沿路一直都有D疑似係鬼嘅野係我身邊經過,明明係阿峰果邊行番我屋企只係需要十五分鐘,但依家呢十五分鐘對於我黎講就好似十五個鐘一樣咁漫長。可能係我自己多心啦,行到番去都無再預到好似頭先咁恐怖嘅事。
 
今晚嘅事對於我黎講實在係太過刺激,我全身上下所有嘅energy都已經用盡曬,比鬼襲擊呢D咁嘅事我真係唔想再遇到。我沖完涼就成個人訓左落床,我真係攰到可以即刻訓著,連手機都唔想再碌,只係想好好休息一晚。
 
但當我合埋眼訓左一陣之後我就覺得成個人都好唔自在,點知我一望下前面就見到有個女人係天花板望住我。
「屌呀,乜撚野呀!」我驚到尿都瀨埋出黎,無錯,一打開眼果下絕對係真心嚇到瀨尿。
 
隻女鬼無左右邊果隻眼,全身都有好多唔同嘅長度同種類嘅傷痕,周圍都有一噠噠血跡,如果頭先食衣紙個男人有十分恐怖,咁呢隻女鬼個樣就有五十分咁恐怖,望多一眼都覺得整唔舒服極心寒。
 
隻女鬼知我見到佢之後就向住我慢慢咁飛過黎,我就用張被包實曬自己成個人,諗住呢一晚就係咁避開佢。但睇黎呢招同掩耳盗鈴一樣咁on9,遮撚住當睇唔到。隔左一陣,個女鬼開始拍我,隔幾秒拍一下,一下又一下。我一直都無比過反應佢,隻女鬼就越拍越大力,我個心都越跳越快。


 
我知道唔可以再係咁落去,成晚咁長我一定頂唔到咁耐。我突然諗番起,海澄話過有咩事都可以搵佢幫手,雖然已經好夜,但我都決定打電話比海澄問下佢我應該點先可以脫離隻女鬼嘅魔掌。
 
嘟嘟⋯⋯嘟嘟⋯⋯「喂?做咩呀。」海澄lur住咁講,睇黎佢應該係比我個電話嘈醒左。
 
「海澄?我⋯⋯我係阿洛呀,我呢,依加呢,比隻女鬼搞緊呀,點算好呀?」因為驚嘈醒屋企人所以我就細細聲咁講。
 
「咩咩你同呀邊個搞緊野?」海澄又係細細聲咁講。
 
「我、話、我、比、隻、女、鬼、搞、緊、呀。」我逐個字慢慢咁講,希望海澄可以聽得清楚D。


 
「你有冇同佢溝通過呀?」海澄把聲都仍然係好似未訓醒嘅咁。
 
「佢好恐怖架,又無左隻眼啦,又成身血同疤痕喎,我望多一眼都頂唔順啦。」諗番起隻女鬼個樣我自己都打左個冷震。
 
「咁一係你試下對住佢唸經啦。」
 
我拉開張被對住隻女鬼叫:「屌你老母!」
 
「我話唸經呀,唔係講粗口呀,你同佢爆粗無用架。」海澄比我句粗口嚇親。


 
「我⋯⋯我唔識咩經文呀嘛。」
 
「你對住佢大叫般若波羅蜜啦。」隔住電話都feel到海澄好心急想幫我趕走隻女鬼。
 
隻女隻開始想抆開我張被,我即刻大力D捉番實。
 
「咁⋯⋯咁如果佢信教架呢?咁咪無用囉?」我諗我比隻女咁逼得太緊,緊張到問埋曬D On9問題。
 
「你咪講埋哈利路亞囉,唔好玩啦,你對付左佢先啦!」海澄開始唔係好耐煩。
 
為左我嘅人生安全著想,我鼓起左十二分嘅勇氣拉開張被對住隻女鬼連續講左十幾次哈利路亞同般若波羅蜜,隻女鬼一聽到就即刻縮埋一邊,之後仲係門側邊攝走左。估唔到原來咁樣講兩句就可以趕走佢,咁睇黎學中左呢一招我都唔洗再怕D鬼。
 
「海澄你呢招掂喎,咁我之後靠呢招就無有怕啦。」我拎番起個電話同海澄講。
 


「唔得架,呢下可以大下佢,暫時趕走佢架咋。不如咁啦,我教你捉鬼啦,話曬你都開左眼成日會遇到呢D事,點都要識番D野防下身。」
 
「吓?你講真架?你真係教我呀?」聽到海澄話教我捉鬼我都當堂呆左。
 
「係呀,但講明先呀,唔係為左你而教架!係為左等你幫我手捉鬼等我做少D咋!」海澄好緊張咁講。
 
「知啦,唔係為左我呀嘛。」
 
「你聽日放學得唔得閒呀?不如就由聽日開始啦?」
 
「我得閒呀,咁聽日你放左就過黎我班房搵我啦。」學捉鬼呢家野就緊係覺得越早學識越好啦,如果真係有起事上黎都可以自己打救呀嘛。
 
「唔該,我想搵阿洛呀,佢係唔係度呀?」海澄係課室門口伸左半個頭入黎。
 
「坐係最尾果個咪係佢囉,睇緊書果個呀。」一個行緊出門口嘅同學指住我呢邊。


 
「喂,睇緊咩呀?」海澄坐左係我前面個位一下趴左落我枱面。
 
「海澄你黎左啦?無呀,睇緊D鬼故小說咋嘛。」我放番本書落書包入面。
 
「你唔驚咩?你依見睇到佢地架喎。」海澄笑笑口咁講。
 
「就係因為見到先要知多D呀。」
 
呢個時候我聽到Anson係隔離同阿峰講:「阿洛個死仔包幾時識左個咁可愛嘅女仔架?個仆街仔又唔介紹比我地。」
聽到Anson咁講心中又不禁有暗爽左幾下,但我都係無理到佢,扮聽唔到。
 
「咁,阿洛你又知唔知有咩唔同嘅鬼呀?」海澄問我。
 
「等我諗下先,屎忽鬼?算唔算呀?」我同海澄講笑咁講。


 
「喂呀,唔好玩啦!」海澄笑到哈哈聲。
 
「乜原來你笑點咁低架咩?」我細細力彈左海澄額頭一下。
 
「痛呀!我唔采你呀!」海澄用手按住額頭,扁嘴望住我。
 
「對唔住呀,我唔係想整痛你架,sorry呀。」
 
「我呃你架咋!都唔痛嘅,哈。」海澄又一秒變番笑笑口。
「講番正題先啦,有D鬼會比較弱D,佢地影響唔到人世嘅事物。有D鬼會強D,佢地嘅動作可以直接影響人世,就例如你琴日見到果隻。之前都講過鬼嘅強弱係取決於佢嘅怨念,但亦都可以通過修練同吸陽氣去加強自己,好似疆屍果D就係呢種啦。」
 
「咁我點樣先可以對付D鬼呀?」我對於鬼越黎越有興趣。
 
「一般我地都會用符或者法器幫手。但我自己就多數都會用符,因為夠曬方便。如果帶法器出黎嘅話成件事會好奇怪。雖然用符就唔可以對付D好惡嘅鬼,但一般黎講有符都夠應付架啦。」海澄繼續解釋。


 
「咁我想問下D符要用咩畫同埋點畫架?」我追問。
 
「其實用紙同筆畫就可以架啦,不過用唔同嘅野畫都會影響符嘅功力。如果用硃砂同黃紙就係最正宗最勁嘅。但如果用原子筆同A4紙呢,效果就差得遠啦。符係向靈界施法嘅媒界,所以一般捉鬼嘅話你寫退散呀,降伏之類嘅野就可以架啦。但要記住,畫符嘅人一定要開左眼,如果未開眼嘅話寫咩都無用架。」海澄拎張白紙出黎係上面一邊畫一邊講。
 
「咁法器呢?又係咩黎架?」
 
「法器姐係祭過或者開過光嘅野,一般開光紅線呀,桃木劍之類。但其實用咩都得,只要開過光就可以。用法器嘅話就好似我地平時用武器咁樣就可以架啦。好似我呢條頸鏈咁,我戴住佢嘅話D鬼就唔敢埋我身架啦。」海澄係佢衫領拎左條頸鏈出黎比我睇。
 
「咁你可唔可以幫我把萬用刀開光呀?咁嘅話我都可以去捉鬼啦,唔洗再怕佢地!」我係書包拎左把萬用刀出黎比海澄。
 
「呢樣就真係幫你唔到啦,連我阿爺都做唔到。呢條鏈係我地屋企一代傳一代架。一係咁啦,我比D符你頂住先啦,今晚你再見到隻女鬼就用D符對付佢啦。」海澄就係咁比左幾道符比我。
 
「我地都係時候要走啦,咁我今晚就睇下D符用唔用得著啦。」我將d符放左落書包暗格入面。
 
「好啦,我行呢邊喎,你啱唔啱路呀?」海澄一出門口就指著左邊條路。
 
「我都係行呢邊呀,咁一齊番去啦。」我點頭回應。
 
於是我同海澄就一齊行番屋企,我地一邊行一邊傾,發現原來海澄都係住我附近,睇黎我同佢都幾有緣呀,撞鬼都可以識到女仔。
 
而我番到屋企之後亦都做好準備,我決定今晚一定要捉左屋企隻女鬼。
 
已有 0 人追稿