[武俠甜故] 古裝武俠有味巨著 - 鐵血丹飛: 第十一章 - 再入險境

龍飛呆呆咁問丹娜, 「丹娜, 妳嘅意思係…..」 丹娜再好堅定咁講, 「我曾經發過誓, 我第一次就只係會留比我嘅相公, 但既然而家….., 龍飛, 如果你唔應承做我相公嘅話, 咁我而家就會響度一刀殺左你!」
 
嘩, 命仔緊要,  但龍飛同時個心亦摞飯應都黎唔切, 已經掉轉身去到丹娜面前, 「丹娜, 今日我響咁多人面前同妳講, (豎高三條手指) 我龍飛, 今日當天發誓, 我願意娶丹娜為妻, 日後如果我無好好照顧或對妳做過一啲對唔住嘅事嘅話, 我就會天打雷劈, 五雷轟頂!」
 
龍飛望住丹娜, 而丹娜此刻亦已收起怒容, 「娘子….」 丹娜開始有啲唔好意思咁耷低頭來。
 
眾人正在拍掌同 three 乎 fit 果陣, 呢個時候, 車廂出面個扯旗馬伕佬就響度自言自語, 「唏, 死到臨頭仲咁風流快活, 等到今晚你地班人就知死!」
 


馬車繼續向前駛住, 但天色已經漸黑, 無幾耐之後, 前面就已經見到好似有條村落同零星嘅光線咁, 馬車停左, 眾人攞埋行裝就準備全部落車嘅時候。

龍飛開始覺得有啲奇怪, 「咦, 點解唔見哂其他同行嘅馬車咁嘅?」 馬伕同佢地講, 「哦, 因為同行人數眾多, 所以各車就會分批去到唔同嘅地方度留宿, 不過你地唔使擔心, 明早之後我地就會再會合番佢地繼續起程架嘞!」

眾人哦左一聲之後, 跟住就開始向前行住, 行到入村嘅時候, 咦, 做咩四圍啲屋都好似咁殘舊同破爛咁嘅, 而且好似人煙罕至, 總知就硬係有種怪怪嘅感覺咁。
 

 
扯旗佬開始就同龍飛等人講, 「今日天色已黑, 所以你地今晚就暫時會響呢度渡宿一宵, 嗱, 呢便幾間屋你地都可以隨便入去留宿, 而響前面就有間飯店, 各位可以先行去果度食過晚飯之後, 跟住就回到屋內上床就枕, 到左明天一早我就會再黎接大家繼續上路架嘞,!」
 


講完, 扯旗佬就上番馬車自行離去, 但見佢正在自言自語咁, 「明早再黎係同你地收屍就真!」
 
各人望吓四周, 一種陰森嘅感覺正在尤然而生, 但事實又已經有啲肚餓同攰咁, 眾人提議不如先去前面嘅飯店度食左飯之後再算。
 
龍飛望吓身旁嘅丹娜, 而丹娜就同龍飛講, 「飛…., 行左一日, 我想….先行沐浴更衣過後, 先至過去同佢地一齊食飯!」
 
另一邊嘅小柔聽到咁, 「係喎, 我都想沖埋個涼先去食野呀, 不過娜姐妳而家都唔會陪我架啦, 咁不如菁菁妳….」 菁菁即時答住小柔,「唔得呀, 我真係好肚餓呀, 我想去左食啲野先呀!」 「咁小倩呢?」 小倩又係咁答住小柔, 「唔得呀, 我都係好肚餓呀!」
 
大力同小柔講, 「咁不如我陪妳入屋, 等妳沖完涼之後我先同妳一齊過去食飯嘞!」 小柔即時再講, 「都係大力份人抵得諗!」
 


屋內, 丹娜取過替換衣服之後, 跟住就入左去浴室內準備沖涼, 而龍飛就響廳中守候住, 浴室內已傳黎水聲, 似乎丹娜亦已經正在沐浴住之中。
 
但突然, 浴室木門正緩緩打開, 跟住入面就傳黎丹娜嘅聲響, 「飛…你入一入黎先!」