[新手]兵都可以做將軍: 四.敵人

得翻大概一個月就到投票日，今年有兩個候選內閣，一個係我帶領既內閣-「Echo」，而另一個內閣係中四級既全級第一王子俊帶領既「Crash」。
「你知...唔知王子俊都選學生會？」呀威喘住氣講，
「一早就知，只係唔知佢幾時交表姐。」
冇錯我一早就知，點解？因為我中一既時候唔知點解識佢，然後每日都約埋一齊翻學，去到中三既時候佢同我講過話中四既時候會選學生會，仲有叫過我幫佢，原本我係想幫，直到佢講咗一句「我係li間學校最勁既學生，我選既話一定贏」因為li句，令到我對佢改觀，最後用個藉口話唔想選，點知盧Sir會叫我選，一切都嚟得太突然。
「既然都知道今年既敵人係邊個，咁我哋就係時候準備對面既黑材料啦。」
「仲有幫我搵齊人準備放學開會諗點樣造勢，諗口號，同埋幾時哂莊。」
放學前有一堂空堂，當全部人係度溫書既時候，我發現王子俊一直係度望住我，頂佢前世未見過男仔咩，正當我想問佢既時候，佢行咗過嚟，
「你之前唔係話對選學生會冇興趣㗎咩？做乜會走去選仲要由你做會長？你唔係覺得自己做會長會夠我鬥啊話？」
佢最尾個句特登大聲講出嚟，目的俾全班聽到，
「全級第一原來係咁㗎？知唔知咩叫禮貌？敢唔敢同我賭一鋪？如果你哋贏咗既我就做咩都得，但係我哋贏咗既話，你要同宇誠道歉，敢唔敢賭？」呀威好嬲咁講




「驚你有毛呀，賭咪賭囉。」
就係咁我同王子俊既鬥爭開始咗，今次我唔只係為面子而鬥，我仲係背負住我內閣既尊嚴，同埋呀威日後係學校既地位(因為如果輸咗呀威一定會被佢叫做一D好羞恥既嘢)所以今次一定要贏！

《現實裡裝英勇難避免-小伙子》