[讓謊言與虛偽堆砌成我們的最後樂土]《終末後．新世界》: 10-茶餐廳

「你老*啊……一個人都冇喊乜嘢餐？」一進到來茶餐廳，阿俊就在大嚷。
「既然冇人，我地入去廚房睇睇有咩食囉。」學生女說。我仔細地思考著學生女的說法是否合理，茶餐廳裡的確除了我們四個以外就沒有活人，但是仍然有很多死人就坐、或是躺在地上。他們還姑且算是「人」。
「你地聞唔到好香嘅味？好似有燒肉咁？」阿俊說。
「係喎」學生女答。
我們來到茶餐廳的廚房。
「嘩！*！條友塊面爛*哂！」阿俊一來就說髒話。
我們見到一名廚師一頭栽在一大盆油鍋中，香味正是從那裡傳來，是廚師被滾油炸熟過的味道。
「*……好拎核突。」我急忙移開眼線、嘗試屏住呼吸。學生女面露驚慌的神色，而男子則是沒有什麼表情。
「睇落嚟應該死咗一段時間……啲油似乎已經凍哂。」男子上前看，說。
「不如……換地方啦……」學生女說。




「等等飯煲有飯，飯煲仲保緊暖。」阿俊並沒有理會學生女的話揭起大飯煲，又說：「阿和！你睇睇下隔離個蒸爐有冇點心。」
幾分鐘後，我們四個人坐在商場附近的花園吃起自己配料的飯盒，除了要展示自己小鳥胃的學生女，只從7-11「拿」來了獨立包裝的小蛋糕當一餐。
「點解個油鍋熄咗火……但係飯煲蒸爐果啲就冇熄。」我提起剛才的事情。
「係囉……我又留意到條街啲人死之前好似好有意識咁停咗車。」男子說。
到底所有突如其來死亡的人，包括是剛才的廚師，是因為什麼原因而死亡的呢？
「我啱先其實check過啲屍體，完全搵唔到有傷口或者瘀傷。」男子又說：「都唔知點解無啦啦就死咁多人……」
「會唔會係病毒？」學生女說。
「病毒都冇可能同一時間殺死咁多人啦。」男子回應。
「同地震有關？」我說。
「我都係咁諗，但係又唔知啲人可以點樣因為地震而死。」男子回應：「又冇流血又冇俾瓦礫壓住。」




「真係煩死人……」學生女說。
阿俊這時說：「我地洗唔洗蓄定糧？我地如果真係少數能生存落嚟嘅人，就要諗辦法喺呢種已經變成死城的城市中繼續過日子。」
他果然是行動派的人，我點頭，男子也附和：「食飽之後就去搵物資，橫掂成個商場嘅人都已經死哂，就盡情偷。」
「呢種時候應該叫『物盡其用』。」阿俊更正道。