[讓謊言與虛偽堆砌成我們的最後樂土]《終末後．新世界》: 14-日落後

日落後，整個沙田漸漸被黑夜籠罩吞噬。
街燈和建築物的燈光也因為自動化的關係，即使很可能已經沒有人操作，還是照樣亮起來。
「『冇哂人』都仲開哂燈咁……真係好拎詭異……」阿俊望著亮起路燈的不遠處的河邊小徑說。
「啱啊……新城市成座嘢都燈火通明。」我朝反方向的沙田新城市廣場。
「就行下新城市？」阿俊提議。
「好啊，我都未行過『冇哂人』嘅新城市。」我附和道。
不久後，我們從近城門河的正門進入新城市廣場。在新城市廣場的地下層，堆滿屍體的「景況」讓我們猶豫不決地站在了入口。
「臭到PK……你老板……」阿俊嚷。
「*……行唔行好啊……」我納悶道。
阿俊這時從背囊又拿出那把笨重的木工電鋸，應道：「照行啦，死人又冇攻擊性……如果唔係喪屍嘅話。」




「*你咪立flag啦……」我吐槽道。
假如這些死人真的會變成喪屍，我們應該無路可逃了。
我們不知道是基於什麼心態，可能只是無聊想找地方逛，開始在這個屍體滿佈的商場裡到處去。
「我地唔係淨係嚟行㗎……順便搵搵物資啦。」阿俊提醒我。
「係喎！既然出到嚟咪先食埋個夜晚飯佢。」我也說。
阿俊貪玩地揮動手中的電鋸，問：「咁去邊食？」
「新城市好貴喎……食邊好呢……」我幾乎是反射動作般回答。
在察覺到晚飯已經沒有貴不貴的分別後，我又改說：「*……sor，改唔到口。就喺呢層食Pepper Lunch囉。」
「我仲諗緊你係咪傻*咗。」阿俊笑道：「Pepper Lunch就Pepper Lunch啦。」
我們兩人朝Pepper Lunch走過去。




「*……廚房都有屍體……臭到死。」阿俊第一時間走進餐廳廚房：「搵個角落快快手搞掂個鐵板落完料就出返去。」
「好，交俾我。」我已經開始從雪藏櫃找來食材：「阿俊幫手洗米煮飯。」
我們兩個各自為晚餐而忙起來。
十多分鐘後，Pepper Lunch的鐵板燒就整齊地放在我們兩個面前。
「有型有款喎。你條友咁識整嘢食嘅？仲豐富過平時食Pepper Lunch。」阿俊稱讚。
「平時Pepper Lunch落料少姐。我成日自己煮比自己食，煮煮下就識煮嘢點夾味。」我回應。(註：個人意見不代表本書立場)
「我連蕃茄薯仔都唔識煮，你可唔可以搵日教教我？」
「首先有芽嘅薯仔唔可以用嚟煮嘢……」我故意提起。
靜童的身影又出現在我的腦海裡……我這樣子提起根本是在自虐吧……
「我今日朝早都諗住嚟呢度行……但冇諗過會而家咁樣。」我說。




「我原本夠諗住打機hea一日。」阿俊也說。
吃著和往時不同的Pepper Lunch，我越吃越不是味兒。
在吃飽過後，我們又繼續開始在商場四處遊走、在晚上的新城市廣場展開未知的冒險。