掛足三年嘅十號波: (十五)

(十五)
第三部份則提及了屋內的紙箱，叮囑阿凡要好好保存它們，將來可能會有用得著的一天。

第四部份的前小小半段如下。

「最後，亦是最緊要的，請你務必緊記。當你發現地球上持續出現超強颱風時，一定要使用VEDA。在此之前請你好好保管VEDA，不要隨意使用，而使用的方……」

接下來的部份，因為被某種液體沾濕了，下面的字全都化開，根本無法閱讀。

而最底的位置有一個簽名，並不是中文字，看起來像是彎彎曲曲的虫子，那應該是東南亞或中東一帶的文字，而簽名旁邊則畫了一支孔雀羽毛，信末的日期是距今六年前。





我看完整封信後，長長呼了一口氣，心中的震撼依然難以平伏。

阿君最先開始分析，感覺上她很擅長推理、分析，而且觸角亦十分敏銳，道:「不如我地整理下封信嘅內容先啦!」，眾人點頭表示同意，她繼續道:「我唔係好睇得名個簽名，姑且叫住寫信個人做孔雀先啦!首先，一個人嘅簽名應該係用最熟識嘅文字，但係我睇唔出係咩文字，有啲似梵文果類。」

此時，阿凡打斷道:「好可能係婆羅米文，印度最古老的文字，最早出現喺前三世紀，到八世紀被天城文取代。」

榮少奇道:「吓?!咁即係依家冇人用，咁孔雀又會用佢黎簽名?佢究竟係咩人?」

阿君答道:「可能佢係一位精通古印度語嘅學者，又或者係出身於一個古老民族，族入邊依然用緊婆羅米文呢!咁個簽名嘅意思係咩?」





阿凡搖搖頭，道:「淨係查到可能係婆羅米文!」

阿君無可奈何，只好暫時跳過孔雀身份的討論，繼續道:「孔雀知道阿凡失憶嘅經過，甚至好可能係親手做成。佢提到『時機』到左阿凡就會記得番，點解係『時機』，而唔係話遲早會好番?」

榮少點頭道:「如果佢話遲早會好番，我會理解為安慰嘅說話，而佢用『時機』嘅話，即係佢都好肯定阿凡會好番，似乎只要發生某件事，阿凡會恢復記憶!」

「唔記得都未必係壞事，佢話阿凡會寧願唔記得，可能阿凡經歷左一啲好可怕嘅事呢!」，我看著阿凡道。

阿君不置可否，繼續整理道:「另外，孔雀為阿凡準備左好多野，包括呢間屋、個戶口、入大學嘅資格，總有機會搵到同佢有關嘅資料!」





阿君吸一口氣，道:「最後亦係最奇怪嘅一點，佢似乎預知道會有『濕婆』，同埋一樣叫VEDA嘅野可以喺呢個時候幫到阿凡!不過究竟咩係VEDA?」

阿凡好像突然想起吃甚麼的，拿起他的斜揹袋，從中拿出一塊銀色的金屬板，金屬板正中間有明顯的凹痕，阿凡心痛地道:「哎呀…緊係琴晚俾班流氓打打凹左。死啦，都唔知仲用唔用得架!」