第十九章~查案(下)

冇錯,喺呢個時候,我哋紙言最心水清嘅一班花生友就好明顯知道我怪錯咗林芷嘉啦!

之不過,被憤怒蒙蔽咗雙眼嘅我都唔理得咁多。 一於少理,九衝去搵佢。

可能你呢個時候,會笑我白痴,但其實都係當局者迷啫。你試下呀!

好啦!講返嗰個故仔先。



話說,憤怒到了極點的我下意識就衝了去芷嘉那班,想找她理論一番,之不過我找不到她。明明她必須留在課室等我回來才會去開舖,
怎麼不在?難道她已經發現事情敗露逃走了?!


就係我想捉佢返黎打patpat嘅時候,佢好適時咁出現咗係我眼前。

我:「林芷嘉小姐,你做咩唔喺課室乖乖等我呢?」

芷嘉:「阿sir冇辦法㗎噃,我呢啲咁活潑好動嘅好女仔就咁畀你獨自留喺課室,悶㗎嘛!」

我:「 咪鬼咁多藉口啦你!唔通我咁靚仔又要留喺呢個學校度,好好咩...」



芷嘉:「係喎阿sir你又話有嘢要搵我黎課室傾嘅? 我仲專登留低時間過嚟同你諗住傾好嚴肅嘅嘢㗎嘛!所以而家究竟係傾乜鬼嘢先得
㗎?你又留低我喺度又唔講」


終於要講正題啦!該來的還是要來。

我:「芷嘉,我都明白你唔可以同我拍拖你覺得好唔甘心,但你都冇理由要將個秘密講畀其他人聽㗎!」

芷嘉:「下你講咩呀?我都冇同過人講過」



我:「唔使扮嘢啦,XXX(線人)講咗畀我聽啦」

芷嘉:「下,但我成個禮拜都未見過佢喎。你會唔會畀人呃咗呀?」


死人葉可誠,竟然夠膽呃我。

係呢件事發生咗之後嘅第二日,我走咗去同葉可誠度過咗一個快樂而有美滿幸福嘅課後時間。

由於出於對芷嘉的愧疚,我在教訓完葉可誠,便走了去向校長提出辭職。

校長:「吓,咩話?辭職?!點解咁突然?究竟發生咗咩事啊?」

我:「呃,校長。你一口氣問我咁多條問題,你想我答邊條先?係『咩話?』、『點解咁突然?』定『究竟發生咗咩事啊?』?」



校長:「……sorry,之不過羅老師,我地冇咗你唔唔掂架!咁啦,你放個長假冷靜下先。你啲工作,我會交晒俾其他人做㗎啦!冷靜完,記得返工呀。」

我:「......」

估唔到平時咁吊兒郎當嘅校長,有起事上黎,居然都能處理得如此妥當。

校長:「點啊,有問題?」

我:「冇....」

校長:「好,我現在宣布,羅傑賓老師由今天開始放無薪長假,而回校上課嘅時間將會另行通知。」咦?

無薪長假?!

我都估到你冇咁好死㗎啦。之不過既然有假俾我休息冷靜下,在這個忙碌的香城,我可以忙裏偷閒都未嘗不是一件好事。