望山的女孩: 第十八章-查案（中）

第十八章～查案（中）

線人：「咦，羅Sir你喺到嘅？」

我：「我有野要問你。」

線人恭敬咁問：「咁唔知你有咩問小弟我呢？」

既然有機會，咁我就問清楚佢啦！



我：「我想問關於林芷嘉嘅野。你喺邊到聽啲傳言返黎㗎？」

線人：「咦，乜羅Sir你都對林芷嘉啲野有興趣㗎咩？」

我：「廢話少講！講，啲流言你邊度聽返嚟嘅？」

喺我講完呢句野之後，我feel到佢偷偷地笑咗一笑。

線人：「唔好意思，資料來源唔可以透露。」



我：「唔講啊嘛。好！你係咪想再入過去呀？」

我作手勢準備叫李Sir返黎。

終於，佢嘅囂張終究係敵唔過我嘅威嚇。

點解我知？因為我見到佢面色開始變青，也許是因為他的父母都是警察，而且對他也很嚴，害怕遲返屋企吧！

線人：「好，我講。呢個傳言係林芷嘉自己同我講㗎！」



咩話？！竟然係林芷嘉？！枉我仲咁努力去幫你守秘密，結果你轉過頭就同咗第二個人講？！我真係睇錯你。

得知係林芷嘉講嘅時候，我即刻怒髮衝冠。都冇理到個消息嘅真假，就衝咗去搵林芷嘉對質。簡直就係名偵探X南嗰主角X南上身。

仲記得X南Sense到啲唔對路嘅野嘅時候，就會即刻跑去捉凶手。當時我仲唸如果柯X收到果啲消息係假嘅話就神作啦！可惜並沒有……

點知我呢個講咗四、五年嘅夢想竟然成真咗，仲要自己瀨埋野。