[讓謊言與虛偽堆砌成我們的最後樂土]《終末後．新世界》: 11-探索

午飯過後，我們回來到商場三樓內。
「成間商場都咁靜……真係好詭異……」學生女說。
「啱啊……」我回應，又說：「我地去邊度搵物資先？」
「冇啦，要多嘢一定係去惠康㗎啦。」阿俊說畢，已經去到不遠處惠康的門前。
「食物、日用品、武器……盡量搵齊呢啲嘢。」男子在旁邊說。
阿俊說：「武器等陣你地可以去五金舖搵。我同阿和已經有把電鋸。」
就算現在的情況很特殊，我依然覺得阿俊帶把電鋸出外到處走，是個很奇葩的行為。
「我啱先見到……你地好顛……」男子少有地吐槽。
我們四個人進入惠康，各種的冷藏食品、新鮮食品、包裝食物擺放在我們眼前。
「阿和你識唔識煮餸？」阿俊突然說。




「識……識少少。」我答。
「我地攞啲新鮮料返去煮你點話？」阿俊提議：「有新鮮食咗新鮮先啊嘛。睇而家咁款啲食物遲早擺壞……以後應該冇新鮮食物食。」
「但係去邊煮？」我問。阿俊答：「我屋企咪得囉。」
阿俊才中四但已經自己搬出去住，每個租是由他很富有的爺爺付的，那個單位很寬敞舒適，我曾經上過他家幾次。
「好啊。」我答應。
「阿欣都未識煮餸……」男子突然喃喃自語。
應該就是稱為阿欣的學生女聽到男子的話，瞬間怒目。斥：「你係咪想死啊？講啊！」
阿欣舉起手刀向著男子的頸，男子急忙道歉：「Sorry囉……我講下姐。唔好嬲啦。」
「咩叫『Sorry囉』啊？吓？」阿欣暴露自己兇殘的一面。
「女人變面仲快過人類*家死哂。」阿俊細聲吐槽道。




「收句聲啦你係咪想死啊……」我也細聲地回應阿俊。
「阿和，你去攞部購物車嚟。我地帶少少新鮮食物、同大量包裝或者罐頭食物返去。」阿俊切換回正經的話題，說。