暑假轉眼間就過左去,雖說不上很魁梧,但身型明顯大隻了不少,衣服也需要買大一個碼數,總算不柱在GYM房花費掉的努力、汗水,算是得到了一點小成果。

我心諗應該可以係大學呃到好多蝦條,但我一唸起阿蚊,就記得當初健身,係為左比阿蚊睇我成熟可靠既一面,我要令阿蚊為我傾倒,而不是為了做溝女王。 

開學當日,朝早我就約左阿蚊帶我參觀校園,我當然要藉此機會向她展現出我苦練已久的肌肉。  

手錶的指針踏進約定好的時間,但還是遲遲未見阿蚊的現身,我逐漸變得不安與焦急,以為阿蚊放我飛機,沒想到此時耳邊傳來熟悉的聲音。

「你係阿賢?差d認唔出你呀,大隻左咁多既。」



阿蚊突然出現走向我的身旁,她穿了一套黑色背心連身裙,與她那白哲的肌膚有著鮮明的對比,給人一種成熟的氣質,阿蚊的身上有種淡淡的少女香味,我好想湊近她的身邊大口地吸一口氣。


這麼久沒見過她,她的樣子依舊精緻迷人,走在街上肯定會吸引著男性的目光。

現在的阿蚊,是一位將近畢業的大學生,也許是最後的學生生涯,我認為呢一年應該係佢最自由的最後時光。畢業後,人物皆非,要面對各種尖銳的問題,壓力並會越來越重,不過阿蚊係醒目女,我想應該難佢唔到,根本不用擔心,我衷心地很欽佩她。至於我,畢業後會搵到份咩工,我唔想唸,唔係,應該係我唔敢去唸。

阿賢,做咩又發呆呀,又唸咸濕野呀?唔好講咁多,我呢家帶你參觀下。」阿蚊拉住我隻手,雖然旁邊有好多人經過,但佢都無視一切,像過小女孩般興奮。

看著阿蚊的笑容,仍然是那個替我補習時的她,
她的舉手投足、一顰一笑,都是多麼的明艷動人。



阿蚊就好似導遊咁,仔細地向我介紹校園的不同設施,我不禁讚嘆著港大的美,充份散發著一種古典的氣息,十分愜意,優雅端莊的氛圍,頓時滿身書卷氣質,真想在此處徐志摩上身,吟唱著《再別康橋》。

走了一圈校園後,距離上堂還有點時間,我便跟阿蚊坐在庭園的椅子上聊天。

「今次真係正式成為我既師弟啦,歡迎你入黎HKU啊,year one小弟弟。」

「成日話我小弟弟,我想講我一D都唔細囉。」我不喜歡阿蚊經常說我是個小朋友,我裝作有點生氣地說。

「哈哈,阿賢,咁你有無報o camp啊?」



「無啊,哥排日日去健身,都無咩時間去…」我有所隱瞞著,其實不是時間的問題,是那時候發生了那件事後,根本沒甚麼心情去o camp。

「唔好太博命啦,適可而止好啦,一陣適得其反就大件事啦。」阿蚊說完後,令我心頭湧上暖意,很窩心,不愧是阿蚊,很體貼別人。

「我知道啦,係呢,你有無覺得成熟左?」 我挺起那個不太顥眼的胸膛問道。

「咁睇落你個樣好似無中學咁死𡃁仔既,老套都講多句啦,記得千其唔好再帶住中學既思維入黎,大學就係比你訓練自己的思想,千奇唔好人云亦云,人地講咩就咩,要學識自己獨立思考。」

「不愧係阿蚊,真係勁!我會以你為榜樣架!」

「咪同我講咁多廢話,呢排仲有無做我講過既記憶訓練?」

「坦白講...自從考完DSE後,都無咩點特登去練啦。」我的想像力訓練…腦中回憶起給了阿傑的AV硬盤,不知道它現在還安好嗎?

「咁其實你對記憶法有無興趣?佢都幫你考到入港大啦,你唔好奇我係邊到學返黎架咩?」



我點頭示意有興趣。

「係我大一既時候,誤打誤撞入左個社團叫做記憶訓練學會。」

「記憶訓練...學會…聽個名都覺得好悶咁...」

「你有所不知啦,入邊好好玩架 ,我係入邊學到好多野。」

「好好玩?有咩野玩?」

「都夠鐘上堂啦,你諗下啦,下次再同你分享,我地社團D人好好架,絕對會歡迎你既加入。」

我揮手與阿蚊分別後,停下來想一想,我自己真的對記憶法有興趣嗎?還是只是單純想與阿蚊有更多的接觸。不過其實自己都唔知參加邊個學會,或者可以去試一試?



想不到一個簡單的決定,我的人生就出現了重大的轉變…