
我雙手持刀...踏前一步...一瞬間就跑到嚟片翼面前...
“嗡！吱！嗡！吱！”我揮刀一斬再斬...片翼單手持刀一擋再擋...
紅光刀刃與極刺眼紅光刀刃相格...擦出大量紅色粒子...
好輕鬆...片翼好輕鬆咁招架我嘅攻擊...企喺原位...半步都冇郁過...
我嘅能量已經好大...速度亦相當快...
“嗡嗡嗡！吱！！！嗡嗡！吱！！！”一邊向片翼攻擊...一邊不斷有紅光刀氣飛出...
紅光刀氣將四周嘅貨物斬到變碎件...斬到牆身...柱都係刀痕...
但就係傷唔到片翼...片翼揮動佢手上長長嘅精神刀...以極刺眼嘅紅光刀刃...瀟灑咁化解晒我嘅攻擊...
片翼...你真係咁強？
『喝！』我一個袈裟斬直斬落片翼頭上...
「哼...」片翼由下而上...由右至左一抽刀...
“嗡！吱！！！”極刺眼紅光刀刃與紅光刀刃相格嘅一瞬間...我隨住無數咁多紅光刀氣直轟上天花...
喺我背脊撞向天花嘅同時...無數咁多紅光刀氣將天花斬穿一個大窿...
我亦由個大窿飛到上上一層...一個後空翻...單膝半跪落地...
但喺我都未站穩陣腳...就感覺到腳下有好強嘅殺氣...
我立即向後一跳...
“嗡嗡！嗡！吱！吱！”地面有幾道紅光刀氣飛出...
地面被紅光刀氣斬爛...斬爛...我再彈後一步...再一個後空翻...
片翼就由被斬爛嘅地面跳上嚟...反手持精神刀...向我迫近...
好快...好大壓迫感...
片翼向我反手一斬...再正手一砍...
“嗡！吱！嗡！吱！！！”我以紅光刀刃擋住長長嘅極刺眼紅光刀刃...
用上咁長嘅刀...都可以咁靈活...仲可以貼住身嚟打...
我再邊後退...邊以紅光刀刃招架多幾刀...
「哼...」片翼貼住我身...向我橫刀一斬...
“嗡！吱！！！”我用紅光刀刃擋住...被一百八十度扯住咁轉向片翼身後...向後一飛...
“啪！轟！”我成個背脊撞向碌柱...成碌柱都俾我撞斷後...我再飛後多兩步...喺地上後滾翻兩圈再企返起身...向片翼擺出防禦姿勢...
片翼離遠咁背住我...擰個頭過嚟望住我...
果然...好強...淨係呢種氣勢...
片翼一個轉身...向我揮一刀...
“嗡！！！”大量紅光刀氣就向住我撲埋嚟...
我立即雙手持刀...反手一擋...
“吱！吱！吱吱！吱！！！”擋住向我面前撲埋嚟嘅紅光刀氣...
同時...唔少紅光刀氣喺我身邊擦過...
“吱！吱吱吱！吱吱！”地上...身邊嘅柱...牆身...劃上無數咁多條刀痕...
“轟！隆！轟隆！”有一兩條柱仲要俾紅光刀氣斬斷...
而我頂帽都俾紅光刀氣擦到揭開咗...
擋完一輪紅光刀氣攻擊之後...雖然我身上都中咗唔少刀氣...之但係都入唔到肉...
淨係咁咋咩？我都得...
我擺出居合拔刀姿勢...儲力...
以短時間儲力後...離遠向住片翼拔刀一斬...
“嗡！！！”大量紅光刀氣就由我手上嘅紅光刀刃同時飛出...撲向片翼...
片翼單手持刀...一擋...
“吱！吱吱吱！吱吱！！！”片翼以長長且極刺眼嘅紅光刀刃擋住紅光刀氣嘅同時...亦有唔少紅光刀氣劃過地面...劃過柱...劃過牆身...劃出多條刀痕...
同時...片翼頂帽亦俾我所發出嘅刀氣擦到揭開...
片翼擋完我一輪紅光刀氣攻擊之後...將遮住半邊面嘅衫領拉低...
我亦都將遮住半邊面嘅衫領拉低...望實片翼...
喺充滿壓迫感嘅空間之中...我同片翼同時以忍步向住對方衝過去...
片翼單手持刀...由下而上...由右至左抽刀一斬...
“嗡！吱！”我雙手持刀一擋...再反斬...
一斬一擋...一擋一反斬...避開再砍...迴身半月斬...袈裟斬...
一邊轉...一邊斬...砍...擋...避...互有攻守...
喺紅光刀刃與極刺眼紅光刀刃互擦之間...除咗擦出大量紅色粒子外...仲飛出無數道紅光刀氣...
“嗡！吱！嗡嗡！吱吱吱！嗡！吱吱！”紅光刀氣飛向地上...柱...牆身...天花...劃上無數咁多條刀痕...
“轟！隆！轟隆！轟！”唔少柱都俾紅光刀氣斬斷...天花都開始頂唔住...有石屎跌落嚟...
「哼...」片翼抽刀擋住我嘅袈裟斬之後...立即用力一揮...將我揮上天花...
我倒轉...雙腳踩住天花...繼續向片翼揮刀...
“轟隆！轟！隆！轟隆！轟！隆！”天花開始倒塌...
我就踩住天花同片翼交戰...
“嗡！吱！嗡嗡！吱！嗡！吱！吱！”喺天花石屎倒塌之間...紅光刀影閃過不停...而且仲有大量紅光刀氣飛出...
片翼...我最祟拜嘅邪惡角色...究竟你可以有幾強...