「仲曉。」

「點呀?嘉茵bb。」

「咦,叫咩bb好鬼核突呀。」

「依家興嘛。」

「依到冇人係你bb呀。」



「唉,得啦得啦。有咩重要野要係facebook講呀?」

「我plan好晒去澳門啲野啦,我幾時幾時去嫁?」

「哇,洗唔洗咁有效率呀?」

我有點後悔在這一段時間通知阿茵暑假去台灣的事兒,我應該意識到以阿茵的性格她一定會急不及待馬上將一切拋諸腦後,專注於澳門的行程。

「緊係啦,我地第一次去旅行喎。」



「係啦係啦,你聽日番唔番學溫書呀?」

「唔番啦。」

「好啦,聽日溫完書搵你啦,嘉茵bb。」

「b你個頭!」

「唉吔玩下咋,早抖啦!」



「早抖仲曉:*」

「:*」

那天的6C班,上學溫習的同學很少,很少,我的「兄弟」,6B班的阿銘也走了過來我班,原因是B班水靜河飛。

「喂阿曉,你睇下我個skout。」

「乜skout野呀?」

「依個app呀,好多女有玩嫁,你睇下我識左幾多女先啦。」

阿銘一邊說,連電話都已經佈滿了口水。

「哇屌,阿曉,你睇下。」



「又點呀,半時練波又唔見你咁積極。」

「隔離班果個大波妹呀,羅倩清呀!」

「咁點呀,溝囉!」

「屌聊佢先,放學叫埋阿文佢地練波呀,今年最後一年啦。」

「得啦,有你依個高效射手香港巴洛迪利,A班阿樂佢地今年都應該係輸係我地手嫁啦。」

「你咪咁老定啦,上年都係僅僅贏球罰球咋。」

「得啦,溫書先啦!」





「屌,你傻撚左呀,你明知骨頭之前條女係羅倩清,你叫佢嚟睇你踢波,你係咪戇尻嫁?」

「有佢啦,中二既事嚟既,好耐啦。」

「咪係囉,骨頭都冇所謂啦,跟隊啦!」

阿銘從來都不會顧及他人感愛,阿銘就是這種人。

練完之後,家姐約了我到元氣吃晚飯,吃完晚飯,又看到阿玲走過來替我們開了大門,家姐在電梯裡跟我八掛,

「我上次見到佢同另一個security放工拖手一齊走喎。」

「超好正常者。」



為何會有些少失落。
已有 0 人追稿