[新手]兵都可以做將軍: 三.籌備

一日過一日，話咁快得翻3日就要交表，內閣名單仲差一個人，差一個人負責學術，係我哋煩緊搵邊個負責學術既時候，個日同曉琳一齊行既男仔係我哋身邊經過，個樣仲要好似死老豆咁，睇嚟佢應該被曉琳飛，過多陣曉琳都係我哋身邊經過，睇嚟我既推斷係啱既，曉琳啱啱應該拒絕咗個男仔，曉琳經過個陣全部人都用同一個眼神望住我，然後又望下曉琳，個下我知道佢哋想我叫曉琳入嚟我哋個內閣到。
「我唔問喇，人哋都唔知我係邊個啦，點開口問？」
「屌你咪FF咁多啦，我哋係想問你叫曉琳負責學術好冇，只要你話好既話，嘉恩就會去問㗎啦on9仔。」
屌咁樣俾呀威串完，覺得自己衝咗出嚟添。依家諗翻去如果唔係個陣佢哋提議既話，可能我既人生會同依家有好大分別。
夜晚就嚟訓既時候呀威突然打俾我，
「屌夜媽媽打俾我做咩？掛住我呀？」
「收皮啦，打俾你係因為曉琳答應幫你呀」
「屌仲諗住有D咩事你會咁突然打俾我，冇咩事就收線啦」
曉琳肯幫我？我冇聽錯？媽啊我哋級既女神竟然係入我支莊呀，然後我就係興奮既心情中訓著咗。
「仆街仔起身啦，就嚟遲到啦」




點解我塊面咁痛既，屌原來我家姐入嚟叫我起身，見咁耐都唔醒就打我塊面，望一望手機，SHIT！7:40分，唔通要遲到...
唉算啦遲到就遲到啦，
「喂幫我請半日假，冇謂被人mark遲到吖」
「仆街仔下次唔好再咁遲起身啦」
li個家姐由細到大都好錫我，雖然成日都叫我仆街仔，但係知道我永遠搵佢幫手佢都唔會托手踭。
反正都翻半日，趁有時間就諗下個政綱同埋參考下其他學校既政綱，等我哋唔駛交表前先趕頭趕命咁完成份政綱。下晝翻到去，搵齊咗自己內閣D人，就約放學開會傾，大家見到曉琳嚟咗，就變得好認真，相信佢哋既目的得一個，就係想係女神面前表現自己，屌li班毒撚係咪傻撚咗。交代完今年既政綱同埋內閣名單之後，真正既敵人終於出現...

《我虔誠愛你 以靈魂騷動你-騷靈情歌》