翌日清晨,沒有陽光的灑落,整個世界依舊是灰蒙蒙的一片死寂。

「啊~」

跑車等人起床,不過每個人的臉上,或多或少都帶著一圈又一圈的黑眼圈。

「啊,你地起身嗱~~琴晚瞓好嗎?」Enoch見到眾人下樓,立即就笑臉迎人,笑容就像是菊花一般的燦爛。

「你做咩黎?去海馬公園做國寶呀?」跑車忍不住嘲諷Enoch。



他臉上也是掛著一對濃濃的黑眼圈,可想而知,他昨晚是多麼努力地做手部運動。大家也微笑著向他問好,只是跑車則忍不住離他遠一些,與他保持了距離,特別是他的雙手。

Enoch不以為意,嘿嘿嘿地淫笑著。然後他跟著跑車身邊,接著還不停地對跑車打眼色。

「嘿嘿,跑車琴日套野正丫呢,你睇完未?睇完我去拎比Calvin,琴晚係咪有一種谷血上腦,然後想要發泄出黎既感覺呢?」Enoch小聲地對著跑車說。

看著Enoch猥瑣表情,跑車忍不住:「呃,話說你琴晚成晚冇熄燈喎,有咩搞啊?」

「嘿嘿嘿,一陣比左一套絕世好野你睇,我自己有另一套,三上老師呀!當然要慢慢研究下喇!之後我又搵到d絕對好野啊,你睇!」




Enoch神秘地說著,接著就從口袋中掏出一個,黑色中空鋼鐵的圓柱體,直晃晃地遞到跑車眼前。

「按摩棒?」

「噓噓噓……屌你,細聲d呀!你想令我地身敗名裂嗎?我地可以等下搵一個冇人既地方,再慢慢地討論啊!」Enoch還沒有反應過來,但是仿佛條件反射般地按著跑車的口。接著,他一邊擠眉弄眼,一邊對著跑車竊竊私語。

「屌你,縮開你隻臭手呀!」跑車一邊大聲屌出聲,一邊吐口水。接著,又在找水嗽口,彷彿自己剛被Enoch放了些液體進去自己的口一樣………

可是啊,那個按摩棒是給誰用呢?Alice?



想到這,跑車立即指打了一個冷震,然後同情地看向了正在說說笑笑Alice,心諗:「陰公,一個少女好快就要比個咸濕仔無情地摧殘!」

大家在King 家,煮了幾包即食麵填飽肚後,開始討論今後的動向。

「呃…我地講下今後既行動啦!」跑車打開話題。

Enoch環視餐桌上的眾人一眼,歎口氣,才緩緩地說:「我地今後既目標係?只係單純生存,定係要繼續去搵警察去對付喪屍?」

眾人被這一席話陷入沉默中,Calvin說:「事實上,我地根本就唔洗特登搵。喪屍瘟疫既恐怖,已經從九龍塘傳播到荔枝角,我唔相信一晚既時間,無發生絲毫變化。政府同警察一定已經知道發生左咩事!」

眾人也都沉默不語。King 沉思地說:「即係我地只顧自己生存就得?」

「政府已經知道喪屍瘟疫存在,而家佢扡可能已經調查緊瘟疫既來源。亦可能正在研制疫苗,又或做d乜野抵禦喪屍政策!」Calvin 繼續說。



「咁……然後呢?」跑車唔然忍不住問一句。

「然後?」Calvin望一望跑車,點一點頭就接著說:「好問題,首先我地面臨著兩大生存難題:一,我地冇任何力量可以保護自身。我地仲生存,純粹係我地幸運,但幸運唔係必然……如果我地冇實力,遲早都係死硬。」

「既然政府已經知道喪屍存在,佢地一定有應對既方法,比如派出警察對付喪屍進行圍剿,又或派出消防來搜尋幸存者等等……總之我地只要耐心等待,等警察或救援隊發現我地,咁我地就安全喇…….」Enoch 向Calvin 打一個眼色。

「所以……」Enoch從口袋中拿出那個黑色的圓柱體,然後徑直地擺放在餐桌上。

(Wow~~ 變態佬終於要進入正題!沒想到他這麼得直接啊!) 看到那個黑色的按摩棒又出現在眼中,跑車的臉部肌肉忍不住抽一抽.....

「咩黎?」看著那個黑色中空,如同手拇指一般粗細大小的鋼鐵圓柱體,Alice忍不住一問。

「等陣你就知道。」Enoch淡淡地說了出來。

(果然,真是太猥瑣太淫蕩太無恥。等下你們就知道了,可真是有內涵啊……) 跑車邪惡地幻想著。