[愛情甜故] 失戀過後的 (快樂) 日子: 第九章
呢個時候, 雯雯已經放開左我隻手, 跟住見佢正面無表情咁坐番住響個位度。
妙芝行到埋黎坐左響中間個座位度, 跟住佢就好醒目地咁捉住我隻手黎再講, 「喂, 呢個係你朋友黎呀? Hello, 我叫妙芝呀, 係呀明個女朋友黎架!」
雯雯呆望住妙芝黎講, 「妳好, 我叫做雯雯!」 妙芝跟住再同我講, 「喂, 聽晚記住上黎我屋企度食飯呀, 呀媽話唔該哂你上次幫佢整番好部電視, 所以佢話聽晚就會煲定湯黎等你上去飲喎!」
我瞄吓雯雯, 見佢已經無厘神氣咁, 跟住再等多一陣, 雯雯就已經開始攞起個包包就講, 「咁唔阻你地嘞, 我走先嘞!」
雯雯走左之後, 跟住我就鬆左一口氣咁坐住響張櫈度, 妙芝望住我, 「做咩呀? 個女仔都幾靚吖, 做咩唔應承人地同佢響埋一齊咁呀?」 我講左雯雯係我班 friend 嘅關係同佢嘅背景出黎比妙芝知, 「…….就係咁囉, 所以頭先我咪猛咁向妳求救但妳又唔覆番我!」
妙芝聽到我咁講之後就話, 「我係特登唔覆你個賤佬架, 抵你死啦, 係喎, 比錢, 來回元朗車費就收你八舊水啦!」 「咩妳頭先真係響元朗度出黎嘅咩?」 「唔係呀, 我啱啱響隔離公司度收工之嗎, 不過響電話度聽倒個女仔話我係流嘅, 所以我咪就特登過黎睇吓你到底響度搞緊咩鬼囉!」
我傻笑住咁望住妙芝, 「唉, 見妳咁有義氣, 咁我呢八百蚊就真係抵比妳啦, 喂不過, 我驚雯雯一陣仲會響附近度徘徊, 咁不如一陣妳就繼續扮住係我條女咁行出去先, 嗱, 最多加多一百比妳嘞!」
妙芝好大反應咁講, 「咩呀? 加一百, 五分鐘再加一百就差唔多!」 「吓, 咁妳咪好過去搶?」 「咁你可以唔比架, 一陣果個雯雯就企響出便, 到時你再同我求救嘅話啲價就要 double 架嘞!」 「胡胡胡胡胡…..蔡妙芝, 妳好野呀!」
同妙芝手拖住手扮住情侶咁離開左餐廳之後, 妙芝又再話住我, 「喂, 隻手唔好響度揩揩貢喎, 我唔係真係你條女黎架!」 我笑住同佢講, 「唏, 咁拖住手行就緊係咁架啦, 而且妳幾時見過人地拖手係會拖到離行離列咁架!」
同妙芝一路向住油麻地方向行緊, 「喂呀芝, 雖然妳成日都鬧我, 但其實同妳一齊個感覺又真係幾舒服咁喎!」 妙芝望吓隻錶再有啲不屑咁講, 「咩意思呀? 係唔係有啲野要暗示比我知道呀?」
我又笑住同佢講, 「即係咁, 我意思係….即係如果我有個女朋友係好似妳咁, 咁我估我都應該會係幾幸福同快樂咁啫!」 「吓, 就憑你? 咩我啲仔似係咁低質素嘅咩?」
好算數, 同妙芝已經過左窩打老道之後, 妙芝跟住就 fing 開我隻手黎講, 「都行左好遠架嘞, 我睇果個雯雯都應該唔會再出現架嘞, 攰嘞, 我都要番屋企交豬嘞, (望吓隻錶) 嗱, 同你行左半個鐘頭, 咁八百加六舊即係多謝你一千四百蚊嘞!」
唉, 係咁講錢, 咩咁無癮架, 好嘞好嘞, 怕左妳嘞, 我響銀包度攞左千五蚊出黎比妙芝, 但我就同妙芝講, 「啲錢袋好啲呀, 呢頭啲橫街雜巷好多老同走出黎搶野架, 嗱, 呢度千五蚊, 唔該妳找番一舊水過黎比我!」
但妙芝咀就瞄瞄咁同我講, 「唓, 危險得過同你響埋一齊, 無散紙呀, 唔找嘞, 就當係比貼士我啦!」 「喂, 找番一舊黎搭吓車都好喎, 喂, 找錢啦, 妖, 一舊都搶, 妳有無人性架?」
唉, 成晚去到我咁盡呀, 真係比果個雯雯累死我嘞, 正當我同妙芝要講拜拜嘅時候, 突然, 有兩個男人響巷仔入便衝左出黎用力推左我同妙芝入去橫巷度, 「咪嘈, 試吓出聲就一刀筒死你地!」
打刧, 唔係呀化? 兩個皮黃骨瘦似係老同嘅人, 而家正手揸住刀咁用力搭住我同妙芝個膊頭, 妙芝嚇到全身震哂已經想喊咁滯, 而啲老同就係咁摷住我地啲裙袋衫袋褲袋同搶緊妙芝個手袋。
我強裝鎮定咁同啲老同講, 「喂兄弟, 求財咋, 把刀小心啲好喎!」 噢, 個死老同講都唔講就一拳打埋黎我度, 我屌, 啊….., 仆你個街吖, 連牙血都出埋添。
兩條老同繼續搶緊我地啲野, 而響隔離個老同就係咁摷住妙芝大脾裙袋內嘅時候, 但突然我見妙芝係咁震住個身再不停地嗌住唔好, 我望真啲原來個老同隻手正攝住響妙芝個胯下係咁又摸又摷住
呢野就真係辣著左我, 錢唔見就事小, 妙芝比人咁樣非禮就真係事大。
我唔知響邊度黎嘅勇氣, 我突然一個左勾拳就兜面打落面前果個老同度, 跟住我再順勢黎多個右批睜就挫落隔離賤佬個頭頂處, 賤佬已經跌左落地, 我再用力一腳就踏落佢隻咸豬手度, 前後三個動作都唔使兩秒鐘, 兩條老同就已經比我打到瞓左響地度典緊同嗌痛。
我好快執番地上妙芝個手袋同我個銀包之後, 跟住我再拖實妙芝隻手就一齊同佢發足狂奔住, 「呀芝快啲走嘞!」 跑完一輪之後, 睇黎似乎都已經脫離左險境, 但妙芝就響度係咁喊到 three 呢啡厘, 我不斷係咁安慰住佢, 「喂無事嘞, 我地不如打三條九去報警咯!」
妙芝一路喊住咁講, 「哇…唔好報警呀, 我唔想比人知我比人摸左呀!」妙芝伸手摸住我塊面黎講, 「嗚…嗚…嗚…你..塊..面..仲..留..緊..血..呀..你..痛..唔..痛..呀…嗚…嗚…嗚…」
但我就用好堅強嘅眼神黎咁話比妙芝知, 「係..好..銀..痛..呀…!」
