“轟轟隆!”喺成棟倒塌緊嘅危樓之中...

“嗡嗡!吱!嗡!吱!嗡嗡!吱!”

我一邊踩住倒塌緊嘅天花碎塊...屎石...

“嗡!吱!嗡嗡!嗡!吱!嗡嗡!吱!”

一邊倒轉住咁同片翼又斬又砍...再斬再砍...反斬又反砍...



每碰撞一刀...每相格一刀...片翼手上嘅極刺眼紅光刀刃都會變弱...被深淵一樣黑嘅黑色刀刃扭曲...

而片翼都好快手...喺紅光刀刃被扭曲...能量快要消失之前...立即再斬再砍再擋再轉身反斬...

盡最快速度...喺紅光刀刃被深淵一樣黑嘅黑色刀刃扭曲之前...能量被扭曲之前...

“轟轟!轟隆隆!”就喺成棟危樓差唔多完全倒塌...再冇天花碎塊塌下...快要見到夜空明月之時...

我同片翼同時向後一跳...拉開距離...



當我哋都跳到去身後...踩住仲喺空中嘅石屎碎塊...然後立即全力一跳...

向住對方飛埋去之時...同時立即凌空轉身三百六十度...向住對方使出Rider Kick...

喺兩隻腳越嚟越近...踢開空氣中嘅灰塵...踢碎空中嘅石屎碎塊...雙擦...越嚟越近...越嚟越近...片翼隻腳...

片翼隻腳比較長...首先踩中我個肚...然後接二連三咁轉身踩踩...踢踢踢踢...

我成個人就俾片翼又踩又踢咁向後飛...



「哼...」片翼再一個轉身三百六十度飛踢...

我成個人就凌空三百六轉體三周半咁飛向大廈牆身...

“轟!”我背脊一撞埋大廈...立即右手爪住牆身...

同時...片翼踩住喺空中嘅屎石碎磈...向我隔空大刀一揮...

“嗡!!!!!!”無數咁多條刺眼嘅紅光刀氣就迎面撲埋嚟...

我單手持刀...立即擺出防禦姿態一擋...

“吱!!!轟隆!!!”部份紅光刀氣被我手中嘅黑色刀刃扭曲...化解...同時亦有大量紅光刀氣將我身旁塊牆斬出一條條...一條又一條...無數咁多條刀痕...

就喺牆身快要被紅光刀氣斬到粉碎之時...我立即踩住身後嘅牆身碎塊...向住片翼一跳...



片翼亦向住我一跳...同時揮刀...

“嗡!吱!嗡嗡!吱!”黑色刀刃與極刺眼紅光刀刃相格...相格...再相格...

我同片翼就喺空中互斬幾刀...相格...彈開...再飛近對方...再互斬幾刀...相格...

黑色刀刃與極刺眼紅光刀刃不停相格...相碰...喺紅光能量未被扭曲之前...片翼立即彈開...

轉住圈咁...彈開唔夠兩三個身位...又再黐返埋嚟斬幾刀...

不停又不停...一邊轉...一邊揮刀砍斬...相格彈開...再轉住圈咁靠近...你斬我擋再反斬...

“嗡嗡!吱!!!嗡!吱!!!嗡嗡!”越嚟越高...我同片翼越飛越高...



一刀接一刀...喺空中同片翼互有攻守咁越飛越高...

有明月做背景之下...兩個黑色身影快速揮動精神刀...

長長嘅極刺眼紅光刀影...與深淵一樣黑嘅黑色刀影閃過不停...

我快速揮兩刀再向上一飛...由高空向住片翼飛落去...立即揮兩刀...

“嗡嗡!吱!”片翼以長長嘅極刺眼紅光刀刃一擋再擋後...我向下飛...

片翼一轉身...立即向住我遠距離揮刀...

“嗡嗡嗡嗡!”十幾道紅光刀氣就追落嚟...

我一邊轉住身咁向下俯衝...一邊避開紅光刀氣...



幾條紅光刀氣由身邊擦過...同時我再揮刀...以黑色刀刃化解紅光刀氣...

與此同時...片翼亦俯衝落嚟...向我拔刀一閃...

“嗡!吱!!!嗡嗡!”我以黑色刀刃一擋...片翼立即向我揮多兩刀...

我同片翼就一邊向下俯衝...一邊一斬一擋...再砍兩刀...再擋再反斬...

擋住片翼兩刀後...我立即向上一彈...再轉住身咁斬...

“嗡嗡嗡!吱!嗡嗡!吱!”我就成個爆旋陀螺咁自轉斬...片翼一擋...再擋...再反斬我兩刀...

我轉住身咁再飛高啲...雙手持刀...向住片翼直砍落去...



片翼反刀一擋...喺極刺眼紅光刀刃未被扭曲之前...立即向我揮兩刀...

我轉身一擋...再反斬兩刀...

片翼反刀一擋...再正手一擋...反斬我三刀...

我左擋兩刀...右格一刀...再反斬兩刀...

“嗡!吱!嗡嗡嗡!吱!嗡!吱!”我同片翼就喺空中你斬我擋...彈嚟彈去...急速向下墜...

就喺我再次以高處衝向片翼連斬兩刀...

片翼正手一擋...再反刀一格...立即順勢轉身一踢...踢正我個頭...

“飃!”我成個人就由半空中直墜落地...

“轟隆!”成塊地面俾我撞到裂開晒...成個蜘蛛網咁...

我企返起身...抬頭望上夜空...望住一點閃亮嘅紅光...片翼嘅氣息...正向住我極速衝緊落嚟...

我立即緊握精神刀...然後向夜空一揮...

“嗡!”我本來想揮出一道刀氣...斬向喺空中俯衝落嚟嘅片翼...卻喺我揮刀之時...不但冇刀氣揮出...而係俾我斬出一條...長長...黑色...深淵一樣黑嘅...刀痕...

長長...深淵一樣黑嘅刀痕...就喺我頭上...就好似...被我斬開...空間被我斬開...留下深淵一樣黑嘅刀痕...喺空間之中...

片翼雙手持刀...差唔多俯衝到落嚟之時...

“嗡!吱!!!”片翼向住掛喺空間之中...深淵一樣黑嘅刀痕一斬...

深淵一樣黑嘅刀痕將片翼嘅極刺眼紅光刀刃擋住...

極刺眼紅光刀刃開始扭曲...紅光能量開始扭曲...被深淵一樣黑嘅刀痕扭曲...扭曲...

片翼立即切斷能量...極刺眼紅光刀刃消失嘅一瞬間...片翼向我胸口一踩...再向後凌空三百六十度轉身落地...

我被片翼踩到向後退幾步...再站穩陣腳...

喺被四周火光與濃煙包圍之下...我同片翼都望住喺我哋面前...掛喺空間之中...深淵一樣黑嘅刀痕...慢慢咁收窄...收窄...收窄...合返埋...

被斬開嘅空間合返埋...不留痕跡...好似從來都冇被斬開過...

點解會咁...頭先...我係點樣做到...將空間斬開...斬出一條空間裂縫...

好奇怪...連我自己都...都唔知點解...

片翼身上嘅紅光一閃...一閃...氣息時強時弱...

除咗片翼嘅氣息...我仲感覺到喺遠處嘅綽姿...同一尾交戰緊嘅氣息...

雖然好遠...但我就可以好清楚咁感覺得到...一尾極強大且霸道嘅氣息...同綽姿時強時弱嘅氣息...

冇錯...唔止係片翼...就連綽姿嘅氣息...都係時強時弱...

之但係...又無阻綽姿同一尾嘅激戰...

喺呢個距離...可以好清楚...感覺到綽姿同一尾嘅氣息相撞...相碰...並唔係一面倒...

雖然一尾Keep住極強大且霸道嘅氣息作戰...但就冇壓倒性嘅優勢...

只可以話係...五五開...

點解會咁㗎呢?等我仲一直擔心...擔心綽姿會唔夠一尾打...

之但係而家離遠咁感覺住...感覺住佢哋交戰嘅氣息...

冇錯...離得好遠...好遠...點解我都可以感覺到...

一直都感覺到...自我全身好似黑化咗咁之後...就一直都可以感覺住片翼嘅氣息...離遠咁感覺住綽姿同一尾嘅氣息...

以而家呢個咁遠嘅距離...應該感覺唔到綽姿嘅氣息...更加冇可能感覺到一尾嘅氣息...

一尾...佢控制氣息嘅能力...一定比片翼更強...

喺咁遠嘅距離...又點會...俾我感覺到...就算係極速移動...移動得再遠啲...距離越嚟越遠...都可以好清楚咁...感覺到...佢哋嘅方向...位置...

點會咁...點解會...

片翼以反刀防禦姿勢...提高戒備...

我亦雙手持刀...全神貫注咁望住片翼...

望住片翼手中...長長嘅極刺眼紅光刀刃...一閃...一閃...

片翼踏前一步...突然...左右兩邊嘅火焰被推開似的...紅光一閃之下...片翼已經嚟到我面前...

好快...快到肉眼睇唔到...但感覺到...感覺到片翼嘅氣息...

片翼反刀一抽...長長嘅極刺眼紅光刀刃由下至上...由左至右...斬開地面...斬上嚟...

我正想反刀一擋之時...片翼極速轉身...

喺迅雷不及掩耳嘅神速之下...片翼繞到去我背後...

好快...極快...就算提升咗視力...用肉眼都係睇唔切...不過就好清楚咁感覺到...氣息...

片翼繞到去我背後嘅一瞬間...同時轉身抽刀...

喺能量水平處於頂點嘅刀刃...快要抽到去我背脊之時...我揮兩揮手中嘅精神刀...將黑色刀刃揮到去背後一擋...

“嗡!!!吱!!!”黑色刀刃與極刺眼紅光刀刃相格...同時...紅光刀刃被扭曲...

片翼立即拉開距離...我亦一邊揮動精神刀...一邊轉身...

黑色刀影左舞右舞後...我立即貼近片翼...左斬一刀...接住右抽一刀...

“嗡!嗡!”片翼左閃右避...同時...空間俾我斬開一條又一條刀痕...

黑色...深淵一樣黑嘅刀痕...停留喺空間之中...空間嘅裂縫...

空間嘅裂縫存在喺一瞬間...然後又慢慢咁收窄...收窄...收窄...合返埋...

片翼一避...再避...就只有避...閃...閃避我嘅橫斬直砍...並冇打算要用刀刃格架...

“嗡!嗡嗡!嗡嗡嗡!嗡嗡!”空間不停被我斬出一條又一條裂縫...同時又慢慢咁收窄...收窄...收窄...合返埋...

片翼巧妙咁一閃一避...再閃再避...閃避咗我十幾刀後...

就喺我迴身一斬...

“嗡!!!”將空間橫斬出一條長長...又闊一闊嘅空間裂縫之時...片翼跳上空中一避...

片翼避開咗我連空間都斬得開嘅迴身斬後...雙手持刀...凌空前空翻...向我兜頭直砍...

我抬頭望住...能量水平喺頂點...長長嘅極刺眼紅光刀刃...直砍落嚟...快要砍到我頭上之時...

“嗡!吱!!!”我頭上突然出現深淵一樣黑嘅黑洞...

再次出現...深淵一樣黑嘅黑洞...將長長嘅極刺眼紅光刀刃...擋住...