(短)《月光狼人傳》: 第四章

第四章

凌晨兩點，喺呢個夜深人靜嘅時間，街上面一個人都冇，但我就偏偏起咗身。

但我又冇發惡夢，又冇過於興奮。只係同平時一樣咁瞓，但唔知點解就係瞓唔返落去。

喺我仲喺到唸緊瞓唔到嘅原因嘅時候，我聽到有把女仔聲喺我耳仔到講嘢。

？：「恭喜你，狼人先生。你今後開始必須每日殺一個人，以為我獻祭。如果你可以喺一個禮拜入面殺到十個人嘅話，你就可以做返個正
常人。我會全日保護住你、唔俾你瞓，直至到你嗰日獻咗祭俾我為止。」





我：「吓，殺人！！」

我嚇到周圍搵嗰個神秘人，但呢到我屋企嚟咖嘛，邊到有咩神秘人啫？呢下我仲驚，唔通我撞鬼？！

？：「唔好周圍望啦，快啲去做野啦！」

我鼓起唔知邊到嚟嘅勇氣，問咗個好7問題。

我：「借問聲，你點稱呼呀？」





？：「我啊？我冇名㗎喎。」

我：「唔係吓嘩？！就算係鬼，你都會有名啦。咪住先，唔通你係……一個殆死腹中嘅嬰兒？！」

？：「你係度講緊啲乜野呀？咩係殆死腹中呀？宇其唸埋呢啲無聊野，不如早啲獻祭俾我，早啲解脫啦！」

我：「但係都要有名先得㗎。如果唔係，我點知獻俾邊個啫！」

？：「你又有道理嘅。咁啦，你做住我主人先，幫我改個名啦。」





我：「咁你就叫危小愛啦！」

小愛：「名就改好啦！咁……可以動身去獻祭未呢？」

我：「未得住。既然你已經有名喇，咁不如露出你嘅真身啦！」

小愛：「但係我……」

我：「唔洗但係啦。你一日唔露真身，我係唔會獻祭嘅。」

只要你一露真身，我就可以拎書枱隔離嘅十字架黎驅走你啦！

小愛：「……咁好啦。」





咦，估唔到佢咁順灘喎。

一陣風吹過，一個美若天仙、年輕貌美嘅女仔出現喺我面前。

認真啲講句公道說話。佢咁嘅樣，好難唔心動㗎喎！

佢咁可愛，我點落得手啫……

所以，最尾我都係放過咗佢。

小愛：「咁……我地行啦喎。」

我：「咪住！」

小愛好唔耐煩咁講：「又點呀？」





我：「如果俾CCTV影到個樣，警察拉咗我，咁我咪唔使再殺人囉。」

小愛笑咗笑：「哦，你擔心呢樣咋。唔使擔心喎。」

佢見我唔係幾信佢，就拋咗塊鏡俾我。



嘩，我變咗咁嘅樣……莫講話警察，連我啊媽都唔鬼認得我啦！

既然連呢樣都俾佢解決咗，我都冇其他理由拒絕佢喇。

就係咁，我開始咗我嘅第一次（唔着衫褲出街）獻祭。