[新手]兵都可以做將軍: 六.答問大會

最後運動會有驚無險咁度過咗，全靠曉琳寫既稿同埋肥熙既幫手，我哋成功殺王子俊一個措手不及，同埋贏得好多同學既支持，一嚟我哋份稿係希望學校改變對學生既政策，二嚟我哋D宣傳物資全部都好靚同埋好有心機，D同學覺得我哋既宣傳物資俾對面有心機好多，唔似對面內閣就咁係淘寶一大堆咁訂。
係答問大會前既上學日，放學我約咗全部幹事開會，諗下點對付聽日既答問大會，
「大家有冇咩諗法？」大家聽到之後都係冇出聲，直到佢出聲。
「大家俾D精神嚟啦，我哋連運動會都可以捱過，今次答問大會又冇任何痛腳被對面捉到，所以放鬆D啦！」曉琳一出聲，班兵仔們立刻提起精神，最後傾咗兩個幾鐘就決定好聽日點問對面，同埋大概估計對面會問既問題同埋預備li D題目既答案。
食完飯之後就翻入房，準備一下聽日既心情，同埋放鬆下自己，正當諗住同班fd一齊係召喚峽谷裏面用犽膏剁人既時候，曉琳突然send wts嚟
———————————————————————————
曉琳:hi，你依家對聽日既答問大會緊唔緊張？
我:ok啦唔算係太緊張既，你呢？
曉琳:我好緊張，我好驚D人會係台上話我收兵，鬧我娘娘，最擔心係驚因為D人覺得我係娘娘而令到我哋內閣輸咗
我:唔駛咁驚啦，我保證聽日如果對面咁話你既話，我一定幫你報仇




曉琳:你話㗎
———————————————————————————當時既我，就梗係當搞笑咁講，唔係認真㗎啦。
答問大會係朝早舉行，我哋兩邊內閣一早已經準備好，一開始就係介紹內閣政綱，兩邊都冇咩太多分別，去到兩邊內閣既質詢環節，開始火藥味濃喇，第一條既問題對面諗住直接打沉我既信心，
「友閣你好，我想問陳宇誠同學，你之前係咪講過話對選學生會冇興趣？」我聽到既時候心諗仆街啦，我應該點答？反打一波？定係應低威？
「多謝王同學既問題，冇錯我之前係話冇興趣選學生會，但係你聽漏咗D嘢，我係話冇興趣同你一齊選學生會，而唔係冇興趣自己參選wo」冇錯我係作咗D嘢出嚟，反正我同佢既事，都冇第三個人知，我講大話都係得佢一個知，所以完全唔擔心。個答問大會除咗第一題之外，其他題目都係較為普通，而值得一提既就係，係學生質詢環節，全部同學都係對佢哋既內閣提出問題，而有好多問題佢哋都係答得較差，可見今次勝算高了。

《寧願天去收我 也替你受重傷
金鋼跟美女戀上 也是個傳奇狂想-Kong》