與直男共存史: 03 偶遇直男

姊妹K曾經提出直男單身嘅十億個理由。

第一：想同心儀對象加深認識一定係約打工番parttine

第二：想同心儀對象有更多接觸就一定係約打機

第三⋯⋯

好啦⋯⋯如果再咁數落去真係有排都寫唔哂。



佢一咁講我就林起同男友人K認識頭幾日就比佢r打機，我不斷搵借口例如未down個game、電腦配備唔支援、無時間唔得閒等等。

但係佢依然懈而不捨，抱著必定要同你玩或者純粹想拉你入坑嘅心態堅持日日問夜夜問，down左未？裝唔到？試下台服？

呢種積極面對人生嘅態度我俾100分佢。

最後係以電腦配備真係唔支援而告終。

當然我同呢位男友人K嘅接觸並冇因爲咁而停止，反而係每次上某一科嘅堂都見到佢忽然出現忽現坐隔離，佢原話係咁嘅：



「我上嗰個lecturer唔係好明，所以聽埋呢個會好D。」

嗯⋯⋯你可以坐埋一邊上，但係可唔可以唔好坐埋黎⋯⋯

自從上次汗毛事件之後我見到佢就有D反胃。

除左呢種唔似偶遇嘅偶遇，當然仲有同男友人E係圖書館出黎嘅時候撞到，同埋同男友人X係室內canteen食飯嘅時候隔著塊玻璃迎面見到佢拎著餐盤，準備坐係一塊玻璃之隔嘅室外canteen。

仲要佢（男友人K）真係坐左落去，有時望住我同男友人X。



聲明嗰度其實好多位。

當我以為佢係我心目中嘅印象分即將到達負分嘅時候，現實總係令我難以捉摸。

又係whatsapp被問到同唔同佢食lunch嘅我表示長久嘅已讀不回。

好啦其實我係林林下唔記得覆佢。

佢堅持不懈第三次問我，而且係坐隔離當面。

「食唔食LUNCH？」

冇錯。又到左佢美其名若「聽呢個lecturer會清楚D」嘅堂。

我可唔可以唔食LUNCH。



「你約左人咩？」

我深深沉思左十秒，耐到佢以為我聽唔到，打算問多次嘅時候⋯⋯

「冇⋯⋯一齊食啦⋯⋯」

當中夾雜幾多無奈，不足為外人道爾。

過左幾分鐘，佢望一望我。

「你好似好眼訓？食唔食？」

佢手上係一盒薄荷糖。



我點頭，口中因為一粒糖，終於有返少少精神。

隔左無幾耐，佢話：「你感冒？」

「冇呀。」

「你成日索嘅？洗唔洗紙巾？」

「哦⋯⋯好。」

手上多左張紙巾。

一分鐘之後，四分一張紙巾都係血。

「你流鼻血？」



「嗯。」我放低張紙巾，用手扇風。

「你成日流架？」

「嗯。」

「轉天氣？」

我點頭。

佢冇再講野。

我都冇再出聲，只係林佢係少數人無見到流血而大呼小叫。



「你有冇紙巾？洗唔洗俾包紙巾你？」

感覺佢冇咁令我反胃。

母親大人聽完話：「呢D人算吧啦，見到你流哂血仲咁安靜坐係度，一睇就知唔關心人。」

我諗世上總有D人不善表達，就好似我咁，亦都有D人默默關心，就好似佢咁，不過佢唔係最令我窩心嗰個。

【要求人做到100分之前首先自己要做到200分】