兩股極強大且霸道嘅氣息就喺正我哋頭上...

片翼...一尾...

我同綽姿背對背...各自望住頭上嘅片翼同一尾...準備好...準備...

片翼同一尾由天花嘅大窿跳落嚟...

片翼雙手持刀...由上而下...從天而降...向我使出袈裟斬...



與此同時...一尾亦右手持刀...由上而下...從天而降...向綽姿使出袈裟斬...

我同綽姿背對背...同時舉起紅光刀刃...一擋...

“嗡!吱!!!”大量紅色粒子就由紅光刀刃與極刺眼紅光刀刃之間噴出...

喺刀刃相格嘅一剎那之時...片翼正手一砍...反手一斬...再正手砍斬接反手斬砍...

“嗡!吱!嗡!吱!嗡嗡!吱!”我以紅光刀刃格擋...擋格...反擊再反擊...



每招架一下片翼嘅攻擊...我都搵出佢嘅空位...砍埋去...斬過去...

之但係每一次都俾片翼及時以長長嘅極刺眼紅光刀刃擋住...格開...反擊...再反擊...

而背住我嘅綽姿亦一樣...

“嗡嗡!吱!嗡!吱!嗡嗡!吱!”背後不斷傳嚟精神刀刃相格嘅聲響...

兩股精神能量不停喺背後碰撞...



片翼同一尾嘅攻速都好快...唔係...一尾嘅攻速比片翼更快...

係因為...一尾把精神刀比片翼嘅短...

“嗡嗡!吱!嗡!吱!!!”我趁住片翼氣息最弱之時...一刀格開佢橫斬嘅空檔...立即轉身橫斬一尾...

一尾及時揮刀擋住我嘅轉身橫斬...綽姿亦同時轉身橫斬片翼...

“嗡!吱!!!”片翼反手持刀一擋...擋住綽姿嘅轉身橫斬...

我同綽姿互換對手...

一尾右手持刀一斬...立即轉左手持刀一砍...再立即轉右手反手持刀一斬一砍...又再立即轉左手持刀砍斬...

“嗡嗡嗡!吱!嗡嗡!吱!嗡嗡嗡!”我只可以勉強用紅光刀刃格擋...擋格...格擋再格擋...



好快...一尾嘅攻速快到嚟晒大嫂...

唔怪之得攻速可以咁快...因為佢雙手互換...

左右手都可以持刀...揮刀...不論係正手定反手...都可以作出攻擊...

唔單止快...仲要能量驚人...

“嗡嗡嗡!吱!嗡嗡!吱!嗡嗡嗡!吱!”每擋一下一尾嘅攻擊...都噴出大量紅色粒子...而且仲擋到手都震埋...

喺一尾手上...發出極刺眼紅光嘅精神刀刃...能量大得太驚人...

攻速又快...能量又大...呢啲就係先行者Number 1一尾嘅實力?



我再招架一尾幾刀...轉身同綽姿互換對手...

“嗡!吱!嗡嗡!吱!嗡嗡嗡!吱!”

同綽姿一路背對背咁轉圈...一路互換對手...

“嗡嗡!吱!嗡嗡嗡!吱!嗡!吱!”

紅光刀影閃過不停...

除咗有大量紅色粒子噴出...仲有唔少紅光刀氣向四周飛出...

“嗡嗡!吱!啪!”

紅光刀氣斬爛唔少貨架...



“吱!嗡嗡!吱!”

地上嘅雜物...

“嗡!吱!嗡嗡!吱!”

地面被劃出多條刀痕...火堆亦被斬開...

“嗡!吱!嗡嗡!轟!嗡!隆!”

一碌碌柱亦被紅光刀氣斬斷...斬碎...頭上嘅天花亦開始倒塌...

天花碎塊同碎石都開始由頭上塌下...



“嗡!吱!!!”我一刀格開片翼嘅十字斬後...立即一邊以居合拔刀儲力...一邊轉身...

當我轉到去一尾面前...立即出盡全力拔刀一閃...

“嗡!吱!!!”一尾及時右手反手持刀一檔...成個人就向後一彈...

綽姿趁住一尾有空檔...立即由下至上...由右至左抽刀一斬...

“嗡!吱!!!”一尾又及時左手持刀一檔...成個人就向住空中飛上去...

我同綽姿立即向住一尾一跳...追上去...

“嗡嗡!吱!嗡!吱!嗡嗡嗡!吱!”喺空中...塌下嘅天花碎石與灰塵之間...我同綽姿追住一尾又斬又砍...

一尾亦都好快手咁左手持刀一擋...換右手持刀一擋...再換左手反手持刀擋...

滴水不漏...一尾完美咁化解我同綽姿嘅攻勢...

然後...我就感覺到...後下方...片翼嘅氣息...

我立即凌空轉身...以紅光刀刃擺出防禦姿勢嘅一剎那...

“嗡!吱!!!”片翼已經飛到嚟我面前...向我使出一閃...

以長長嘅極刺眼紅光刀刃使出嘅一閃...力量係幾何級咁上...

我成個人就向後飛...同時要立即轉身...

因為...因為我正向住身後嘅一尾飛埋去...

一尾左手持刀...已經準備好...一刀砍埋嚟...

“嗡!吱!!!”我勉強轉得切身...以紅光刀刃一擋...

但一尾嘅能量之大...我又成個人被彈到向後飛...

就喺快要同綽姿擦身而過之時...我捉住綽姿隻手...

我同綽姿就借助衝力...旋轉...加速...再各自飛向片翼同一尾...

“嗡嗡!吱!嗡嗡!吱!嗡嗡嗡!吱!”我向住片翼連環揮刀又斬又砍...

紅光刀影就喺石屎碎塊同灰塵之間閃過不停...擦出大量紅色粒子...

當片翼搵到塊天花碎塊做落腳點之時...

「哼...」片翼橫刀一揮...

“嗡!吱!!!”我以紅光刀刃一擋...再次被震到向後飛...

同時...綽姿亦以紅光刀刃擋住一尾直斬...被震到向後飛開...

我同綽姿就喺空中轉住身咁擦身而過...再次互換對手...

“嗡!吱!嗡嗡!吱!嗡!吱!嗡嗡嗡!吱!”

我同綽姿就喺天花碎塊石屎灰塵之間...好似波子機咁彈嚟彈去...互換對手...

我一刀將天花碎塊斬開嘅同時...直斬向一尾...

“嗡!吱!嗡嗡!”一尾右手持刀一擋...緊接住左手反手持刀...順勢向我轉身片兩刀...

我以紅光刀刃及時招架...再向一尾揮兩刀...

一尾一擋...再向後避...踩住身後嘅天花碎塊用力一跳...左手持刀之下...向住我飛埋嚟埋嚟使出一閃...

“嗡!吱!!!”我雙手手持精神刀...用盡全力以紅光刀刃擋住一尾嘅一閃...

大量紅色粒子就由紅光刀刃與極刺眼紅光刀刃之間擦出...

我一直被一尾壓住向後飛...

而身後嘅綽姿亦都係一樣...被片翼壓住咁向後飛緊埋嚟...

當我同綽姿背對背咁撞埋一齊之時...一尾同片翼亦同時喺我哋身邊擦過...

一尾同片翼喺唔同角度...唔同方向...踩住天花碎塊...向住同一個位置...我同綽姿身處嘅位置一跳...以居合拔刀姿勢直飛埋嚟...

“嗡嗡!吱!!!”我同綽姿以紅光刀刃分別擋住片翼同一尾嘅一閃...佢哋兩個又飛去唔同方向...喺唔同嘅角度踩住天花碎塊...再次向住同一個位置...我同綽姿身處嘅位置一跳...以居合拔刀姿勢直飛埋嚟...

“嗡嗡!吱!嗡嗡!吱!嗡嗡!吱!”我同綽姿就喺凌空背對背...不停以紅光刀刃分別擋住片翼同一尾嘅一閃...

幾條柱被佢哋踩斷...

頭上嘅天花持續塌下...成棟危樓都開始倒塌...

兩個黑影就帶住紅光...喺塌下嘅石屎碎石與灰塵之間閃嚟閃去...

好快速...又好強大嘅能量...淨係擋都擋到手震...

唔得...唔可以淨係擋...唔可以捱打...一定要反擊...

“嗡嗡!吱!嗡嗡!吱!嗡嗡!吱!”我同綽姿邊擋邊轉...背對背貼實嚟轉...

然後當我哋再各自同時擋住片翼同一尾嘅一閃之時...就喺紅光刀刃與極刺眼紅光刀刃相格嘅一瞬間...喺反作用力之下...我同綽姿背對背一彈...

我貼住片翼嚟斬...同時...綽姿亦貼住一尾嚟斬...

“嗡!吱!嗡!嗡嗡!吱!嗡嗡!吱!”一斬一砍...再斬再砍...連環斬砍...片翼左閃右避...再以長長嘅極刺眼紅光刀刃招架...

滴水不漏...又係滴水不漏嘅防禦...

當我嘅衝力開始減弱...同時片翼亦剛好踩住背後碌崩塌緊嘅柱之時...

「哼...」片翼睇準機會...向我橫刀一揮...

“嗡!吱!!!”我及時以紅光刀刃擋住...同時向後上方彈開...

我一路背向後上方飛...一路轉身向頭上揮刀...

“嗡嗡!嗡嗡嗡!”將喺頭上塌緊落嚟嘅天花碎塊斬到化成飛灰...

然後我同綽姿再次背對背相撞...立即貼住背咁旋轉一周半...再一彈...

“嗡嗡嗡!嗡嗡!”我一邊飛向一尾...一邊揮動精神刀...將天花碎塊斬到化成飛灰...

一尾亦左手持刀...準備向我大刀一砍...

“嗡!吱!!!嗡嗡嗡!吱!”當紅光刀刃與極刺眼紅光刀刃相碰...擦出大量紅色粒子之時...我再立即揮幾刀...

一尾左擋右格...左閃右避...反擊再反擊...

刀來刀往...紅光刀影就喺灰塵之中閃過不停...

一尾一邊喺塌下嘅天花碎塊之間跳嚟跳去...一邊招架住我嘅攻擊...

“轟!轟!”就喺一碌柱從天直插...將我同一尾分隔開之時...

“嗡嗡嗡!嗡!”柱被幾條紅光刀氣斬開...幾條紅光刀氣亦撲向我面前...

我立即舉刀擋擋擋...

“吱!吱!吱吱!”當我將一條又一條紅光刀氣化解後...一尾已經閃到嚟我面前...

「哼~」一尾左手持刀...向我橫刀一閃...

“嗡!吱!!!”我以紅光刀刃擋住一尾嘅橫刀一閃...同時成個人被震到向後飛...

極速向後飛...背脊撞碎塌下緊嘅天花碎塊...

一塊又一塊...撞碎三四塊後...我感覺到綽姿嘅氣息...喺我背後...越嚟越接近...

當我同綽姿差唔多再次相遇之時...我哋一手捉實對方隻手...同時旋轉...

不停旋轉...好似爆旋陀螺咁...不停旋轉...同時揮動精神刀...

“嗡嗡嗡!嗡嗡!嗡嗡嗡嗡!”無數咁多道紅光刀氣向住四周揮出...

一道又一道紅光刀氣將灰塵斬開...將天花碎塊斬得更碎...

然後...然後我感覺到...一尾同片翼嘅息氣...衝緊埋嚟...

一尾同片翼迎刀氣而解...飛到嚟我同綽姿面前...

“嗡嗡!吱!嗡!嗡嗡!吱!嗡嗡嗡!吱!”一尾同片翼同時向住我哋呢個爆旋陀螺揮刀攻擊...

我同綽姿亦不停揮刀斬...砍...擋格再反斬...

但唔使幾耐...我同綽姿都被一尾同片翼嘅攻擊整停...

“嗡!吱!!!”片翼以長長嘅刺眼紅光刀刃格住我手上嘅紅光刀刃...再一手捉住我袍領...向後一拋...

『嗚...』我成個人就飛出倒塌緊嘅危樓外...

我跌返落馬路...碌咗幾圈...再一刀插落地...向後滑行多兩步先停低...

“轟轟!轟隆!”望住倒塌緊嘅危樓...灰塵之中...片翼嘅氣息...衝緊埋嚟...