《香港傭兵》: [Day 24－三合成立] PART 41
長長嘅極刺眼紅光刀刃...開始被深淵一樣黑嘅黑洞扭曲...
片翼向上一彈...喺空中後空翻...同時揮動精神刀...
長長嘅極刺眼紅光刀刃就喺空中舞動舞動...紅光刀影閃過不停...
同時...紅光刀氣由長長嘅極刺眼紅光刀刃飛出...
“嗡嗡！嗡嗡嗡！”無數咁多道紅光刀氣就由空中飛埋嚟...
向住我迎面以嚟嘅紅光刀氣...被我頭上嘅黑洞扭曲...扭曲...扭曲至完全消失...
而其餘無數咁多道紅光刀氣就喺身邊...四周...斬落地面...
“轟轟！轟隆隆！轟轟隆隆！”地面被無數咁多道紅光刀氣斬到一條條刀痕...斬裂...斬爛...塵土飛揚...
我被塵土包圍下...紅光刀氣不停由空中飛落嚟...劃破灰塵...斬落地面...被我頭上嘅黑洞扭曲...扭曲...扭曲至完全消失...
除咗我企緊嘅位置...我身邊嘅地面...全完被紅光刀氣斬到爛晒...碎晒...穿咗個大窿...
就喺最後一道紅光刀氣斬落地面嘅一瞬間...我立即向住空中...片翼嘅氣息一跳...
瞬間就俾我跳到嚟片翼面前...
我立即抽刀一斬...再全力揮刀一斬...
“嗡！嗡！吱！！！”片翼單手持刀一擋...再雙手反刀一擋...成個人就向後飛開...飛向大廈牆身...
“轟！轟隆！轟轟隆隆！”片翼撞穿大廈牆身...再撞穿地板...再撞穿牆身...地板地板牆身地板...牆身...一手抓住地面...向後滑行數米...
我立即由空中直飛向大廈牆身上嘅大窿...再穿過地板上嘅大窿...再穿過牆身...地板地板牆身地板...牆身上嘅大窿...
我三百六十度轉體兩周...向住片翼一刀斬埋去...
“嗡！吱！嗡嗡！吱！”片翼以長長嘅極刺眼紅光刀刃一擋...再擋...反斬我一刀...
我反刀一擋...再順勢轉身一斬...
片翼亦反刀一擋...順勢一腳踢落我個肚...
我成個人就向後飛開...飛向遠處...焚燒緊嘅廢棄貨車之中...
“轟隆！”成架焚燒緊嘅廢棄貨車就被我撞穿咗個大窿...火焰四散...
又俾片翼踢中...呢啲就係腳長嘅優勢？
被火海包圍之下嘅我...向四周揮兩刀...
“嗡！嗡！”空間被我斬出長長嘅裂縫...
喺裂縫旁邊燃燒緊嘅火焰...被深淵一樣黑嘅裂縫扭曲...扭曲...
呢兩刀型就型喇...不過效果就...欠奉...
唔緊要啦...正所謂勁係一時...型先係一世㗎嘛...
而片翼...仲喺前面...遠處...
我仲感覺到佢嘅氣息...一閃...一閃...時強...時弱...
做咩...做咩唔攻過嚟？而家係敵不動...我不動？
點都好...總之就係好難對付...
縱使片翼嘅氣息時強時弱...我都係捉唔到...捉唔到喺佢氣息最弱之時...向佢施予致命一擊...
唔係...就連只想喺佢氣息最弱之時...傷到佢都難...
實戰起上嚟...真係唔係紙上談兵...
我要再把握...趁仲有機會...把握機會...搵出破綻...
再強嘅防禦...只要攻佢一百次...一千次...一萬次...一百萬次...總有一次...露出破綻...
好...攻...
我踏前一步...立即衝出火海...
“飃！”四周嘅火焰都被我嘅衝擊吹到散開晒...
一瞬間...已經俾我跑到嚟片翼面前...
片翼雙手持刀...紮穩馬步...以反刀防禦姿勢對住我...
我一衝到嚟片翼面前...立即橫刀一斬...
“嗡！吱！！！”片翼立即反刀一擋...大量紅色粒子噴出...
唔止紅色...喺紅色粒子之中...好似仲夾雜住...夾雜住一兩粒...綠...綠色...
大量紅色粒子噴出後...開始被深淵一樣黑嘅黑色刀刃所吸引...吸埋去...
長長嘅極刺眼紅光刀刃亦開始扭曲...扭曲...
當有一兩粒...好似...好似有一兩粒綠色...吸入...黑色刀身...
“砰！”一度極大嘅衝擊力由我手上深淵一樣黑嘅黑色刀刃...與長長嘅極刺眼紅光刀刃之間產生出嚟...
我同片翼立即被震開...後退幾步再幾步...用力向後一踩...踩到地面都裂開先企得穩...
頭先嗰道衝擊力...點會咁大...
好突然...好唔同...同片翼交戰咗咁耐...第一次...咁突然...
片翼離遠企定定...雙手緊握精神刀...長長嘅紅光刀刃就一閃...一閃...就連身上嘅氣息都跟住刀刃上嘅紅光...一閃...一閃...
一強...一弱...一弱...一強...
片翼身上嘅氣息...唔止時強時弱...弱嘅時間仲長咗...
係機會...進攻片翼嘅好時機...真係？
看似真係...但唔知點解...我全身上上下下內內外外...好似郁唔到...
只係識得擺出防禦姿勢...
我嘅身體...就好似話緊俾我自己聽...好危險...而家進攻會好危險...
而家嘅片翼...甚至係嚟緊嘅片翼...會比起頭先...更危險...
點解會咁...點解會有呢種危機感...
眼前嘅片翼...明明就好似比先前弱...就連氣息都比先前不穩...應該係機會先係...
之但係...唔得...完全控制唔到...做唔到進攻動作...
片翼嘅氣息...仲係一閃...一閃...時強...時弱...再弱...
我都仲係...郁唔到...就只有...企定定...擺出防禦姿勢...
就喺片翼氣息最強之時...突然...佢踏前一步...
“飃！”兩旁嘅雜物...廢車...火焰被片翼極速奔跑所產生嘅跑風推開...喺一瞬間...片翼已經跑到嚟我面前...
片翼反刀一抽...
“嗡！吱！！！”我都反刀一擋...喺紅光刀刃被黑色刀刃扭曲嘅一瞬間...極強大嘅衝擊力將我推開...
我後退兩步...片翼已經追埋嚟...貼住我身...高速揮動精神刀...
“嗡嗡！嗡！吱！”我一避...再避...以黑色刀刃一擋...喺片翼嘅氣息最弱之時...擋住佢嘅橫一文字斬...
只係擋住嘅一瞬間...喺紅光刀刃都未開始扭曲...我又被極強大嘅衝擊力推開...後退兩步...
果然...果然喺片翼嘅氣息最弱之時...我都擋唔住...
唔係...唔係...所謂嘅最弱...一啲都唔弱...
氣息雖然弱...但所發出嘅能量...好強...比之前更加強...唔係...都唔係...
唔似係強弱嘅問題...係...好似有另一種...另一種...另一種能量...
“嗡嗡！吱！！！嗡！吱！！！嗡嗡嗡！吱！！！”片翼一直追住我...貼住我又斬又砍又迴身斬再駁袈裟斬...
喺片翼氣息最強之時...就算俾我擋到...我都要退後兩步...而喺佢氣息最弱之時...就算俾我擋到...我都後退得更遠...
“嗡！吱！！！嗡嗡！吱！！！”而且喺黑色刀刃與長長嘅紅光刀刃擦出紅色粒子嘅同時...喺紅色粒子之間...
唔止...唔止喺擦出嘅紅色粒子之間...就連片翼身上...都好似有...好似有綠色...一兩點...綠色...
片翼反刀一抽...趁住我黑色刀刃一格...震開之時...佢再反刀一抽...紅光刀刃斬向我腰間...
“嗡！吱！！！”喺我腰間突然展開深淵一樣黑嘅黑洞...擋住長長嘅紅光刀刃...
喺紅光刀刃仲未扭曲之前...我成個人就被強大嘅衝擊力向後上方一飛...
“轟！”我背脊一撞...撞向朗豪坊牆身...再向上鏟...鏟到上酒店玻璃幕牆...
我一路向上鏟...幾層玻璃幕牆被我鏟碎嘅同時...片翼亦跑上朗豪坊外牆...跳過粉碎嘅玻璃幕牆...直追上嚟...
我一邊擺出防禦姿勢...準備迎擊迎面衝緊上嚟嘅片翼...一邊背住咁向上急步後退...
片翼一追到上嚟...隨即左抽一刀...右抽一刀...
“嗡嗡！吱！”長長嘅紅光刀刃將腳下嘅玻璃幕牆斬出一個V字嘅同時...我都以黑色刀刃擋兩刀...
片翼一路追上嚟向我揮刀...
我一路急步向後退...擋幾刀...又被極強大嘅衝擊力推後幾步...
唔可以再俾片翼撳住嚟打...要反擊...要嘗試借助衝擊力...
就喺片翼雙手持刀...一個袈裟斬斬落嚟之時...
“嗡！吱！！！”我反刀一擋...立即再順勢轉身...將大半嘅衝擊轉返去片翼嗰邊...再用力向後一揮...
片翼一個凌空轉身三百六十度跳到我身後...遠遠嘅上方...企穩喺玻璃幕牆外...
“轟轟！轟隆！”突然...酒店頂層打斜咁斷開...冧緊落嚟...
片翼轉身...雙手持刀...向住冧緊落嚟嘅酒店頂層一跳...同時揮動精神刀...
“嗡嗡！”長長嘅紅光刀影劃過冧緊落嚟嘅酒店頂層嘅同時...片翼亦飛咗入去...
大量玻璃碎塊...石屎碎塊...連同大量灰塵迎面撲落嚟...
我雙手持刀...用力向上一跳...
喺腳下嘅玻璃幕牆粉碎之時...我亦跳到入酒店碎塊與灰塵之中...揮動手中嘅精神刀...
“嗡嗡！嗡！”黑色刀刃將大大塊玻璃碎塊...石屎碎塊斬開...斬開...連同灰塵斬開...
片翼嘅氣息...好似殞石咁...由灰塵之間直衝落嚟...
“嗡！”面前一大塊石屎牆身被紅光刀影一刀斬開之後...片翼直斬落嚟...
我立即踩住下墜緊嘅大大塊石屎牆身...反刀一抽...黑色刀刃就由下至上...由右至左斬上去...
“嗡！吱！！！”黑色刀刃與長長嘅紅光刀刃相碰之時...產生出強大嘅衝擊力...我就順勢將片翼彈起...
片翼立即踩住喺我頭上塊大大塊石屎牆身...倒轉咁同我對戰...
大量玻璃碎塊...石屎碎塊...連同大量灰塵一直向下墜落...
我同片翼就巴黎鐵塔反轉再反轉咁...你斬我擋...我斬你擋...轉身再斬再擋再反斬...
“嗡嗡嗡！吱！！！嗡！吱！！！嗡嗡！”黑色刀刃與長長嘅紅光刀刃每相碰一下...都會產生出大量衝擊力...
我要用盡力氣...先擋得住...企得穩...
而喺片翼手上...紅光刀刃...擦出紅色粒子之時...好似...夾雜住幾粒...又幾粒...綠色粒子...
唔止喺紅光刀刃...就連喺片翼身上...都好似有幾粒...又有幾粒...綠色粒子...
總係好似見到...有綠色粒子...夾雜喺紅色粒子之中...
而且仲好似...越嚟越多...越嚟越密...