我和補習姐姐不為人知的秘密關係…: 19

距離開學仲有成個幾月，我知道呢個係最後既中學生暑假，雖然仲有所謂既大學生暑假，不過到時可能暑假的意義與感覺已經不再一樣，可能要忙學業、忙返工等等。

我想係呢個暑假作出改變，不再是中學時期那個幼稚的梁禮賢，我想邁進成為真正的男人。為左係增加自信，我決心唔再做排骨仔，我決定呢個暑假走去健身房到練下身材，不敢說練出一身肌肉、八蕭腹肌，但只少希望能操練到線條出來，好看一點的身型便可。 

剛好阿傑有認識的人在健身房，佢比左D試用卷我，那天我帶著緊張的心情去到健身房，入到去，同我所想像既有點出入，當初還很天真以為入邊既D女人係著住件性感既運動背心做GYM，展露出美好的身材，但現實往往是殘酷的，裡面基本上全部都係男人，大家面面相覷，你眼望我眼，大家可能心裡面都同我諗既野一樣。

其實係健身房入邊，一個密閉的空間，男人與男人之間有眼神接觸是件無可避免的事，或者可以話係最高頻率的地方，原因當然係大家都會比較著身材，男人就是有種好勝的基因潛藏在體內，大家都渴望擁有一副強壯健碩的身軀，都不甘善弱，不想做最弱最差的那個，所以大家都紛紛觀察，找一個比自己更弱的，令心裡的感覺比較舒服。

整個健身房充斥著不同的人，其中有d比較大隻的人，似乎相當自戀，係咁對著塊鏡不停自摸谷肌，神情相當異常，陶醉於自己那一身肌肉，樂此不疲，我有理由相信佢地返到屋企都照鏡睇足十幾個鐘。 



有個中年阿叔，成日係到用佢筋疲力盡的聲線，不斷地怪叫著，彷彿告訴著全埸的人要留意他，沾沾自喜著，要知道他舉了很重的重量，簡直是噪音製造者。

仲有既係一直霸占住器材的人，佢地不斷地玩著手機，有時候又會自拍著，當有人走過黎話想用既時候，又會即刻收拾心情，馬上認真地使用器材，簡直超級厚面皮。

也有些同我差不多是排骨仔，似乎都係健身初哥，係器材附近周圍打轉，唔敢詢問霸住部機既人用完未，只拿著啞鈴在一旁舉著。

五光十色的人，簡直像一個小型社會般，我留意到一個現象，大隻既人往往會圍在一起，他們互相扶持著，互相一齊訓練著，在臥推（史密斯機）圍住輪流使用著；而比較瘦弱的人只能在一旁自己一個人在舉著啞啞，只能等別人用完機器才敢去用，簡直是去了個小型社會一樣，有錢的永遠霸佔著最優質的資源，跟著上流圈子一起活動；而窮的人只能處於低下層地位，要往上爬往往要花比別人更多的努力，更多的時間。不知道多久前看過的一本書講道，有一個叫做80/20法則，20%的人掌握著世界80%的財富，而健身房也是能套用到一樣的道理。

雖然嘴上這樣說著，其實自己也只是個最弱最下層的人。



我放棄了裝作社會學家的角色，沒有再一直觀察著他們，趁著有幾台機器未有被人霸占住，我就急急腳咁走左去部練胸肌既機器器材，我之前已經在youtube上看了林林總總的健身教學影片，做足了功課的我，首先試一下每組10下，做三組這樣子的方式，我選了個覺得自己可以接受的重量，就開始舉著，做了一組，我頭上開始滿出汗珠，我逐漸感到有點吃力，但是為了作出改變，我要堅持下去，絕不可以放棄。 　　

或者，呢個社會就係咁，每一個人都追求著一個漂亮的樣貌，每一個人都以樣子行先，每一個人都深信一句：你的樣子如何，你的命運也必何。

樣子普普通通的人當然要化妝，而五官精緻的都係會化妝。每一個人都追逐著那個只在幻想中存在的完美自己，但現實中，有人真的完美嗎？

正當我在腦中深深的思考時，有一個黑色背心既大隻佬走埋來。

「細佬，你姿勢做錯左啦，應該咁樣先岩架。」大隻佬無啦啦從後扶著我的手，似乎想幫我糾正他說的錯誤姿態。



對於佢呢個咁突如其來既舉動，我當堂嚇到鳩縮，以為佢係個基佬，就頭也不回轉身馬上走人。

黑色背心大隻佬似乎也感到一臉愕然，沒反應過來，傻傻的站著。

我匆忙地走到廁所，不斷地喘著氣，我冷靜了一陣子後用冷水沖洗一下自己的臉，才意識到自己有點無禮貌，或者呢個社會就係咁崎形，你抱著樂於助人既精神主動去幫人，本應是一件好事，但主動去幫人只會被別人認為你是個別有居心既人，以為你有不好的意圖，導致呢個社會越來越少熱心人。

好似普羅大眾都逐漸變得冷血，不喜歡跟陌生人打交道，到底人係由幾時開始變得咁功於心計呢？唔通係睇得宮廷戲多？或者自以為獨善其身的我，也只是區區的一份子…