《小松奇妙物語！》: 12

如今，昂救濟嘴角還滴著奶跡：「連一杯奶都飲到咁，我果然係失敗者…嗄。」


「唔洗咁睇自己……」眼睛彎彎像月亮的小松，擺出那張典型無奈臉：「熱咪凍先飲。」


「唉…其實我試過好多方法想接近羅蘭，但無一次成功，佢行蹤好詭秘，即使搵到亦都好多人喺隔離，完全接近唔到。」昂救濟臉如死灰：「所以我唯一可以做嘅，就只係等一個機會。」


「機會？」






「逢星期五表演結束時，高斯樂團都會抽出三位現場觀眾，佢哋可以陪羅蘭獨自相處，我一直等緊佢哋抽中我，如果抽中我，我一定會趁機會脅持佢！問佢我細佬喺邊。」


「運氣呢家嘢，好難講嘅。」


「啊…」昂救濟舉起腕上的電子錶，說：「表演差唔多完，佢係時候要抽人！」






「咁…」小松猶豫著，回不回到那兒。


「我入返去先喇！」昂救濟衝回入表演會場。


「…」小松焦點凝放在他的背影上。






「葵，我哋都入返去嘍。」小松站起。


「你唔驚，又遇到啱啱嗰班不良少年？」我問。


「唓，最多咪死，同埋我唔信會死啊。」小松抱起我，往會場方向前進：「而且有種感覺引導我，背後有啲不為人知嘅事。」


回到會場，那幾名不良少年早已不見人影，因此我們能順利入去，重返那人山人海、背景幽暗的表演場地。


只是出走一陣子，現場聽眾粉絲經已喊啞嗓子。他們都淚流滿面、汗流浹背、面紅耳赤，整場演唱會，都如同一種信仰，觀眾們在膜拜。






「喂，救濟。」小松找到他的身影。


「佢唱埋呢首就會開始抽出幸運兒……」昂救濟雙手禱告。


「如果抽唔中你咁點？」


「等下個星期五再嚟多次。」昂救濟苦澀地說：「冇嘢…我都已經等咗半年以上，總有一日會抽中我。」


隨著歌聲逐漸收細，最隆重的環節也即將開始，大家都彷如投入完一場狂熱的運動，音樂結束後只餘下喘息和汗水。






「之後，到最後一個環節。」羅蘭執起麥克風，說：「今晚，會有三位幸運兒，可以陪我獨處。」


不分男女，大家都發出震耳欲聾的歡叫聲！


「聾啦……！」小松掩住耳朵。


「你明我點解要留呢個冬菇頭未？」昂救濟突然反問。


「你唔洗搵生芥草？」我想，小松已忘了他的存在。






「我留咗言俾芥草，叫佢一陣出面等。」小松說。


一片歡呼後，會場重歸平靜。


雖然不知道跟個不男不女的人獨處，有什麼好玩。


但可以確定，所有人都想得到這種機會。


台上的羅蘭托鄂細想，許久才喊出一個號碼：「第一個，七十六號。」






「我…係我啊！！」前方不遠處的一名男子，高舉入場卷興奮地高叫：「多謝高斯大人！！」


「果然唔中我…！」昂救濟暗暗握拳。


「第二個～四十八號。」觀眾未神過來，羅蘭又再喊出一個數字。


「好耶！！！！！！」這次，是一名碩大的胖子。


「最後一個。」羅蘭橫視現場眾人。


「唔會咁好彩…叫中我呱。」小松望著入場卷、碎唸。


她的號碼是，十四號。


「十五號。」羅蘭說出。


擦身而過。


「呼…差少少。」小松反而一身輕。


「又要等下一次……」昂救濟深深一嘆。


「你真係想接近羅蘭嘅話，你唔試下留喺到？例如匿喺廁所之類……」小松建議。


「冇用，保安真係嚴密，可以試過嘅方法，我都做過。」昂救濟有心無力。


「我都想知，佢點解可以吸引咁多人。」小松憂悒地按住臉頰，目向羅蘭：「唔通，真係純粹啲歌好聽？」


「高斯死亡樂團」表演告一段落，人潮開始往會場出口離開，只有被抽中的三人，能夠留下來。


「我細佬就係因為追隨呢個樂團，連人都唔見埋……」昂救濟的樣子，有些悲憤難分：「我每次嚟到都期望會見到佢，所以我覺得直接問羅蘭最實際！」


嚴密的保安開始把守台下，確保沒人能夠靠近羅蘭。


「不過，似乎有啲距離。」小松找不到混進去的方法。


一息間，表演會場只餘下被抽中的三人，和遲遲未走的我們。


「嗰個背影係……」我盯著站在稍前的那個男生。


「芥草？」小松愣然。


「佢同你一齊買飛，唔通最後抽中嘅十五號係……」我皺起眼眉。


「芥草…芥草！」小松跑到前頭去。


生芥草一聲不發，緊閉著眼睛。


「佢好似有啲問題…」在小松膊上的我，伸手拍拍生芥草的頭。


「我個腦……」芥草痛苦地指向大陽穴：「好辛苦。」


「吓，辛苦？」小松彎腰、側頭問。


「佢啲歌……」


「請問你哋邊位係被抽中嘅幸運兒？」一名保安走近：「除咗幸運兒外，唔關事嘅人要立即離開。」


「係…係我。」生芥草想舉手。


「係我先啱。」小松刻意背住保安，並快手奪過生芥草的入場卷。


「小松…」


「請出示入場卷證明。」保安說。


小松轉身交出入場卷，且稍稍回頭對生芥草，說：「你出去抖下先。」


「十五號。」保安點頭，恭迎小松上台：「小姐，呢邊請。」


「等等…」小松讓保安先稍等一下，徑自走到昂救濟面前：「救濟，你細佬叫咩名？」


「昂救久。」昂救濟一面愕然。


「唔。」小松指住生芥草，說：「我朋友交低俾你先。」


「喔…哦！」昂救濟上前，把發燒似的生芥草扶走：「咁你小心…」


小松目送二人離開，直至大門關上，發出一下沉響，才回到保安面前：「保安先生，可以行喇。」


「…隻貓。」保安疑慮地凝望著我。


「佢係我朋友嚟，唔可以帶埋入去？」


「我哋好難做，因為你隻貓可能會突然發癲，整親羅蘭先生，或者我哋幫你看管住先？」


「但係……」小松有些於心不忍。


「小松，放心。」我一躍，跳到保安身上。


「哇啊…！！」那名保安手足無措地將我抱住。


「我會安全。」我對她說：「你好好調查下，想知嘅真相。」


「唔。」小松抿嘴、點頭。


這樣，我和小松叫做兵分兩路？


小松上台前，我留意到羅蘭經已注視她好一段時間。


「我哋去辦公室好好坐下，反正……」抱著我的保安，勾起不懷好意的笑容：「你主人，都唔會再返嚟。」


深明話中意思的我，被保安抱住帶到辦公室去。


我沒有掙扎，是因為相信小松，定能尋出「真相」。


除了設有監控鏡頭裝置外，基本上是間普通休息室，有沙發、茶几、啤牌、水機等物。


「你好好坐喺到。」他把我放到地上，然後徑自走到監控裝置前觀察：「啲觀眾應該都走得七七八八？」


此時，又有幾名保安回來。


「全部樓層都檢查完，所有人都應該走哂。」剛回來的保安回報。


「好，確保羅蘭唔好俾外人見到就得。」站在監控鏡頭前的保安，脫下了工作外套，並抽起根煙。


上身只餘背心內衣的他，亮出雙臂兇悍的紋身。


那老虎圖案看來，跟黑社會無異。


其餘的保安，也開始放下嚴謹的姿態，把悶熱的外套及黑皮鞋脫去，紛紛抽煙喝酒，玩起啤牌來。


「呢份工比想像中易做。」較為年輕的保安打出一張牌：「滿日企幾粒鐘，做完就喺房坐到天光等放工～」


「都唔易。」那紋身保安兩指夾煙，說：「周不時有人匿喺到、偷入嚟想接近羅蘭，要趕走佢哋都麻煩。」


「我覺得唯一麻煩～就係要我哋著呢件保安衫啫。」身材胖碩的保安，只解開外套鈕釦：「又緊又熱。」


「人靠衣裝，佛靠金裝。冇呢啲衫幫我哋掩飾，係人都知我哋原本撈古惑。」紋身的保安，說。


古惑？意思是……


這群保安乃至到樂團，莫非都是黑社會背後經營！？


這就是所謂的「真相」？


「不過我真係想知～嗰羅蘭有咩咁巴閉，莫佬大要我哋去做佢樂團嘅私人保鑣。」雙膝蹲著的保安，輕佻地問：「又唔係咩大明星。」


「咁係因為莫佬大出咗大錢喺呢一區搞娛樂產業，仲好鐘意「高斯死亡樂團」，高斯樂團咁出名，要高度保護係理所當然。」他說。


這一帶，果然是被黑社會暗中操控著。


「同花順！嘻嘻！！」一名保安，突然高興地亮出手牌。


或者，我應該趁現在逃走。


我把視線瞧到門那邊，發現正緊閉著。


得想點法子逃出去……


「嚟嚟嚟，下一局，下一局！」紋身保安收回各人手牌，打算再洗一次。


我望著眾人在茶几上擺放著的啤酒樽，不禁微微一笑。


「冰──叮冰冰──！」我跳上茶几，把啤酒樽都弄跌。


酒瓶跌滿一地皆是，清涼的酒液、刺人的碎片，都一瞬濺飛。


「哇…！屌！」幾名大漢嚇了一跳。


「隻貓乜料啊…」、「我部手機啊！」、「搵條毛巾或者紙巾抹一抹乾佢先。」、「濕濕水先抹啦！」


簡單一個動作，就讓他們手忙腳亂起來。


「屌，隻貓邊到嚟嫁？！」唯獨那胖子保安不願動。


「啱啱俾羅蘭抽中嘅觀眾，嘅寵物。」紋身保安握起另一枝酒瓶，凝視住我。


「我哋拎紙巾出去洗手間濕一濕水先。」剛才不太出聲的兩名保安，開門出去。


忽然，頭頂一陣壓涼！！


「冰！」清脆一聲。


那紋身保安，把手上的酒瓶打到我身上……


我狼瘡地跌到地上，拚命忍痛。


「哇…哈哈哈，你咁樣對人哋隻寵物，會唔會有事啊？」胖保安笑呵呵地觀看。


「反正佢主人，都唔會再出現返。」紋身保安反問一句：「你有見過俾羅蘭抽中嘅人，行出過門口？」


「咁又真係好似冇喎……點解嘅？」胖子好奇一問。


「我都唔知，不過我做咗咁耐，都冇見過有「幸運兒」可以行返出嚟。」紋身保安揚起邪惡的笑意：「或者係俾莫佬大拐咗去做人口販賣？羅蘭嘅抽獎只係個掩飾，我都唔知～」


「…」我發動腳力，往門口奔向！


「呃……隻貓！」胖保安慌忙地指住我。


「放心，佢唔會走得甩。」紋身男笑容輕鬆：「我哋已經封死哂呢個會場，天光之前肯定做到佢，日日玩啤牌，玩下捉貓遊戲都唔錯……」


「喔，都好都好！呵呵，捉貓遊戲開始囉各位，邊個捉到就請佢食飯！」胖保安宣佈。


逃跑期間，我還感覺到一些細小的碎片，夾雜在我皮毛之上。


身後那些追著我的人，比起保安更像厲鬼，因為都擺出著同一張笑臉，想要把我捉住。


「小松會喺邊……」我前面，即將要遇上分岔路。


也許，那一擊太猛烈？使我視線出現了短暫的模糊。


繼而，一條無形的紅線出現，彷彿在指引道路予我。


「左面…！」


轉向左面之後，紅線又伸廷到樓梯口，要我前往上方。


「喂…隻貓，跑咗上去啊！？」後面的追兵緊張地說。


原本極為淡定的紋身保安，忽然緊張起來，急起直追：「捉住佢！上面係羅蘭嘅私人空間！莫佬大講明唔俾任何人上去！！否則要一人切一隻手指尾落嚟！！！」


跑上三樓的我，繼續依隨紅線指引奔跑，不過認真起來的人類，實在跑得比我快，我不得已找了個角落暫時躲藏。


「佢去咗邊啊！！？」眾人大為緊張焦慮。


「嗄…」我喘息著。


儘管我曾經受過人類多次的追捕，但都不如現在緊張。


那種緊張，是由環境演化出來的不安感所造成。


我很難解釋，總而之……


三樓這裡，讓我覺得很不舒服。


「仲要繼續搵啊…？佬大……」那群保安的聲音。


「緊…係喇。」


「但呢到黑哂燈，個氣氛又怪怪哋咁。」


「吓？！你唔係驚啊？堂堂黑社會！」


「唔係……不過貓啫！又唔係人，佢應該唔會阻到羅蘭先生嘅？佢又唔係羅蘭瘋狂嘅偶像，我哋出去買啲貓罐頭，引佢出嚟仲直接啦？」


「都係嘅，喺到搵餐死可能會嘈到羅蘭先生佢，我哋引隻貓落嚟。」


我才不會上當。


說罷，他們一伙便徐徐落去。


見沒什麼動靜，我才敢探頭出去，視察情況。


這裡，像是表演場地的後台。


我在通道走走，已經看見「化妝間」、「休息室」、「美髮室」、「更衣室」等門牌的房間。


其中，美髮室玻璃窗前放著的一個假人頭，差點把我嚇到。


而那條無形紅線，都依然存在著。


跟著它，就能找到小松嗎？她第一次遇見我的回憶，慢慢浮上水面，我印象中都有出現過這一條紅線。


即使身處於幽黑環境下，那紅線還是助我越過了這裡，去到一個奇怪的房間。


那房間，位於三樓盡頭。


而通往房間的長走廊兩邊，則放滿蠟燭，發出微弱的光。


房內所散放的不安感，實非正常。


貓的第六感，向來很準確。


裡面，存在著不屬於這世界的氣味。


我盯住眼前這道門：「小松……就喺入面？」


寒冷的氣息，悄悄地從後捲襲，使燭火一時搖擺不定。


是誰在身後？總覺得，有股無形的幽影，處於那漆黑的走廊。


走到盡頭，我望見那該死的門柄，只得暗斥可惡。


因為我，無法開門進去。


這是為什麼，我想要人類的身體……


連進出這簡單的動作，都無法完成，門門就只有一門之隔了。


該死。


「咔」忽然，門自動打開。


「？！」我往後一跳。


什麼？門居然自動打開……


不會是，有什麼仙子在守護我吧？


我又回頭，往後方一望。


依舊是幽幽暗暗，漆黑一片。


但那深暗之中，彷彿有對目光正凝視著我。


而我也在，凝視著他。


是錯覺麼？



「…」


應該是吧。


我別過身，踏入房間裡頭。