我竟然鍾意左...！？: 第十六章

落左街，咁啱就有架25m小巴落九龍城，坐喺小巴上最尾的那個單人座位，十分鐘既車程，不斷咁諗野，仲要諗左好多好多野，有唔開心既，亦有開心既。但最重要的是，我重複地問著自己同一個問題：

「我，真的喜歡上雯雯嗎？」我究竟是喜歡，還是單純的希望守護？

諗下諗下，不經不覺就要落車了，行到去九龍城廣場，我就whatsapp Samantha。

「Hi Samantha，我到左啦，你喺邊？」呢個時候，Samantha就好似啱啱咁樣秒回左我。

「我都到左啦，你個位置喺邊？」



「我企左喺Starbuck前面，你呢？」

Samantha睇左我既信息，但過左成分鐘，都係處於read既狀態，正當我想再send信息俾佢...

「Hi～啊明～咁啱既？」身後有人拍一拍我既膊頭。正當我以為係Samantha既時候，一轉身，眼前既係....雯雯！?

「點...點...點解你會係度既？雯雯？」一位，身穿黑色恤衫，恤衫入面再穿一件貼身白色T-shirt，再配一條短得很和淺藍色牛仔褲。再加上雯雯的身材，真係只可以用「完美」黎形容了。

呢個時候，又有多一個人拍一拍我膊頭。



「Hi，你就係阿明？」

會神過來，一轉身，又要再嚇多鑊啦！眼前既係一個約20歲，同樣身穿黑色格仔衫，但比雯雯那個款比較緊身一點，再配上一條長到膝頭上一點的純白色的裙子。身高目測165的她，配上這一身打扮，是一位充滿著文藝氣息的「文青」。

「你就係Samantha？」原來Samantha係一個大美人！點解啊天一早冇同我講啊...天啊！點解偏偏呢個時候先俾呢種福利我啊～

撞衫係女人既大忌，雖然雯雯同Samantha兩人穿起來的風格完全不同，但是，那又如何啊！咪又係同一件衫！我呢個時候只想問一問神點解要咁樣對我...😫

我都未趕得切介紹，她們互相掃視了大家不夠2秒，兩位美女已經開始向大家介紹一下...



「你係...？」Samantha先開口了。

「我叫張雯雯。係啊明既朋友。」似乎已經冇我可以插嘴既地方了...

「我叫Samantha，但係我今日約啊明食飯打算傾新屋既事喎～點解...你會喺度？」點解呢種場面有點熟悉...？但正常唔會發生喺現在的我身上吖～

「我咁啱經過姐～其實我都可以俾少少意見你啊！介唔介意我join埋你地呢？」

「我估唔好啦～你約左人就唔好阻你啦，哈哈。」我總覺得有一陣陣的氣味...

「唔係啊～我諗住自己落黎食野，點知咁啱見到阿明，所以唔會阻我啊。」

「咁好啦，你唔介意就得啦～啊明你ok？」150cm女生抬頭跟165cm女生的「對話」突然指向我身上，令我有點不知所措起來...

「我...ok！我ok啊～」看著兩位女士的眼神，已經嚇到我唔知講左咩出黎。🤦🏻‍♂️



就係咁，看似即使撞衫野沒有過於尷尬既女生就同我一齊去食野，於我而言，我覺得自己係走去食我既「最後晚餐」....