《香港傭兵》: [Day 24－三合成立] PART 36
“轟！轟隆！隆！轟隆！隆！”天花一直塌下...
我一路以倒轉姿勢踩住天花...與片翼交戰...
“嗡嗡！嗡！吱！吱！嗡！吱！嗡嗡！吱！”大量紅光刀氣由紅光刀刃與極刺眼紅光刀刃互擦之下飛出...
不少塌下嘅天花碎塊被紅光刀氣擊中...頓時化成灰塵...
“嗡！吱！！！”我凌空一刀橫斬...片翼揮刀一擋之後...我轉身落地...
天花持續塌下...唔單止係上一層...再上層...再上一層嘅天花都開始塌下...
成棟危樓都開始倒塌...
我就同片翼喺向下倒塌緊嘅石屎碎塊之間...你斬...我擋...
“嗡嗡！吱！嗡！吱！嗡嗡！吱！”
你追我斬...我斬你擋...兩個紅光身影邊跑邊跳...揮動手上嘅紅光刀刃...刀來刀往...紅光刀影閃過不停...
“嗡！！！”我大刀一揮...紅光刀影劃破灰塵...
“吱！！！”片翼單手持刀...以極刺眼嘅紅光刀刃擋住我嘅橫斬...再用力一揮...
我向後一彈...彈上空中...踩住倒塌緊嘅天花碎塊...
片翼立即向住我用力一跳...以突刺姿勢直飛埋嚟...
長長嘅極刺眼紅光刀刃好快就嚟到我面前...
“嗡！吱！”我立即揮刀一擋...
片翼立即順勢轉身一斬...
我立即跳開...及時避開片翼嘅迴身斬...
天花碎塊被片翼手上嘅極刺眼紅光刀刃斬開嘅同時...我亦跳到去片翼背後...向佢使出旋轉斬...
仲背住我嘅片翼立即將長長嘅紅光刀刃向後一擺...輕鬆擋格我嘅旋轉斬...
我哋兩個同時用力一推...將對方彈開...
喺我同片翼都各自向斜上同斜下彈開之時...
「哼...」片翼一個轉身順勢揮兩刀...
“嗡！嗡！！！”兩道極刺眼嘅紅光刀氣就向住我斬埋嚟...
”吱！吱！”我以紅光刀刃一擋...再擋...斬開兩道極刺眼紅光刀氣...
一分為二...二分為四嘅紅光刀氣...“轟！轟隆！”就將我身後...幾塊天花塊碎斬到變成灰塵...
剎那間我搵唔到落腳點...而片翼已經踩住腳下嘅天花塊碎...一跳...以拔刀一閃姿勢向住我飛埋嚟...
片翼嘅紅光身影穿過灰塵...喺倒塌緊嘅天花塊碎...屎石之間穿過...直飛到嚟我面前...拔刀一閃...
“嗡！吱！！！”我凌空以紅光刀刃擋住片翼嘅拔刀一閃...但因為冇落腳點...只有繼續向後擊飛...
片翼繼續追住我嚟突刺...突刺...連環刺刺刺...
片翼把精神刀太長...再加上我冇時間搵落腳點...就只可以勉強咁擋...擋...盡量以紅光刀刃招架住片翼嘅突刺攻擊...
唔得...再係咁落去...俾片翼刺中都只係時間問題...
要搵落腳點...最起碼都要搵到個落腳點...
之但係...淨係要招架片翼嘅攻擊都分身不下...仲點去搵背後嘅落腳點...
喺面對敵人嘅攻擊同時...搵背後嘅落腳點...嘗試用對腳去感受...感受邊度有落腳點...
“嗡嗡！吱！嗡！吱！嗡嗡！吱！”我一邊招架住片翼嘅連環突刺...一邊嘗試用對腳去感受...感受...感受...感受到...
我左腳向後一踏...啱啱好踩住一塊正向下倒塌緊嘅天花碎塊...同時由隻左腳開始...用盡全身嘅氣力...集中到去左手...用力一揮...
“嗡！！！”紅光刀刃向住片翼面前一揮...同時揮出大量紅光刀氣...
「哼...」但片翼好似早有準備...立即踩住塊向下殞落嘅石屎一跳...巧妙咁避開我紅光刀刃及大量紅光刀氣...跳到上我頭頂...
今次弊...
就喺片翼由我頭頂...雙手持刀...使出袈裟斬之時...
“嗡！吱！！！”我勉強咁舉刀一擋...
“吱！轟隆！！！”我成個人就直轟落地面...
成個地面同瓦礫堆就俾我撞穿咗個大窿...
與此同時...片翼雙手持刀...由上而下...從天而降...
片翼隨住身上嘅紅光直轟落嚟...
我立即站穩陣腳...用紅光刀刃一擋...
“嗡！吱！！！”就喺紅光刀刃與極刺眼紅光刀刃相格之時...我雙手舉起刀柄...刀背緊貼手臂...以刃引之形化解片翼對我施以嘅空中袈裟斬...
當片翼嘅極刺眼紅光刀刃沿住我手上嘅紅光刀刃向斜下滑落...擦出大量紅色粒子之時...我極快速揮刀向片翼一砍...
“嗡！吱！！！”片翼亦立即舉刀...以極刺眼紅光刀刃一擋...同時雙手舉起刀柄...刀背緊貼手臂...以刃引之形化解我嘅反袈裟斬...
來來回回...喺危樓倒塌期間...大量天花石屎仲冧緊落嚟之時...我哋兩個連續以刃引之形不停化解對方嘅袈裟斬...好十幾回合...
“嗡！吱！！！”就喺我嘅紅光刀刃沿住片翼手上嘅極刺眼紅光刀刃向斜下滑落...仲未滑落到一半之時...
片翼快速用刀柄底部大大力鑿我下巴...
『嗚...』我成個人就俾片翼鑿一鑿起...
片翼立即單手捉住我長袍領...將我再拋一拋起...向我連環刺...
“嗡！吱！嗡嗡！吱！嗡嗡嗡！吱！嗡嗡！吱！”我只可勉強喺凌空以紅光刀刃招架...
好快...每一刺都好快...雖然仲未刺中...但真係好勉強...
紅光刀影喺灰塵之間閃過不停...
說時遲...那時快...片翼橫刀一斬...
“嗡！吱！！！”我以紅光刀刃一擋...但成個人就九十度扯住咁轉身飛出室外...
『嗚...』我成個就鏟落地再碌咗兩個圈...
我單膝半跪咁跪喺馬路中間...
仲擋得住...仲頂得住...
“轟！轟！轟隆！”危樓一直倒塌...揚起大量灰塵...
“嗡！！！”突然有大量紅光刀氣將灰塵斬散...飛出...迎面而來...
我立即以紅光刀刃一擋...
“吱！！！”當住面前嘅紅光刀氣之時...亦有大量紅光刀氣擦身而過...
地面被紅光刀氣劃過...留下一條條刀痕...
片翼就隨住紅光刀氣...喺倒塌緊嘅危樓...石屎之間飛出...
紅光一閃...瞬間飛到埋嚟我面前...向我施以迴身抽刀...
“嗡！吱！”長長嘅極刺眼紅光刀刃就劃住地面咁斬上嚟...
我一腳踩住長長嘅極刺眼紅光刀刃...短距離助跑兩步再跳起...向片翼頭上施以袈裟斬...
“嗡！吱！”片翼立即抽刀一擋...再將我成個人彈上空中...
片翼立即向住喺空中嘅我一跳...同時向我使出刺擊...
“嗡嗡！吱！嗡！吱！嗡嗡！吱吱！”我喺空中用紅光刀刃不停咁擋住片翼嘅刺擊...
不過擋唔得幾多...手手腳腳都被片翼手上嘅長長極刺眼紅光刀刃刺中...身上多處紅光傷口飄出少量紅色粒子...
唔得...喺空中對我好不利...唔係...應該話個節奏掌握喺片翼手中...
每一攻...一守...一反攻...都已經為下一步做好部署...
呢個就係...歷戰英雄嘅技能？
唔得...真係唔可以...唔可以再俾佢掌握住個戰局...
就喺片翼喺我雙臂劃多幾刀之後...
“吱！！！”我一手就捉實片翼把極刺眼紅光刀刃...
喺掌心與極刺眼紅光刀刃之間噴出大量紅色粒子之時...我一刀就刺向片翼...
明顯我把刀就唔夠長...而且仲...
“吱！！！”喺片翼塊面前展開紅色嘅絕對領域...擋住咗我嘅紅光刀刃...
可惡...把刀唔夠長...想隊埋去都隊唔到...
片翼面前閃住絕對領域嘅光芒...一個轉身揮刀...將我成個人揮返落地...
“轟隆！”我一踩落地...成塊地俾我踩到裂開晒...成個蜘蛛網咁...
片翼一落地後...單手持刀...立即向住我衝埋嚟...
我亦立即以忍步衝去片翼...
當我哋一碰撞...
“嗡！吱！”擦出大量紅色粒子...同時擦身而過後...再立即迴身一斬...
刀駁刀...招駁招...
“嗡嗡！嗡！吱！嗡！吱！嗡嗡！吱！！！”紅光刃影閃過不停...
大量紅色粒子由紅光刀刃與極刺眼紅光刀刃擦出之餘...仲有無數咁多條紅光刀氣飛出...
無數咁多條紅光刀氣向住四周亂飛...亂劃...
地面不停被紅光刀氣劃出一條又一條刀痕...
街邊嘅雜物...馬路旁邊嘅廢棄車輛都被紅光刀氣斬爛...斬碎...斬開...
仲有火堆都被紅光刀氣斬到飛開...分開...
仲係斬唔中...仲係傷唔到片翼...而我...我都仲係只有招架...
就算俾我反擊...都好似仲喺片翼嘅預計之內...計算之內...掌握之內...向我作出反擊...追擊...
點解...點解會咁強...點可能會咁強...
片翼...片翼...片翼！！！
『喝！』我用盡全力迴身橫斬...
“嗡！吱！！！”片翼反手持刀一擋...再立即轉身一斬...
我及時反手持刀一擋...
“嗡！吱！！！”但我就連同無數咁多道紅光刀氣向後一飛...
我背脊撞向背後嘅玻璃廚窗嘅同時...無數咁多道紅光刀氣都跟住斬埋去...將玻璃碎塊斬得更碎...
我飛到入室內...背脊一撞到啲雜物後...片翼已經跳入嚟...嚟到我面前一斬...
“嗡！嗡嗡！”我立即一個後空翻避開...再揮兩刀保持距離...
片翼一避...再避...我就再轉身出盡全力...由下而上...由右至左抽刀一斬...
“嗡！吱！！！”片翼反手持刀一擋...向後上方一彈...由天花上嘅大窿跳上上層...
同時...後上方有兩股強大嘅氣息相碰...
“轟隆！”天花穿咗個大窿...同時...綽姿由大窿跌落嚟...
綽姿一落地...立即後退兩步...同我背對背咁...擺出防禦姿勢...
片翼就企喺上層嘅大窿前...左手手持長長嘅極刺眼紅光刀刃...居高臨下咁望住我...
而左手手持極刺眼紅光刀刃嘅一尾...都行到去綽姿嗰邊嗰個上層大窿前...居高臨下咁望住綽姿...
片翼...一尾...佢哋兩個嘅氣息...強大...且霸道到令人窒息...
而喺背後嘅綽姿...氣息雖然比起之前...一齊生活咗咁多日嘅佢...強好多...強到估計唔到...
可能都係因為Owner嘅精神液嘅關係...
之但係...一閃...一閃...時強...時弱...
綽姿身上嘅氣息總係...時強...時弱...
唔單止綽姿...就連企喺上面嘅片翼...身上嘅紅光都係一閃...一閃...氣息時強時弱...
頭先都唔係咁...一開始我都有啲好奇...點解咁唔好彩...同片翼對戰...佢嘅氣息先嚟咁穩定...
穩定地強得可怕...
但而家都唔知係好彩定唔好彩...喺片翼嘅氣息唔穩定之時...綽姿亦都係一樣...
而最慘嘅係...而家面前仲要多個強大嘅敵人...一尾...