靈界事務所: 個案一 (1): 事務所「財困」了？

個案一（1）：事務所「財困」了？


「歡迎你回來啊！社長哥哥！」妮可衝上前熱情地抱著宇恆大腿，宇恆來不及反應。「回魂儀式順利嗎？我諗應該OK啦！」阿細摸著鬍子上下打量著。「我地無時間係度閒聊，所有職員集合開會。」利映拉著宇恆進入了會議室。

「喂！我好攰呀！有咩等我瞓醒先再傾啦。」宇恆一臉不耐煩。「你可以遲但個客唔知等唔等到呢？」利映反問。「大佬，我咩都唔識，咩情況都未搞清楚，俾你地無端端咁拉入黎！」宇恆用力拍桌。利映見狀後沉默起來，心想：馬利亞，點解你要搵依個男仔做社長呢？妳到底幾時會返黎？

這刻，整個會議室鴉雀無聲。只見宇恆和利映椅背對椅背坐著。「黎啦喂！黎啦喂！快啲開會啦！」大力神推開門打破了沉默。「你地搞咩呀！發生咗咩事呀！」大力神搭著宇恆肩膀問。「無事，開會啦！」宇恆沉著氣，指示利映儘快開會。「人齊就開會啦！小雪，請妳準備好個案資料。」利映命令著。宇恆望望四周，除了因工作外出而缺席的約翰外，所有的成員都已經就坐。這個會議室的設計跟人界的大致相同，會議室的中心放著棕色的長圓桌，圓桌的前方掛著事務所的牌匾及前任社長的自畫像。職員按名牌就坐，中間象徵權力，放著「社長」的位置懸空了。利映坐在圓桌的左上方，名牌標上了「代理社長」一職。她的對面就是小雪，是「內務秘書」。宇恆坐在利映身旁，對面就是缺席的約翰，位置放著「副手」兩字。坐在宇恆右旁的是妮可，是「公關及聯絡」。妮可的對面是阿細，負責「人事及財務」。最後是大力神，坐在妮可身旁，負責「保安及雜務」。

「嗯……睇黎大家都到齊。原先計劃聽日開會但因為有一單大生意所以先召集大家」小雪分發著資料。「其實我覺得根本唔洗接依啲咁嘅生意，浪費時間。」利映看了看，把文件掉在桌上。「但副社長我地再唔接生意會無錢營運啊……」阿細不斷打算盤。「我地依家財政如何？」大力神問。「好緊啊！基本上我地啲開支要養住班細嘅，你知啦，無班細嘅我地點樣搞掂咁多野！」阿細對著大力神說。「可以係邊方面節省資源呢？」利映問。「基本上可以慳嘅已經慳哂啦……哎，以前社長係度佢可以燒啲元寶蠟燭香俾我地，依家無咗個陽界幫手，好多野都要靠自己了！」阿細搖搖頭。「似乎我地再係食用方面減啦……」「唔得！」大力神激動地回答：「我同班細嘅身材都咁大份，再減食嘅話連力氣都無啦！我地已經好慳架啦，我班手足仲可憐到係街度食其他靈體啲祭品渣！再減佢地真係會罷工架！」「早就叫大力哥哥你咪鬼養果班無用嘅廢柴啦！你睇我班姊妹，個個都有陽界啲人類養住，不愁衣食呀！」妮可調侃說。「梗係啦！養得你地啲鬼仔個個都達官貴人，你地唔愁衣食正常架！」大力神拍桌道。





一輪爭吵過後，大家都沉靜下來。「事務所上個月接咗幾多單生意？」宇恆問。「只有一單渣，果單只係捉普通靈體，所以得好少錢。」阿細翻開帳簿說。宇恆望望帳簿，只見每個月的收支只是剛好平衡，「我地事務所係陽界有無實體舖頭可以俾人睇到呢？」宇恆問。「無啊！自從前社長走咗之後，生意一落千丈，前社長人脈廣而且會主動推銷我地事務所，所以果時生意接到手軟……依家生意難做，好少人再搵我地捉妖魔鬼怪，社長又走咗，所以咪搞成咁囉！」阿細無奈地回答。

「咁你有咩好提議啊？實習社長」利映問。宇恆拿起桌上的文件，仔細閱讀著——委託人王小姐，28歲，家住白泥灣4號別墅，因家中物品不由自主的移動，因此需要除靈及「特別服務」。「咩係特別服務？」宇恆疑惑。「哥哥，特別服務係客人係收費接外嘅要求，前社長話想真係幫啲客人，所以加上個特別服務黎滿足佢地。當然要收好貴啦！」小雪解釋著。「咁佢要咩特別服務呢？」宇恆問。「客人想要過夜守衛。」小雪輕聲說。「唔好去！我地唔做依啲，太危險！」利映插話。「手頭上依單生意既然都搵上門，拒絕人都唔好意思嘅……而且個客話俾$100000我地做報酬，我地財政咁緊…...接啦。」，宇恆說。「佢開得依個價錢證明果啲靈體係好難搞得掂啦，我應承過馬利亞，我唔可以俾你地冒險。」利映堅持著。「代理社長我地今個月再推生意我地真係財困啦，就算危險點都好我地要頂硬上啦！」阿細緊張地說。「利映姐姐，接左我地起碼解決咗部分財困先…..我地其實可以安排一對職員完成委託，發生咩事起碼另一位可以走甩嗎！」小雪試著遊說著。利映明白點點頭：「既然實習社長咁想接，咁今次由你負責保護客人啦！」利映搭著宇恆肩膀。「做咪做！無事嘅！」就這樣，宇恆硬接了這個任務。