我和補習姐姐不為人知的秘密關係…: 6
阿蚊睇到我尋晚下載的那套咸片後，佢塊面好明顯地紅了一片，就好像飲左酒咁，紅噹噹咁，想不到明明剛剛講話滿口粗口、如此粗魯的人,現在則給人一種可愛的感覺,有著很大的反差感。
「阿蚊姐，你可唔可以唔好亂咁開我Ｄ野，如果想睇既話，我可以過比你返屋企慢慢欣賞，ｏｋ？」
裝作不是我下載反而更加奇怪，我乾脆大方承認更好，我淡定地絲毫沒有羞恥之心講出呢返話。
阿蚊當堂摸著肚子瘋狂大笑，我感到莫名其妙。
「你個…咸濕仔…睇唔出…你既口味…咁特別。」阿蚊一邊笑一邊很辛苦地慢慢說出來，話畢後又不停地大笑著。
就係咁，我同阿蚊變得更親近了一點，開始互相吹水，講下D廢話，沒有了剛剛見面不自在的感覺，我一路跟她講笑，一邊則做她所給的試卷。
時間過得很快，半個鐘後，我盡力地做完份卷,我雙手張份卷遞上比阿蚊。
阿蚊用掃視了個大概,便展露出不滿意的表情。
「份卷你係玩野定點，明明你間中學係間名校，連份咁基礎既問題都唔識？你仲學人考咩大學啊。」
「我都唔想架，但有時候明明已經記左入腦，但時間一耐左，就會唔記得。」
「一句講哂，你讀書既方法唔岩。我以前中學成績比你仲差，但係你知唔知我點解考到港大呀？」
好奇心的驅使下，我無意識地微微點頭。
「你有無聽過記憶法？」
「我記得細細個睇電視睇過，有個人只用左六個月既時間記低左成千幾頁的牛津字典，只要說出某頁某行，他便知道該位置的生字，簡單像魔術般神奇,自問我係凡人一個，又有咩可能啊。」
「拿！你第一句就否定左自己既可能性，試問一個整天自怨自艾既人，又點可以成功呢？」
「記憶法之所以厲害，就係任何人只要加以訓練就能獲得相當大既效果,其實記憶法一直主張以圖像來串聯文字，就好似比幾個名詞比你，你會點記？」 她接著說。
隨手阿蚊就拿起張白紙寫左十幾個名詞。
蘋果、法拉利、吳尊、香水、牛仔褲、壽司、牛奶、電腦、美國、海盜、眼鏡。
「咁九唔搭八既…不過頂盡都係十二個詞姐，死背都得啦，有幾難啊？」
「死背梗係無效率架，死背既話你估你一個鐘後或者幾個鐘後，可唔可以仲記得起呀？」
「咁就難Ｄ啦…」
「我首先教你個最基本的方法啦，只要將每一個詞用串聯既方法來記，就會容易好多。就好像一舊蘋果壓扁左架法拉利，你想像個蘋果又大又紅，明明應該好脆弱，但係可以壓扁架法拉利，咁樣記係咪好生動呢。」
「咁樣記野真係好像易Ｄ咁！」我開始對阿蚊講的記憶法感到興趣。
「人腦分為左右腦，左腦具有語言功能，擅長邏輯推理；反之，右腦則把想像力、思考和創意圖像化，其潛能相當於左腦的十萬倍，將要記既野轉做圖像，即係用右腦記野先係最有效率。」阿蚊越講越興奮，停下下來。
「想象力係好重要既野，你越生動、特別、怪誕，就越容易記得入腦，記得要想像個圖像出來。你呢家就試下記我岩岩寫既十二個字，我去一去廁所先。」
舊蘋果撞凹左架法拉利，法拉利個司機係吳尊，吳尊踢緊足球…
我一個人喃喃自語，像個瘋子一樣，我的腦中頓時天馬行空，我想像了許多古靈精怪既事情。
阿蚊幾分鐘後就過返來，我並記得七七八八。
我好快地回想起來那些荒誕的圖像，剛剛記過的東西在我腦中有如走馬燈飛過，一下子我就一字不漏地寫下了十二個字。
「你其實都幾醒目呀，學野都學得幾快。」
咁其實我從小到大都成日唸野架啦，不過係唸D更加形象巨體既野姐,我在心裡跟自己講話。
「但係記D咁既野?真係會幫到我考大學?好似唔係好實際咁...」話雖如此，我還是對阿蚊講的記憶法產生了一點質疑。
「當然啦，學習既路係好長的，記憶法當然都唔係萬能，不過你要咁諗，你記既野越多越容易記入腦,咁你咪會更加有興趣去學習,而且當然我都唔會只係教你記憶法既,我仲會幫你研究考題同埋重點溫習的內容,不過最關鍵,最重要都係你既態度,同埋想考入大學的決心。」
比阿蚊激勵完之後,當堂覺得很有動力,佢呢個補習老師真係唔話得,聽其他同學講,出面D補習老師有幾hea得幾hea,根本唔會咁著緊個學生,搞到我真係有種沖動,叫阿媽加多D人工比阿蚊。
阿蚊望一望錶，原來已經夠鐘，阿蚊又係手袋內拿出另一份英文試卷出來。
「阿賢，咁今日就係咁先，呢份當功課同我做晒佢，有唔明就下次再問我,同埋有時間就做下右腦既訓練啦。」
我與她揮手再見後，再仔細想著，其實補習並不可怕，有個咁靚女既補習老師，真係讀書都精神D，我回到房間，椅子上應該還有阿蚊既餘溫，差d想一下狗沖過去聞一聞，但係我知道自己唔係一個變態，所以最後都係克制住。
晚上，我躺在床上一直睡不著，活了這麼多年，我基本上每晚都要唸甜野先訓得著。但當然唔會咁虜淺浄係得同一個動作啦，我經常想像不同場境內與靚女進行親密互動。
我凡睇過既av場境，包括學校，泳池，職場。應有盡有，戈D所謂的右腦訓練,可能我一直都誤打誤撞咁練緊，十幾年功力，你估廢架。
就係咁，呢晚我再次幻想學校的情景,在小息時間，女神跟我兩人一同互相嘻嘻、追逐著，卿卿我我，記到入影入畫，學校裡的小細節全都在我腦中一一還原，我相當享受，不過沒多久睡意漸漸無意識地來襲，就咁樣訓著左。