【英雄系列5】天使與吸血鬼2: 5.敵襲

一日後



「咯咯」


瞳瞳拎住飯菜，打開盤問室的門口







「肚餓嗎？」

瞳瞳托一托手上的膳食


「唔該」

知美沒有任何表情，只輕輕作個道謝







「你叫咩名？」


「凌愛瞳...咁你呢」


「....知美」







知美一邊進食，一邊望住瞳瞳

「你...應該唔會落毒掛」


瞳瞳苦笑道

「殺你對我地無好處，我地點會咁做呢，哈哈」 



「咁又係」





知美留意到瞳瞳望住自己的眼神，再問

「你識得我家姐？」


「嗯」

瞳瞳爽快地回答:「友美小姐係個好照顧我既前輩」

「當初我啱啱黎到，咩都做得唔好，全靠友美小姐佢教識我好多野，我先可以堅持落去」


「你地對我家姐既評價都幾高喎」

知美放下碗筷:「你，同埋尋日既果個人都對家姐讚不絕口」






「希路先生..同你講過啲咩？」瞳瞳問


知美吞下口水

「同你講既一樣，不過...」

「佢比起你，似乎對家姐多一份感情」



瞳瞳呆一呆，大概想到此話的意思





「哈..希路先生一直以為自己呃到人」


「我地女人好聰明架，一眼就睇得出」

知美苦笑道:「不過...佢同家姐都幾襯丫」





「隆！！！！！！！！！！」


房間外傳來一下巨響






「咩..咩事呀？」


「我出去睇下先..」

瞳瞳離開房間之前回頭:「希望...仲有機會同你傾計啦」




瞳瞳迅速跑到司令室

「發生咩事呀？」


「我地比人發現左」

阿孝平靜地指住大銀幕上的畫面



一首航母級的戰艦，一邊開炮，一邊駛向PAZ的基地


「迪拉斯發現左呢一度...」

阿孝流露出怒火:「係...果條女....」


「！」

花仔榮馬上跑進盤問室


「係你！！！！」

花仔榮一手鍊住知美的頸子:「你..係佢地既內應，係咪！！！」




「呃...咳咳！！」

知美被大力勒住，只好不停掙紮


「花仔榮，你冷靜啲呀！」

阿孝將其拉開:「入黎之前都搜左身啦，除非...」

「有跟蹤器響佢體內」


「咳...咳咳」

知美有口難言:「我...我地所有成員...一早都注射左一個跟蹤器...」



此句一出，全場鴉雀無聲




「可惡....」

阿孝苦惱地摸住頭:「睇黎依家只有一個辦法」





「戰鬥」

希路道:「就算今日唔搵過黎，我同呢班友點都要面對面硬碰一次」




「希路先生講得啱，依家佢地主動搵上門，省返我地唔少功夫」

瞳瞳接起衣袖，道



「哼，真係無你地辦法」

阿孝嘆一口氣:「PAZ全軍準備，迎戰敵人！」



望住眾成員踏步離開，知美亦開聲

「可唔可以比我...一齊對付佢地？」



「你...？」




「我知道我只係戰俘，但係..」

知美眼神充滿決心:「我真係想..幫老大報仇」



「希路...你點睇？」阿孝問



希路先望一望知美，再道

「有我睇住佢，有咩事...我負責」


「嗯，依家拎武器，正式出發」




各人到裝備房拎起各種槍械


「你...點解要咁做？」

知美問


「純粹只係相信你可以幫到手，唔好誤會」

希路認真道:「如果你夠膽搞咩花樣既話，我一樣會殺左你」



「哈...」

知美收起笑容:「多謝你」



「想多謝我，一陣殺多幾個迪拉斯既垃圾好過」