我竟然鍾意左...！？: 第十五章

訓下訓下，終於都自然醒左，抬頭望一望房個鐘，原來已經成6點。出到廳出面，滑一滑手機先記得，原來我仲未覆Samantha！我即刻打開whatsapp，睇下Samantha send左咩比我。
「hi阿明👋🏻請問你今晚得唔得閒？我想請你食餐飯，順便俾埋基本資料你。」原來Samantha今朝係想約我今晚食飯，而我就而家先睇到...🤦🏻‍♂️

「唔好意思啊～而家先睇到你個信息😅」正當我諗住同samantha講不如約聽日既時候，佢已經秒回左我。

「唔緊要～咁...我想問你因間得唔得閒？」

「我得閒啊～」我大概估到Samantha下一句想講咩～

「咁不如因間去食夜晚吖好唔好？」完全估中～



「我ok啊，咁幾點同邊度？」

「咁阿明你住邊度？」我又唔明關我住邊咩事，不過是但啦～

「九龍塘，做咩？」

「咁不如近你，去九龍城食好唔好?」估唔到Samantha唔似而家既港女，唔會淨係諗住自己，返而會遷就，為別人著想，令我有點驚訝。原本以為有錢女應該都好有性格，比較自我中心，但原來唔係～

「ok啊～咁8點九龍城廣場等好唔好？」



「ok，到時見👋🏻」

「到時見👋🏻」

唉～好彩未沖涼姐...唔洗再執返個髮型。而家都仲係6點10分，趁仲有時間，我就睇下手機，正當我睇緊facebook既時候，當中一個帖文吸引著我。原來我最中意既作家出新書！仲會喺15日後，即係10月12日會有簽書會！一睇到呢個消息，第一時間令我諗起「一定要約雯雯去先得！」既想法。所以，我立即喺聯絡人入面搵返雯雯出黎，打俾佢。

「嘟嘟......嘟嘟....」

「喂...?」充滿疑問既一聲喂。



「喂，係咪雯雯？」

「係啊！啊明？🤣」係電話入面都聽到雯雯表現出好開心，唔通係因為我打俾佢？定係我諗多左...

「係啊雯雯，我打黎係想問下你10月12好得唔得閒？」

「等我睇睇先，等我一分鐘。」佢應該係睇一睇日曆。

「嗰日ok啊！做咩？」過左一分鐘之後，雯雯用充滿期待既語氣問我。

「話說嗰日梁老師(我最中意嗰個作家)會出本新書，仲會係嗰日有個簽書會，唔知你介唔介意同我一齊去呢？」

「當然ok啦！」睇黎雯雯佢非常興奮～



「咁好啦~就咁決定啦。」

「係呢啊明，你而家做緊咩？」聽佢既語氣是帶有好奇的疑問。

「冇啊～而家睇緊手機，因間約左人食飯。」

「男定女？」點解，我總覺得雯雯呢句說話帶有緊張既情緒...

「女黎，佢約我出黎食飯，順便比一些資料我，因為我要幫佢設計間新屋。」而我都唔知點解有點擔心雯雯唔開心，所以解釋的好仔細。

「原來係咁～咁我唔阻你啦，掰掰。」

「掰掰...」

突如其來既一句「掰掰」，令我總覺得雯雯有點唔開心，希望係我錯覺啦～而我見時間原來已經7點15分，原來我已經睇左電話咁耐了。我都準備出門，落去搭車去九龍城...