我和補習姐姐不為人知的秘密關係…: 7

之後日子如常地每天補習,而我也與阿蚊熟絡了不少，佢終於都肯講多點自己的事,並且我地交換了聯絡方式，有時佢走左之後，whatsapp佢問佢功課，佢都會好快咁覆我。 

仲記得有一晚,我們再次如常補習，我正在做卷，而阿蚊則在用我的電腦。

在做卷時，我偷偷地看著阿蚊的背影，一時間腦洞大開，想像著如果我的眼睛貶一下眼能拍照，我絕對會每分每秒在眨眼，她的每一幀，我都想全部捕捉住，相信我的容量絕對會爆掉，皆因阿蚊那身材、那雙長腿，看多少遍，都不會看膩。

明明只是件簡單的棗紅色緊身貼身的T-shirt，根本蓋不住那驕人的身材，凹凸有致，玲瓏浮凸，再看下去，簡直血脈沸騰，不能自拔。

這時候阿蚊突然轉過身來跟我講話，我察覺後馬上低頭做卷，裝作很認真地做卷。



「係呢,都同你補左幾次,唔知你覺得我點樣?」似乎她沒有察覺到我剛才一直在偷看她。

吓...咁突然...我覺得你幾靚女囉,換作平常的我肯定絕無羞恥之心講出來,但不知怎樣,今天的我啞口無言,不敢口花花。

「其實我係第一次做私人補習架，你都算係我第一個學生。」阿蚊開口打破沉默。

「真係架?我真係好榮幸。」 

「其實呢家講返，都有少少對唔住，第一次見面時候講晒粗口咁對你，其實我想第一次見面應該要惡點，咁學生先會肯乖乖地聽我講野。」 



原來阿蚊既粗魯形象係扮出來，真係好好演技，完全比佢呃晒。 

「不過好彩你都算幾聽我話，唔洗我好勞氣，比你考卷都肯乖乖地做晒，雖然有時候唔認真做，成日掛住講笑。」 

「當然啦，我好比面你架，咁你係咪第一次見面時，特登叫錯我名？果然用心良苦啊。」 

「哈哈，哥次真係記錯左，因為好似好多男仔個名都差唔多。」

「搞錯啊，仲話教我記憶法，連人名都記錯。」我表面上雖然在開玩笑，但實則內心還是有點失落。



只見阿蚊笑了一下，氣氛再次平靜下來，我馬上拉開別的話題，嘗試炒熱返氣氛。

「話時話，點解你叫做阿蚊既？唔通你鍾意吸野？」

「痴線！邊個會鐘意吸野，其實都係小學朋友幫我改既花名，因為我細個好多野講，嘈嘈閉咁，再加上我全名叫林嘉敏，所以d人叫下叫下咪叫我阿蚊囉。」

「原來係咁，唔洗以前啦，呢家都仲好多野講。」

「頂你！」阿蚊笑著說。   

我們就是在輕鬆愉快的氣氛相處著，每次補夠鐘的時候，明明已經可以收工走人，但係阿蚊都會好熱心地唔收錢幫我加鐘補習，相當盡責，仲教左我好多既記憶技巧，我一開始仲以為佢懶懶散散咁，點知佢竟然咁用心用力，搞到我真係受寵若驚，必須好好認真聽佢話，認真做她替我準備的考卷，回報她給我的期望，不能讓她失望。

經過了一個月時間，我的記憶力有了大幅度的改善，我仲學識左代碼法，總共有１００個數字代碼，每一個數字都有一個圖像去代替，用呢個方法來記歷史年份簡直係易如反掌，中史地等已背為主既科好輕鬆，但係數學等科都係要以理解為主。

有次歷史測驗，我考到全班前三的高分，同學老師都大跌眼鏡，皆因平常的我是成績吊車尾的那批。



「哇!咸賢，你開左竅啊，考咁高分既。」死黨阿傑對我露出仰慕的眼光。 

「濕濕碎啦，我發一發力就咁，超輕鬆。」 

「居然你都變得咁勤力，咁我都要勤力D先得，比幾套明日花既片我複習下啦。」 

「OK啦，今次免費送比你睇，哈哈哈。」

 的確根據阿蚊教我的記憶法，背東西變得得加有趣，記得越快便越有動力去記。 

我可能我太過鋒芒畢露，女神也注意到我這次測驗考到好成績，她往坐著的我迎面靠近，傳來陣陣芳香，不知道是她的天然少女體香還是她那馬尾的洗髮水氣味，總而言知係好好聞，我忍不住多嗅了幾下，而且可能是天氣太熱的關係，我好似隱隱約約地看到像白色內衣的物體，而她則毫不知情，展露出讓人內心融化的微笑。

「阿賢，你呢家成績突飛猛進，到底做了甚麼啦，有空也教教我功課啦。」 



「彩虹，當然可以啦，不過可能只係小息既時間教你，因為我放學要即刻返屋企。」

「仲諗住放學去一齊去M記溫習添...呢家你咁忙架，約你都約唔到啦。」

「無辦法.......真係有事在身，下次吧。」

她好像有點失落回到自己的座位上，而看到這情況的阿傑也露出不可置信的表情。

不能與女神一起出街的確有點可惜，但一想到回家補習能夠見到阿蚊,一切都變得值得, 而且成績上並有很明顯地改善，阿媽當然很開心，變得不再操心我的成績，零用錢也變得更多。

現在的我，只是想馬上趕回家，給阿蚊看看我這次測驗的成績，令她開心，我便心滿意足了，阿蚊或許是我想考高分的動力，再這樣下去，我的大學夢想不再是空談了。