屍幕圍城《作者開始暴走，少少甜，卜卜脆: 29. 全力備戰(下)

「係槍？」姍姍徑直地接下去。

「嗯嗯，醒目！」Enoch很贊賞地看向了姍姍，「我係想我地大家都有槍用，將我地既實力快速提高。然後全力保命，等人搜救人！」

「但係邊度有咁多槍？」Ceci 提出了眾人都期望的問題。

King深吸一口氣說：「你唔係想話，係我地琴晚去既地方……」

「軍營！」眾人都同時倒抽一口涼氣。一想到要面對數量鋪天蓋地，排山倒海般的喪屍，一股涼氣就從腳底直直地升到了頭頂，從額頭上滑落了下來。



「我唔想返去果度喇……」Ceci 身體怕得發抖。

「你地知d槍放係邊？」Alice 問道：「咁多喪屍仲要慢慢搵，好危險！」

「我同King、Ceci 果日去軍營行左一圈，知道d槍放係邊！」Calvin 說。

「槍、子彈！ 我地要有大殺傷力武器至得！」Enoch 一臉的狂熱。

「Sorry ，我同Ceci 唔去軍營喇！Ceci 想返美孚睇下佢屋企人！但你地可以繼續住係我屋企！」King說。



「你地自己兩個？真係要同我地分開，」Alice緊緊捉緊Ceci 的手。

「嗯！我實在唔想再返軍營喇……加上我屋企係附近，我打過幾次電話比佢地都無人聽，我好想返去睇下我d屋企人有冇事……你哋都要一切小心呀！」Ceci 給了Alice一個擁抱。

「我準備左依個消音器，係我琴晚捱夜整出黎！」Enoch指一指餐枱，那個黑色中空的鋼鐵圓柱體。接著說道：「大概可以將聲音消減掉八成左右。」

「唔係按摩棒咩？」跑車沒有經過大腦反應，直接就脫口而出。當說出口了，才發現了此時是多麼的尷尬，跑車也意識到自己是說錯說話。

「按摩棒?」Enoch嚇了一跳，他似乎根本想不到跑車會說出這三個字眼來。他玩味地看向了跑車，緊接著，他的臉竟然紅了起來：「嘿嘿，你又知？我確實係仿著按摩棒制出黎~~~呵呵呵……」說完，Enoch不好意思地撓一撓後腦。



(果然係……咸濕仔啊！) 跑車又在心中給Enoch打上了一個標簽——下流！

三位單純的小女人，自然是不知道什麼是按摩棒，只是在腦海中想象出一個搔背的用品。

「依支按摩棒……呃……係消音器，你打算攞黎做咩？」Alice 好奇地問道。

「傻婆！」Enoch忍不住白Alice一眼：「消音器自然用黎消除槍械用果時d聲啦！」

「我既意思係……你諗住拎依消音器就可以衝入喪屍群？」Alice無奈地解釋。

「當然唔得啦！」

「咁你拎出黎有乜用？」Alice幾乎有種想一拳打過去的沖動。

「我諗Enoch 既意思係…...」Calvin盯著Alice笑一笑，他接著說道：「首先引開軍營既喪屍，途中可以掩護King 同Ceci 向後走去美孚。之後我地入到軍營，然後用槍打開個鐵櫃，避免意外情況出現手槍一定要安裝上消音器！」



「Yo ! Calvin bro bingo !!」Enoch 猶如找到知音一樣。

「哦……了解！」眾人若有所思地點了點頭。

「咁你有咩辦法引開d喪屍？」跑車突然開口。

「嗯！」Enoch 點了點頭就接著說道：「我地在軍營時，係因為槍聲先會將d喪屍引過黎。咁我地可以反其道而行，利用聲音將喪屍引開………King 你個藍芽喇叭借一借比我地，到時候我去吸引喪屍，然後King 同Ceci 向後走！跑車同Calvin 衝去軍營就執槍械！」

「咁我同姍姍呢？我要做d咩？」Alice 一臉茫然。

「今次既行動，會關系到我地今後既命運。我地而家冇足夠力量……講真，女人幾乎係累贅一樣，如果你地跟埋黎，我地死既幾率係9成……」Enoch冷冷地說。

Alice怔住了，一時之間也不知該如何反駁。眼淚嘩啦啦地就從眼眶中灑落了下來，一旁的姍姍連忙安慰她。