[讓謊言與虛偽堆砌成我們的最後樂土]《終末後．新世界》: 31-入侵

「你地喺沙田廣場近新城市嘅入口等住一陣先。」電話另一頭紫宜在說。
我和阿俊兩個已經來到她提及的地方。前面不遠處就是新城市廣場的範圍，也是我們需要潛入的地方。
「我而家指揮阿欣阿慈佢地幫你地手引開議會班人。」紫宜又說。
「小心。」我跟紫宜說，其實是對阿欣阿慈他們說。
「阿兒佢會保住你地，但係你地行動要快，盡快搵完想要嘅就走。」紫宜說完，我們向身後望過去，阿兒就在附近某處朝我們揮手過來。
「我硬係覺得佢似係會暗算我地兩個多啲……」阿俊在吐槽著。
「唔知點解我駁唔到你……有啲認同。」我也說。
有個人總是在自己背後用狙擊槍瞄準著不知道哪裡，任誰也應該會感到不安吧。
「聽我數一二三就可以衝入去……嚟……」紫宜開始指示我們展開行動：「一……二……三！」
「頂硬上！」阿俊朝新城市廣場衝過去，我也拼命地跟了上去。




寂靜的商場傳來無數猶如槍聲的巨響，室內的空間忽然被稀薄的煙霧包圍著。
被煙霧包圍的新城市廣場彷如某種仙境，是難得一見的景象。雖然現在根本不是應該欣賞這些東西的時候。
「應該會有啲煙散到去你地嗰頭，你地依家睇嘢冇困難啊嘛？」紫宜問。
「係煙霧彈啊？咁堅揪！」阿俊激動地喊道。
「我地呢邊仲OK。喂……*你，細聲啲啊！想死啊？」我跟紫宜說，又急忙喝止在吵鬧的那位危險人士。
「咁大煙個Smoke sensor可能會著……係咁灌水都可以令到議會班人手忙腳亂，正！」紫宜細聲地唸著。
「咁咪PK？我地都會濕哂㗎喎！」阿俊吐槽著。
「咁你地快啲入去地鐵站先啦！」紫宜說完，我們已經來到沙田地鐵站入口。
「等我搵下張八達通先……*……傻*咗。」阿俊自言自語地說。
「你同講『喺新城市食好貴』嗰條友咪又係一模*一樣！」我乘機吐槽。




就在一天前，有個人來到了已經沒有人的商場，說了句「喺新城市食好貴」的沒腦說話。
「一時間改唔到口啊嘛。」阿俊自辯道。
「咪抄我台詞！」我對他的回應表示抗議。
我們兩個從低下身來，以非法的方式過了地鐵站入閘位置。
「*唔*洗有罪惡感……呢啲大企業年年加價都冇諗過我地呢啲小市民嘅感受。」阿俊充滿怨念地說。我忍不住恥笑起來。
(註：個人意見不代表本書立場。怕港鐵見到這篇文不高興的話，待會又會剪短幾枝鋼筋、拆少幾粒螺絲帽)
「*……邊間房叫R103啊？地鐵有呢種房間編號嘅咩？」來到地鐵站站內，我開始尋找我們需要探索的房間R103。
「阿和，你入去客務中心先。」紫宜指示我。我望向客務中心。
「去嗰度做咩先？」我疑惑不解地問著紫宜。
「你去偷啲地鐵員工嘅Staff card。」紫宜解釋。




「*……紫宜話要偷屍嘅嘢……要偷地鐵員工嘅Staff card啊！。」我說著，然後和阿俊就去完成這項厭惡性工作。
「*仲要幫條屍調轉個身先拎到呢張臭card。」阿俊手上拿著地鐵職員證。
「條屍已經爛得好緊要……真係……好*恐怖。」我不爽地說。
「你地兩個搵唔到近Toilet嘅一間房、左或者右手邊有個俾卡拍嘅房啊？」紫宜問。
「點解啲機密嘢會收埋喺地鐵站入面㗎……」阿俊一直在各種的吐槽。
我和阿俊望向洗手間的方向，那裡有一個應該是用鋼做的門，一旁的確有位置可以拍卡的。
「見到，我地要入去啦！」我通知紫宜。
「唔好留太多，有咩事要即刻同我講。」比我們年紀要少很多的紫宜向我們吩咐著。
「好，咁我地去啦。」我說。
說罷，我和阿俊來到門前。我準備拍卡。
「唔知道入面有啲咩呢？」阿俊問。
「喂喂咪講啲好似拍緊異世界動畫咁嘅對白……」我不禁吐槽著。但其實我很能夠明白阿俊的心情，因為我此刻也是同樣的緊張。
這時拍卡的時候發出的「嗶嗶」聲把繃緊的我倆嚇著。我嘗試冷靜下來，再輕輕推開門來，發現門的裡頭是一個大倉庫。