[武俠甜故] 古裝武俠有味巨著 - 鐵血丹飛: 第十四章 - 十面埋伏

 
飯店內, 師爺基, 堅仔, 小倩同菁菁, 正呆坐住咁敲住筷子等緊其餘四人黎開飯, 廚房內, 滿面疤痕嘅廚房佬正響啲飯餸度準備加料, 而另一個一面陰森詭秘嘅呀婆就同廚房佬講。
 
「仲有四個未黎, 等到齊人之後我地就可以將佢地大舉斬殺, 嘿, 估唔到我練左幾十年嘅神火掌, 剛大功告成嘅時候就有用武之地!」 詭秘呀婆正舉起隻手, 啛一聲之後, 見佢隻手已經著住熊熊烈火咁燃燒住起黎, 「哈哈哈哈哈….…」
 
廚房佬落住藥講, 「四弟八弟十弟, 你地在天之靈今晚必定要睇住我地為你地報仇雪恨至好呀!」
 
呀婆同廚房佬望住廚房嘅後方, 見有幾件奇珍異獸嘅怪物似乎亦已經將要蠢蠢欲動咁。
 


隔多一陣, 大力正同小柔已經到黎, 見二人正若無其事咁坐低問住, 「咦, 咩飛哥同娜姐仲未到嘅?」
 
木屋之處, 龍飛同丹娜亦已經開門出黎, 嘩, 見已為人婦嘅丹娜, 居然就咁一身薄薄白色長衣裙著住響身上, 月色底下, 薄衣正隱約透住丹娜內裡嘅美好身材出黎。
 
一陣陣強烈女人味正在暴射而出, 二人正在手牽住手咁向住飯店方向行去, 眾人遠望到丹娜此刻竟然可以索到啪啪咁聲, 跟住飯店之內就響起幾把口哨聲咁引起左一片騷動。
 
已經差唔多行到飯店之際, 丹娜同龍飛突然發覺飯店後方有數個人影正在蠕動, 龍飛正細細聲講, 「娘子, 好似有啲異樣喎!」 「係, 唔似係普通人, 而且殺氣好盛!」
 
丹娜突然攬住龍飛, 「相公, 不如我地番入屋度再纏綿多次囉!」 龍飛笑住口講, 「好呀娘子, 咁我地就快啲入去再黎多次先囉!」
 


眾人見龍飛同丹娜正攬住黎掉頭行番入去屋內嘅舉動, 即時就打住冷震咁講, 「真係頂唔順呢對姦夫淫婦, 咁睇黎我地都係唔使等佢地食飯咯!」
 
屋內, 丹娜同龍飛正快速地換過夜行裝之後, 跟住二人再攞埋兵器, 「飛, 唔好行正門, 我地就擒窗上屋頂度睇吓係咩情況先!」
 

 
二人心靈經已相通, 一個眼神之後, 跟住二人就立刻擒窗而出再幾個彈跳跟住就已到左屋頂之上。
 
上到屋頂之後, 二人唔望尤自可, 一望之下, 嘩, 唔乸係呀。 
 


各屋頂之上, 見聚集左數以十人正靜靜地好似埋伏緊咁一樣, 而響不遠之處嘅黑衣人, 似乎亦正發現左龍飛二人嘅行縱咁。
 
黑衣人好似殊殊住龍飛咁, 見佢正做住手勢要二人過去。
 
龍飛同丹娜烏低個身行埋去之後, 黑衣人就帶點責罵嘅語氣同龍飛二人講, 「喂, 醒少少縮低啲啦, 下面班友好醒架!」 哦, 黑衣人似乎誤會左龍飛同丹娜亦係同佢地係一夥人咁。
 
龍飛同丹娜見係咁, 跟住就索性將計就計, 龍飛扮哂野咁細細聲問, 「點呀, 下面而家咩情況呀?」