[真人真事改編] 慘情四部曲．三個食檸檬的故事 [不定期更新]: 第一部 變格： Ch. 1 由來 Ep. 3

當晚我返到屋企打開電腦，登入Facebook，就係搜尋欄上面打咗Michelle Leung。第一個搜尋結果就係Man Wai Leung，有18 個共同朋友，profile picture 上面有兩隻企鵝。我見啲共同朋友我都識，咁我就將浮標對準「加為朋友」然後撳咗落去。 
「你係咪鍾意我？」

個幾星期後我收到Man Wai Leung 嘅Facebook message。

「係」

「禁你鍾意我啲咩？」

「唔知呀，就係一種感覺囉。你呢，你唔係有仔架啦咩？點解佢鍾意你丫？不如直接咁問啦，你係咪鍾意佢丫？」

「唔知點解我對你都有一種說不出的感覺，係，我係鍾意佢，但我冇話唔鍾意你。應該係咁講，我愛我條仔，我亦都鍾意你。」

我暈咗一暈，但心諗：嘩，正，咁都鍾意我，但係佢有仔架喎，唉，是但啦，佢話ok 嘅，咁應該ok 掛。之後我就冇再喺Facebook message 度搵佢，反之喺Michelle 因為喺我隔離班，我有時經過見到佢可能就會聊吓佢講野。但之後都越嚟越少見佢，佢就只係我單戀嘅對象。 
啱啱開學，我發現Michelle 有個習慣，就係佢會搭07:38 嘅地鐵翻學。佢見到我好快就用反白眼嚟代替惜日嘅點頭微笑，而且一到站就一支箭咁沖落車走，搭電梯果陣我望住車站嘅深藍色牆我就喺度諗係咪注定咗呢一切都係咁。上到地面，我上前追問佢點解相隔一個暑假就咁唔同。

「1，我唔鍾意你；2，唔好煩；3，講完。」

「你又話『我愛我條仔，我亦都鍾意你。』嘅？」



「你諗多咗啦。」

吓？Michelle 明明之前係咁講架，點解放咗個暑假會唔同晒架？我頓時間呆咗一呆，雙眼都擘大晒，啲睡意即刻全部冇晒。

「仲有呀，要我鍾意你，我不如去食屎算。好心你照下鏡啦，你咁on9，又柒，邊會鍾意你啊？」

Michelle 講完就越過我，向學校方向走咗。我就喺地鐵站發晒呆，眼裏充滿住淚水，卻流唔出。 我一路行翻學校，身邊一切嘅事物都好似靜咗音。我繼續好孤獨咁行翻學校，腦裏面一直諗，究竟發生咗咩事？我做咗啲乜野？定係就係因為我冇做啲乜野？我唔知，我淨係知道我聽到走音嘅F# major 嘅考鐘，我要衝啦。竟然身後有把粗獷女仔聲：「喂，家寶，行啦！喂！！！」

我心諗：吓我咪跑緊囉......但呢把聲都仲係繼續。



「發完呆未呀？前面行晒啦。」Vicky 笑我咁講。

老師原來已經分享完，報告埋添啦。我就on99 咁棟咗喺操場......唉，或者Michelle 當年講得啱，我係真係on9，真係柒。我快快手手執埋啲野就跟翻條隊就啦。

                                                       

大家可以follow 我Facebook page。
歡迎大家留言，甚至DM 我。
有興趣聽吓我啲歌嘅可以Subscribe 我Youtube Channel 'TangTang'。