(短)《月光狼人傳》: 第三章

第三章

自己一個踏出咗補習社。估唔到已經日落西山了。

呢啲先至係快樂嘅時光黎咖嘛！

~~~~~~~~~~~~

我上咗前往屋企方向嘅巴士，認真咁整理今日係補習社學到嘅野……人際關係。





講真，我對彩霖並唔係冇好感㗎。

但係……就係冇愛上佢嘅嗰種感覺囉！

而且我覺得，身為一個師兄，係唔可以咁衰同師妹喺埋一齊咖嘛！至少喺入到大學前唔可以。呢個係我作為人地師兄嘅底線。

廣播：「下一站：永安中心」

咦，好似過咗站喎……





咁只好下一個站落車，然後行返返轉頭啦！

~~~~~~~~~~~~

終於……經過咗九曲十三彎，我終於返到黎呢個久違的、令人可以稍微休息整頓的家了。

返到屋企，我馬上就衝咗入浴室沖涼。因為我知道，只要一沖完涼，就可以即刻返房打機。不為別的，就是為了玩狼人殺。

點知我沖完涼出黎，見到我嗰個好煩人嘅細妹……





細妹：「啊哥，好肚餓啊！落去幫我買野食呀。」

係喎，不知不覺已經夜晚七點鐘啦喎！但係，無野重要得過登入遊戲嘅。何況……我啱先沖完涼，係落都應該你去啦！

正當我想無視佢、直接行去打機嘅時候，佢……爆了。

只見佢一下把我直接按在地上，然後霸氣地說：「一係去買野食，一係去死。你想揀邊一種啊？」

我：「好，我落一落去買野食。啊妹係屋企乖乖地。」

~~~~~~~~~~~~

就係咁，我被迫又落咗街。

喺排隊等緊野食嘅時候，我不禁思考咗一個好嚴肅嘅問題，我同啊妹嘅關係究竟係幾時變到咁差嘅呢？明明以前一齊玩到有講有笑格，而

家我地兩個計都傾唔上兩句……

我唸起啦！原來由佢返中學嘅第一日開始，我同佢就開始生疏了。

當我唸完嘅時候，份外賣都好剛好咁搞掂拎得啦！

~~~~~~~~~~~~

當我返到去嘅時候，我將個問題好直白咁問咗佢。

我：「喂啊妹啊！其實點解我地嗰關係會咁疏遠嘅？」

點知佢答咗我一個朦朧嘅答案……

妹：「你都唔了解我！！」





據我所知，我呢個妹看似驕橫任性，實則喺學校係一個好受老師歡迎、待人友善嘅校花。佢聽講係學校仲有好多仔想溝佢添。係如此清楚佢嘅一舉一動嘅情況下，我竟然俾佢話我唔了解佢。

真係諷刺。

講到呢度，你地估唔估到我個妹係邊個呢？

無錯喇，佢就係人見人愛林芷嘉啦！

對於呢個異父同母嘅啊妹，我係冇嘢好評論囉！

話時話，都好耐冇陪芷嘉一齊出街啦喎……

不如下個禮拜日就陪佢去佢一直想去嘅西九龍中心行下啦！





~~~~~~~~~~~~

不過而家要開game先。

話晒我女神約我打機喎（其實係成班一齊），點可以唔應約㗎！

【系統訊息：你的角色是狼人，請將其他所有人盡你的能力全部殺掉。】

嘩！呢次係我第一次玩狼人，好似好好玩咁喎，等我出其不意咁殺晒你地先。

【系統訊息：晚上了。】

正當我以為我可以揀攻擊對象嘅時候，手機卻突然黑屏了。

當我重開我部手機嘅時候，我俾我眼前的景象嚇到傻咗。





原本我係度玩緊嘅嗰個狼人殺，而家已經消失唔見咗啦……準確啲嚟講，隻game係俾人強行卸載咗。

不過，當時我都不以為然。仲以為係遊戲商強行回收遊戲更新呢。

點知，呢個竟然係導致之後發生嘅一連串奇怪事件…………