我和補習姐姐不為人知的秘密關係…: 21

「喂，阿賢，起身啦！教授行過黎啦。」坐我旁邊的同學拍了一下我的肩膀，細細聲地跟我說。

「我馬上從短暫的睡夢中清醒過來，對他舉出大姆指示意感謝。」

一朝早聽著老教授的講課，那低沉又沙啞的聲線，簡直是最佳的安眠藥，返了好幾天學，那種我一直響往的大學課堂生活，也許比我想像中要沉悶得多。

我好不容易硬撐著眼皮，終於堅持到放break時間，我跟剛剛提醒我，坐在我旁邊的同學講話。

「Summer，岩岩唔該晒，唔係一陣比教授見到就大獲啦。」



男人名字叫做Summer，我唔知點解佢男人老狗要改埋D咁既英文名，佢算係我大學入面識既第一個朋友，仲記得當日係佢主動走埋黎同我講野，之後就漸漸熟絡起來，佢係一個口才好好、好多野講既人，口水多過柴咁，而且好識同女同學溝通，不同佢同我都有一個相同的困擾，就係佢同我一樣都係無女朋友... 

「阿賢唔洗客氣啦，係呢，你有無打算參加咩學會啊？」

「無啊，我呢家諗緊入唔入一個叫記憶訓練學會。」

「哇...唔係好信一個上堂釣魚既人會入呢D學會喎，入邊好多女架?」

「其實我都唔知入邊有無好多女，只係入邊有個我在意既人。」



「你真係鳩噏唔洗錢，在意既人，係靚女你都在意架啦。」

 「屌，咪講咁白啦，係男人都係咁架啦。」我唔敢講比Summer聽，以前係中學既時候，曾經有個女神送上門，但我都無同佢有進一步既關係，我驚講比佢聽，會比佢笑到我面都黃。

「哈哈，入大學唔溝女，簡直係對個社會唔負責任，我之前無聊打聽到d八掛野，你知唔知我地上幾屆有個師兄，食左好多女，簡直係男人既榜樣，HKU既傳奇。」

「哇，咁勁啊，個師兄係咪米八?成個吳彥祖咁架。」

「好似個樣ok掛，應該靚仔過我地兩個既…雖然佢食左好多女，但係人地係好專一，拍緊拖就唔會亂搞男女關係。 」



「竟然?咁浪費本錢啊?」忽然間，我覺得我同個師兄一樣，為左阿蚊，專心考大學，一心一意對著阿蚊，我感到沾沾自喜著。

「佢之前單身既時候，同一時間有三條女追佢啊，一個係聽講都幾有錢既,周身名牌既同屆女仔。」

「咁另一個呢? 」

另一個雖然個樣相對比較普通，但勝在善解人意，體貼細心，煮野食仲好叻架，仲日日整愛心飯盒比師兄食添。」

「堅唔堅啊，咩類型都有，有無咁勁啊!」

「堅過石堅啦!仲有仲有最後哥位最犀利，好似係出面接job影相，係攝影界有點名氣，係兼職MODEL黎架。」

「咁猛料！葡萄死人咩，咁照你咁講，我好好奇佢最後簡左邊個啊。」

「比你會簡邊個?」



「係都人地簡我啦…都唔輪到我簡人啦…」我低下頭說。

「咁又係，你幻想下好啦。」

「咪咁多廢話啦，開估未啊。」

「講啦講啦…佢最後就係簡左個最大波既，哈哈!」

「超!」聽完summer咁講，我已經覺得呢個九成都係佢自己作出黎既笑話，不過我諗一諗阿蚊既胸部，不算是很大，但是我依然很喜歡她...唔通...我唔鐘意巨乳? 

「喂，咁一陣中午放飯要唔要一齊去canteen食個飯啊?」

「好啊，反正我中午3點先有堂，可以慢慢食。」



「咁我叫埋我朋友得唔得，佢都係year one架，係我中學同學黎既。」

「無所謂啦。」聽完summer講咁多廢話，覺得耳仔頓時耳屎厚了幾道，佢唔講野既時候，耳根瞬間感到好清淨。

中午時間，canteen人山人海，簡直是一位難求，我與summer不停打轉找座位，搵左一陣，總算好彩搵到個空位，我地兩個即刻坐下霸住。

我們坐下來不久，從遠處有個人向著summer揮手，雖然有段距離，但我還是看得出她是個女生。

我一直到以為阿summer個朋友係男仔，估唔到竟然係個女仔，summer條友仔似乎異性緣都幾好，搞到我有點羨慕佢。

此時，那個女仔慢慢行過來，在一個可以看得清楚雙方樣子的距離，我與她四眼交對，那一瞬間，我感到整個世界都停止轉動著，彷彿只有我們二人的世界，我的心臟再次猛烈地跳動著…這種熟悉的感覺…對上一次已經是跟阿蚊坐巴士的時候了…