我和補習姐姐不為人知的秘密關係…: 22

「阿賢，同你介紹下，呢位係我中學同學Emily啊。」

「呢位就係我之前成日同你講哥個阿賢啦。」Summer轉頭向Emily介紹我。

Emily對我展露出自信的笑容，雪白整齊的牙齒與她一身古銅色的膚色有著很大的對比，她穿了一件顏色引人注目的螢光黃運動背心，配上一條簡單的黑色短褲，單單這樣，就已經洋溢出青春活力的味道，束著短短的馬尾，啡黃色的秀髮。

最令人印象深刻，是她的一雙眼睛，雖然是單眼皮，眼睛看上去細細的，但是完全沒有那種給人不精神的感覺，可以說是很有個人特色，令人印象深刻，整體看上去，有點像外國華人的感覺，英文很流利，不會說中文的那種華人。

「你好啊，阿賢。」她向我揮手示好，我也微微點頭回應。



「Summer，你之前有同Emily講過我？」我好奇地問。

「係啊，佢話好好彩識到個同佢好投契既人，佢成日同我講你d野比我聽架。」Emily搶先Summer一步，回答了我的問題。

「Emily！唔好講啦，咪咁骨痺啦。」Summer似乎覺得不好意思，他馬上轉移話題。

「阿賢，你咪睇個樣鬼鬼地咁，佢係土生土長既香港人黎架，100％香港製造。」

「Summer，你講咩話？」Emily拉住Summer的衣柚，似乎叫佢唔好再講落去，他們兩人互相挖苦，看來兩人認識了很久。



「哈哈，唔好嘈交，你地兩個中學識左好耐啦？」

「識左都有三年幾掛…老啦，唔記得了。」summer用輕浮的語氣講著。

「都餓啦，我地不如買左野食先啦，買完再慢慢傾。」Emily說。

我跟Summer兩人去買飯，而Emily則霸著位置，幸好排隊買飯的隊伍不太長，我們很快就買完飯了，我隨便選了個海南雞飯，可能唔係經常食既關係，我覺得學校Canteen既野食平得黎都算幾好食，不過似乎師兄師姐好厭棄Canteen既飯。

就這樣我們三個人邊食邊說些無聊的話題，有說有笑，氣氛相當愉快。



「Emily，阿賢係咪講野好搞笑架，同我有得揮。」

「痴線，我邊有你咁多廢話。」

此時Summer的手機響了起來，不知道是誰打給他，他露出慌忙的神色，講了好幾分鐘，他才掛斷了電話。

「兩位，唔好意思，我有d急事，要走先啦。」

「去邊啊?趕住溝女啊?」Emily說。

「正經野啊，你地慢慢食啦，我要走啦。」

「Bye啦…」我對佢揮手道別。

Summer匆匆忙忙地走後，只剩下剛認識不久，還算是陌生人的我們，氣氛從歡愉突轉變得異常尷尬，我本來想打破沉默，講下笑話，點知比Emily先發制人先開口打破這寂靜。



「阿賢，睇你個身型，你係咪有做開GYM架?」

「係啊，不過其實都係一兩個月前先開始做，唔算話好叻。」

「一兩個月都咁好成果啊…咁岩啦，我都想搵人一齊做GYM啊，但身邊個個朋友都話無興趣。」

「可以啊…」

「始終有人一齊做先有動力，自己做會好快放棄。」

本來以為佢講既係客套說話，點知佢真係好有興趣咁。

「咁我地交換個Whatsapp啦，下次約出黎做GYM。」Emily興致勃勃地與我交換了Whatsapp。



「你好鐘意運動架？你皮膚都幾健康下。」我說。

「哼！你係咪串我皮膚黑啊?」

「無呢個意思啊，呢家唔係好興咩黑美人咩，好事黎架。」

「哈哈，我好鐘意玩户外運動架，一得閒就會走去沙灘灑日光浴。」

「係啊...話時話呢其實Summer係咪好受女仔歡迎?佢成日同我講無女好煩惱，好想拍拖，都唔知真定假。」

「佢係中學都幾受女仔歡迎既，不過都唔見佢有拍拖，我開始懷疑佢係咪GAY…」

「唔撚係掛...」

「講笑炸，哈哈，佢中學有拍過一次既。」



「嚇死人咩…不過佢都有一次啦...而我…」我壓低聲線，細細聲說。

「吓，你講咩話?」

「無啊，我話叫佢唔洗急姐，愛情呢家野隨緣啦，自然就會黎到。」

「咪理佢條友仔啦，佢成日都發春架啦，係呢，你有無住HALL架?」

唔知點解有一種錯覺，Emily好似對我好感興趣咁…或許可能我諗多左，佢對每個人都咁熱情。

「我無啊，我住屋企炸。」

「咁浪費啊，住Hall先好玩啊麻。」



「有咩咁好玩？」

「你一陣仲有無堂?」

「無啦，成三點鐘先有堂。」

「咁你要唔要上黎我個Hall參觀下?帶你見識下。」

Emily對我微笑著，那彎月的眼睛，有著一種獨特的氣質，黑色的瞳眸，完全猜不透那微笑的意義，跟佢傾左一陣，已經比我一種印象好鮮明，好健談的感覺，與阿蚊的性格好似南轅北轍。

我吞了吞口水，腦袋一時之間變得思想紊亂，我不斷跟自己說，人地只是帶你參觀而且…只是參觀而且…只是參觀而且…不要胡思亂想…