【英雄系列5】天使與吸血鬼2: 4.盤問

阿拉伯海，PAZ總部

右手包住繃帶的知美，正於一間密室中坐著

她雙手被手拷扣著，神情空洞


密室的門外

「希路先生，剩係得你一個入去，冇問題丫嘛？」瞳瞳問






「放心，我會搞得掂，你響出面等」

希路交代好後，直接將門打開


「咔」






知美聽到門聲，回頭一望

「係你...」


「我有好多問題想問你」

希路坐到知美前







「真係啱啦，我都好多」

知美問:「你..係咪識得我家姐...友美？」



「嗯...」

希路平靜回答:「佢...曾經係我既拍檔....」

希路將當年的往事一一道來


「我為左救佢，我用自己既吸血鬼能力，將友美變成我既眷屬」





「我講完啦，到你」


「哈...」

知美冷笑一聲:「我家姐竟然冇將我既事講出黎，睇黎佢同你都唔係好親咋喎」


此話似乎正中希路下懷，不禁眉頭一皺



知美撥一下自己跟友美一樣的秀髮





「我叫知美，係友美的孖生妹妹」

「當年家姐為左做唱手，離家出走，之後我就無再見過佢啦」


「響屋企人眼中，我一直係個乖乖女，唔駁嘴、專心讀書，所以我一直比起家姐更得屋企人歡心」

「響大學畢業之後，我就入左一間銀行工作，直到一日...」

「我遇到『老大』」


「老大...係指你地中既頭目？」






知美點頭

「係佢令我知道，打工只不過係做上流社會既奴隸，錢...要靠自己去拎」

「我辭左職之後就加入左老大既集團，就一直同老大做呢啲勾當」

「今次既金屬古菌情報就係黑仔搵返黎，估唔到係一個局」

「有機會，我一定要將佢同傑克...仲有劉家龍殺死，幫老大報仇...」

知美眼神中充滿怒火


「隨便你，反正你依家已經被我地拘捕左」





希路道


「你頭先講，家姐曾經係你既搭檔」

知美彷佛想到結果:「唔通...家姐已經...」


「無錯...」

希路平靜道:「佢...係為左救我已死」



知美表情一轉

「佢竟然...為左你.....」



「...家姐佢..從來都唔係一個敢於同人交心既人」

「佢肯為你咁做...咁你響佢心目中既地位都幾高下喎..」




「....」


知美繼續道:「憑前幾日你響巴黎望住我既表情，我相信...家姐對你黎講...都係一個好重要既人」



「....」

希路既內心被知美完全看穿


「劉家龍既事我地會查，你暫時就響度休息下啦」

說罷，希路就轉身離開:「對唔住...係我害死左你家姐...」



「咔」


「家姐...睇黎你真係...好愛呢個人」知美心中道



希路一出盤問房間，瞳瞳早已等待

「希路先生...」



「咁依家真相大白啦，佢只係友美既孖生妹妹」

希路嘆氣道:「凌愛瞳，依家我地係時候集中追查返劉家龍」



「....知道」

瞳瞳似乎有點失望:「希路先生...」





東海，迪拉斯艦船上




「呢個...就係金屬古菌」

劉家龍拎住手上的一支針筒


「今次全靠你地兩個，我先可以不費一分一毫拎到呢件寶物...想要咩儘管出聲」


黑仔道

「劉先生，我地之所以幫你，都係因為你既大名」

「請你，比我地加入迪拉斯」



「哼，有趣」

劉家龍摸住光頭:「不過，要加入我地，首先要比我見到你地...做出成績先得」


「咁唔知..呢樣得唔得呢？」

傑克拎出平板電腦:「我地以前既果個拍檔知美，我早就響佢身上放左個追蹤器，依家顯示佢正處於阿拉伯海上」


「即係話，果度...」




「就係IID果隊秘密軍隊既位置」

劉家龍代其作答:「唔錯，識得做多手預備」


「今次，正正係個好機會...將果班老鼠解決埋啦」

劉家龍指示:「全軍，前往阿拉伯海，任務係....消滅IID既秘密軍隊」