[新手]兵都可以做將軍: 八.統測

每年既十月十一月就係我哋學校既上學期統測，今年既統測就安排係學生會選舉之後既兩個禮拜，
「仆街仔，準備好溫書未？」
「書撚駛溫㗎咩，我讀個幾科裸考都可以好高分啦」呀威輕鬆mode咁答，佢讀既科係Phy，Chem，Bio仲有多科M2tim，而小弟就廢D，只係讀Phy，M2仲有科係因為唔知揀咩而揀咗BAFS，好多人問我揀科個陣係咪填錯咗，我多數都係話，唔想讀Chem，又唔想讀D垃圾科咪揀科正常D㗎囉。而曉琳就係一個完完全全既文科人，佢讀中史加文學，大多數既文科人對數學既感覺都係憎恨，同樣地曉琳都一樣，而小弟既數學成績就都算幾好，只係次次都係因為D careless mistake而扣咗一兩分，係中一至中三都係keep住數學科全級第二第三。當我知道曉琳數學唔好就梗係搵機會約佢，教佢數學，順便獻下殷勤啦，係考數前一個禮拜，每日放學我都會約曉琳係班房溫，每次都溫到校工趕我哋先走，然後禮拜六日我哋就會係佢屋企樓下個會所溫書。去到考數前個日，我哋都係考完一科就走，我哋就直接去會所溫，咁因為佢係級女神啦，平時同佢係學校都冇咩交流，費事D人又係度亂傳，所以同佢都冇試過單獨食飯，咁個日原本諗住考完同呀威班人去食個早餐然後去網吧大戰幾個鐘，點知曉琳考完既時候問我可唔可以早D溫，女神出到聲就梗係點都話可以啦，然後同呀威佢哋講話有嘢做走先。去到搵曉琳，曉琳話係佢樓下等陣，等咗陣佢換咗條白色短裙同埋放埋D頭髮落嚟，我望到紅都面哂，
「宇誠，我靚唔靚呀？」
「靚，世界上最靚就係你。」當然係搞笑咁講
「我想你陪我去一個地方。」
我就跟住佢去到一間韓燒既地方，
「其實我一直都想嚟，但係學校D女仔又咁心機婊，佢哋成日係表面上同我好fd，但係私地下成日話我到處勾仔，然後同學校D男仔嚟食，又話我派軍糧，真係好煩，所以我就搵咗你嚟陪我食，冇問題吖嘛？」
「冇問題呀，學校D八婆係咁黑人憎㗎啦，所以一直係學校我都係做個邊緣人，係今年先叫出名咋」
「你個名一直係學校都好出名㗎wo，你以前係普通班既成績成日都會係精英班到講起㗎wo，好多老師都覺得你係普通班既神人嚟㗎wo，踢波又勁，上年仲要幫學校攞學界冠軍，又係學校辯論隊隊長，上年又代表學校贏咗個辯論比賽冠軍，校長都上台讚你，你點會唔出名呀？」




li餐飯大家都互相讚對方，食完之後就開始溫書，不過今次溫書既地點唔同，去咗一間coffet shop，一溫就溫到八九點，然後同曉琳一齊食埋飯就送佢翻去，去到考之前佢都仲係冇信心，結果我用咗個氹細路既方法，我同曉琳講，如果佢數學合格的話，佢想我做咩都得，佢就好開心咁去上戰場。
過咗一個禮拜就開始派卷，今次除咗得中英文係全級第十之外，其他科都係全級頭五，而曉琳除咗數學之外，全部科都係全級頭五，而佢數學都算高分34/50，佢攞到卷既時候仲要係我面前fing，驚死我見唔到咁，而我今次數學卷都係因為一個careless mistakes而扣咗一分，49/50王子俊就滿分繼續蟬聯全級第一。
禮拜五臨放學前有一堂Eng Speaking堂，咁因為老師覺得我哋對住異性講英文會留底，所以就要求我哋同異性同組，而曉琳就搵咗我，原本都冇咩事，直到就嚟完個陣，佢問我聽日得唔得閒，我答佢得閒吖，佢就話想約我聽日行街，正常人聽到女神約佢，應該會開心到仆街，而我係驚到仆街，因為同佢溫書個一個禮拜已經睇清楚佢，最後個晚一直都訓唔到，猶如軍人準備上戰場，然後個心一直係度祈禱，主呀求你聽日唔好搞鳩我呀屌，阿門。

《假如我年少有為不自卑 懂得什麼是珍貴-年少有為》